萬聖節 │BB南瓜燈│DIY半個鐘完成
今天就是 萬聖節 了，滿街嘩鬼亂跑，一眾牛鬼蛇神出沒。唔想同人逼只好留家開party，想有節日氣氛、又買唔切裝飾布置？不如DIY一個BB南瓜燈吧！材料簡單，一把刀一個迷你南瓜即可隨時動手，而且BB南瓜質地較軟，可輕易雕琢，只需半小時，DIY新手都可完成。
撰文：Keith │攝影：Tony
$30兩樣材料即可
先睇睇 萬聖節 BB南瓜燈的材料吧，主角迷你南瓜可以在外國大型超市買到，例如City’super及TASTE等等買到，價錢約$12-22。另外建議使用蠟燭燈，比真蠟燭安全易用。其他材料只需生果刀、匙羹等等。
4個步驟 南瓜變惡鬼
步驟一
首先在南瓜底部用鉛筆劃記號預位，準備一陣開洞放入蠟燭燈。
步驟2
之後用生果刀開洞就可以了。迷你南瓜質地軟身，生果刀可輕易入切 ，但用刀時記得小心呀！
步驟3
之後就要刮走果籽及果肉，清空南瓜內部。最後刮清一點，待會雕五官會輕鬆一點。
步驟4
之後畫上鬼馬樣子預位，就動刀雕出五官。建議五官位置分開一點，太近會很容易雕穿。
完成！
還有白色南瓜可選擇。
把惡魔南瓜捧在手心，超可愛！
亮燈效果不比大南瓜失色，開party時放一兩個在家中，即時 萬聖節 到爆登。
