護膚專家美肌攻略!日本節目:年紀唔同要食唔同嘅美肌食物!化妝竟不傷皮膚?曬太陽曬1個位就夠!|好生活百科
護膚專家美肌攻略!日本節目:年紀唔同要食唔同嘅美肌食物!化妝竟不傷皮膚?曬太陽曬1個位就夠!|好生活百科

護膚專家美肌攻略!日本節目:年紀唔同要食唔同嘅美肌食物!化妝竟不傷皮膚?曬太陽曬1個位就夠!|好生活百科

講到護膚、美肌,好多人都會用大量貴價產品、做facial等,小資女確實無法承擔咁多支出⋯⋯有冇啲日常做到嘅美肌方法呢?日本電視節目《ホンマでっか?!TV》中,日本護膚專家就提出咗,原來每個年齡階層,係有唔同嘅食品可以促進美肌功效!一齊睇睇自己現階段應該食咩嚟護膚啦!

撰文:Carmen|圖片來源:《ホンマでっか?!TV》、新傳媒資料室

日本護膚專家 詳解美肌攻略!
肌膚老化速度取決於UV吸收量!

據日本護膚專家澤田彰史所說,肌膚表面嘅老化速度,8成取決於UV嘅吸收量,減少外出率,會對皮膚較好!唔曬太陽,又點吸收維他命D?專家就話,其實每日只需手心面積咁大嘅皮膚,曬10~15分鐘太陽吸收紫外線,就已經有充足嘅維他命D!

用手心曬10~15分鐘太陽吸收紫外線,就已經有充足嘅維他命D!
用手心曬10~15分鐘太陽吸收紫外線,就已經有充足嘅維他命D!(圖片來源:日本電視節目《ホンマでっか?!TV》)

不同年齡階層的美肌食品

10~19歲:芋絲

十幾歲嘅年齡,肌膚嘅煩惱多數為暗瘡,而暗瘡成因嘅其中一個原因係便秘!專家指,便秘會令惡玉菌增加,繼而令活性酸素產生,隨住血流積聚到皮膚,形成暗瘡。而便秘嘅原因,大多數情況下,都係因為食物纖維不足。

便秘會令惡玉菌增加,繼而令活性酸素產生,隨住血流積聚到皮膚,形成暗瘡。
便秘會令惡玉菌增加,繼而令活性酸素產生,隨住血流積聚到皮膚,形成暗瘡。(圖片來源:日本電視節目《ホンマでっか?!TV》)

能夠高效率地攝取食物纖維嘅食物就係芋絲!每300g芋絲就含有5~6g食物纖維。唔知點煮好嘅話,用芋絲取代一般麵條咁食就可以喇!

每300g芋絲就含有5~6g食物纖維。
每300g芋絲就含有5~6g食物纖維。(圖片來源:新傳媒資料庫)

20~29歲:紅椒

踏入20歲,肌膚嘅主要煩惱都依然係暗瘡問題,而呢個年齡階層要消除暗瘡問題,最重要嘅做法係攝取維他命C。專家就推薦食紅椒預防暗瘡。紅椒比青椒含有2倍多嘅維他命C,對美肌有唔錯嘅功效。

專家就推薦食紅椒預防暗瘡。 (圖片來源:新傳媒資料庫)
專家就推薦食紅椒預防暗瘡。 (圖片來源:新傳媒資料庫)

專家仲話,其實食水果對皮膚竟然係唔好㗎!因為果糖會令血糖值急上升,產生活性酸素,成為生暗瘡嘅原因。

30~39歲:肝臟

步入30歲,就漸漸變得不能夠勉強嘅時期,而原因係因為缺鐵!鐵質吸收,好多人都會諗到食紅肉、魚,但原來吸收效率最高嘅係食肝臟。鐵質不足就無法製造膠原蛋白,繼而成為皺紋、下垂嘅原因。

鐵質吸效率最高嘅係食肝臟。
鐵質吸效率最高嘅係食肝臟。(圖片來源:新傳媒資料庫)

40~49歲:小白魚乾

進入40歲,代表住已經步入幾乎無法製造膠原蛋白嘅年齡。提到膠原蛋白,印象多為食魚翅,但專家指魚翅係高級食材,於是要美肌的話推薦食小白魚乾。一日需攝取嘅膠原蛋白大約為5g,而小白魚乾就含有約22g!

以前有話即使食膠原蛋白,亦都唔會增加到身體內嘅膠原蛋白量,因為會被胺基酸所分解。但最近嘅研究就指,膠原蛋白中約有10%會作為膠原蛋白肽被吸收,能夠促進肌膚細胞活動。

推薦食小白魚乾,一日需攝取嘅膠原蛋白大約為5g,而小白魚乾就含有約22g! (圖片來源:新傳媒資料庫)
推薦食小白魚乾,一日需攝取嘅膠原蛋白大約為5g,而小白魚乾就含有約22g! (圖片來源:新傳媒資料庫)

50~59歲:納豆

到50歲,肌膚嘅老化原因係腸內惡玉菌。最好嘅解決方法係由食物中吸取善玉菌作補給,而最有效嘅食物就係納豆。生物學專家指,50歲後發生嘅食物過敏係好難痊癒嘅!所以要更小心注意飲食,記錄低食咗之後感到不適嘅食品,管理好身體健康。

納豆可以補給善玉菌!(圖片來源:新傳媒資料庫)
納豆可以補給善玉菌!
(圖片來源:新傳媒資料庫)

化妝對皮膚不構成傷害?
最緊要學識落妝咁做!

美肌專家指,其實化妝帶有一定防UV功效,對皮膚嘅傷害唔算太大,唔需要咁搏命去卸妝,卸唔乾淨都好,但一定要喺40秒內完成卸妝過程!喺沖緊涼時等有濕氣嘅環境下卸妝,係對皮膚最好嘅。

化妝帶有一定防UV功效,對皮膚嘅傷害唔算太大。(圖片來源:Pexels)
化妝帶有一定防UV功效,對皮膚嘅傷害唔算太大。
(圖片來源:Pexels)

最新吃喝玩樂資訊