3大至潮創意 畢業花束 日本慳錢大熱零食花
廣告
畢業季又到啦，畢業生都忙緊去畢業旅行的時候，作為他們嘅朋友、家人或者男女朋友，係時候諗下畢業禮送咩花俾他們！唔想咁行送公仔或者一大束花，想為佢嘅畢業典禮留一個特別嘅回憶？咁就要參考下其他地方究竟送咩 畢業花束 啦！
1.慳錢! 零食變 畢業花束
無錯！你無睇錯，零食可以變花束送畀人。最近日本Twitter湧現咗一大批零食花束嘅相，原來最近日本人都流行送零食花畀人，唔好以為零食花束好似會好小家，會好似學生抽獎禮物，正正相反，出黎嘅效果好可愛，最重要嘅係一啲都唔難整，成本唔高，又唔會浪費，學生首選！整零食花聽落好似好簡單，但其實要有少少技巧先可以有可愛嘅感覺！
技巧一：當中要放真或者假花。雖然佢係零食花，主要都係用零食包裝，但想效果夢幻啲同似花束多啲就要放花係零食嘅中間，以假亂真，令到零食同花融為一體！
技巧二：包裝紙都好重要，如果砌功唔叻，包裝紙都可以救你一命，例如用啲可愛嘅包裝紙，包到成個窩夫咁，見到都覺得甜！
技巧三：利用小工具木條和吸管。點將零食放滿成束花？咁就要利用一下小工具！將零食痴係木條和吸管上面，墊高零食，咁底下果層唔放都可以做到零食多到滿嘅效果！
仲係無頭緒點整？睇下呢段教學短片啦！ 如果想再簡單啲，珍寶珠花都係唔錯嘅選擇！
2. 浪漫韓國小花束 送女朋友佳品
睇完日本，就到韓國啦！韓國最近有迷你花嘅熱潮 ，興買細細束、充滿少女味的韓國小花束，主要嘅花雖然唔係玫瑰，但都充滿浪漫嘅氣息，啱曬送畀女朋友！而且唔駛自己整，都唔駛去韓國，因為香港唔少Instagram 店舖都有得買啦，仲有花種可以揀！
小小花束 浪漫滿瀉
親手乾花 包花 賣花
Store. Laziness
3. Hello Kitty 迷必送！Hello Kitty 樣鮮花束
如果朋友係卡通迷，零食花或者小花束都未必適合你，但呢個Hello Kitty 公仔鮮花就啱曬你啦！香港唯一一間擁有Sanrio 授權嘅花店，用鮮花砌成Hello Kitty 樣嘅花束，只要鐘意Hello Kitty 嘅人都會立即尖叫，不過價錢唔平，大家可以諗清楚先訂！
