真係食得!大阪隱世蛋糕扭蛋機 $25有得扭!不定期更新新鮮水果口味

大家都知道日本人會推出好多有趣嘅扭蛋，但原來呢款扭蛋係食得㗎！係大阪住宅區的小巷裡面，有一間蛋糕店，佢哋推出咗蛋糕扭蛋。只要500日圓（約港幣$25），就可以扭一個裝滿蛋糕嘅扭蛋，即扭即食。老闆仲話會根據節日、時節去更新蛋糕口味：聖誕蛋糕、士多啤梨蛋糕、提子蛋糕等等。賣相仲有可愛熊仔、貓咪公仔牌，試過嘅網民都話味道好好，同平時買到嘅蛋糕一樣水準！真係好有趣嘅體驗，大家去大阪旅行嘅時候，會唔會都想試下呢？