童年回憶!守護甜心大型活動! 夢幻打卡+首賣精品+抽閃卡!
廣告
香港首個《守護甜心！》活動
陪伴無數少女成長嘅經典作品《守護甜心！》，趁住續集回歸熱潮正式登陸香港！由6月13日至7月12日，全港首個《守護甜心！》大型主題活動將進駐尖沙咀LCX，以「Pink & Brown」色調結合紅黑格紋同Y2K龐克搖滾美學，打造出又甜又叛逆嘅夢幻空間，各位守護使者一齊去尋找屬於自己嘅守護蛋！
夢幻打卡
場內設有多個必影位，LCX正門率先迎接大家嘅係「My Heart, Unlock! 心靈之牆」，以紅黑格紋心型牆做背景，亞夢聯同唯世、空海等一眾守護使者列陣等你加入。再行入去會見到「守護蛋精靈牆」，一次過展示16隻心靈之蛋，連令粉絲又愛又恨嘅「惡蛋」都有齊，瞬間勾起亞夢拯救他人心靈嘅經典場面。人氣極高嘅幾斗同歌唄就喺「角色鏡面互動自拍區」驚喜現身，透過鏡面裝置可以同佢哋近距離合照！小編細個最鍾意幾斗啊！！！><
多款精品閃卡
活動特設專為香港站打造嘅主題閃卡機，全系列共40款設計，粉絲必收藏。還有超過50款獨家官方周邊，包括守護甜心亞克力吊飾盲盒、以四款經典變身造型登場嘅亞克力立牌、充滿初夏Vibe嘅主題T-Shirt，同埋亞夢同款亞克力髮夾，充滿少女心！
活動詳情
LCX【《守護甜心！》限定店】活動詳情
開放日期：2026 年 6 月 13 日至 7 月 12 日
展覽地點：尖沙咀海港城海運大廈三階 LCX正門
入場費用：免費
展覽開放時間： 上午 10 時至晚上 10 時
在 Instagram 查看這則貼文新假期 Weekend Weekly（@weekendweekly）分享的貼文
圖片來源：官方圖片資料或影片來源：「新假期官方IG」
