1秒走進香港卧底電影世界 神還原名場面:無間道/英雄本色II

鍾意香港電影嘅你，一定要嚟大館睇呢個以卧底為主題嘅展覽「光影邊緣—香港電影的臥底世界」🎬，主要圍繞《無間道》(2002)、《掃毒》(2013)、《龍虎風雲》(1987)、《辣手神探》(1992)、《邊緣人》(1981)、《英雄本色II》(1987)、《門徒》（2007）、《龍在邊緣》（1999）等八套經典臥底電影📽️～

小編私心覺得《掃毒》嘅車禍現場真係還原得好完美✨，超震撼😱，每一個細節都做得好仔細，就連車上面嘅灰同磚都做到好真🥹！

「雲來大茶樓」嘅佈置都好逼真🫖，每一個角落都充滿細節，坐喺卡位就好似置身喺嗰個年代入面咁🙂‍↕️！製作團隊仲好細心咁set好咗幾張被打翻嘅圓枱，上面嘅嘢飄浮喺空中☕，就好似將時間定格喺嗰一秒咁！Fans一定要打卡📷～

另外場內有超多可以互動打卡嘅位置，一定要喺「無間交易」嘅房間入邊重建返《無間道》中陳永仁帶住石膏打摩斯密碼嘅一幕🔑，仲可以喺對面房嘅CCTV入面影到㗎🥳～細心啲留意嘅話，CCTV入面仲可以見到梁朝偉嘅身影🤩！

場內仲有好多好精美、好有心嘅佈置🔥，每一個角落都係以電影級製作🎬，港產片迷一定唔可以錯過～展覽去到10月5日，大家想睇嘅話記住要喺Klook預先購票🎫～

「光影邊緣—香港電影的臥底世界」@taikwun.hk
日期：2025年8月1日至10月5日
時間：上午11時至晚上7時
地點：大館01座警察總部大樓LG1樓及LG2樓複式展室

價錢：港幣$25（優惠票港幣$15）

在 Instagram 查看這則貼文新假期 Weekend Weekly（@weekendweekly）分享的貼文