//享樂烘焙10大必食麵包/酥皮撻！//
1.開心果麻糬牛角 $26
上年推出的開心果系列依然好受歡迎，其中開心果麻糬牛角包面層有粗粒開心果碎，層層酥脆重牛油香，內餡夾上兩片Q彈軟糯麻糬，加埋香濃開心果醬，口感層次好豐富！
2.Valrhona朱古力可頌 $14
朱古力控一定要試Valrhona朱古力可頌，用上Valrhona 黑朱古力做麵包體，配以Valrhona朱古力醬，苦甜適中，口感鬆軟！雖然滿滿朱古力粉食到好遴迍，但無阻大家對佢嘅愛！
3.明太子法包 $24
享樂烘焙的明太子法包一直深受好評，以外層酥脆的法式長棍麵包為基底，內餡注入鹹香濃郁的明太子醬，香氣十足，微辣鹹香，口感層次豐富。建議買返去再用約180°C翻焗3-5分鐘，外層更酥脆，味道更濃郁！
4.粟米撻（荔枝角限定）$26
最近大熱新品的粟米撻，酥皮做得勁酥化，層層脆薄，面層有燒過的粟米粒粒，中間粟米餡好creamy，每啖都好似飲緊粟米湯咁，甜度適中，超好食！
5.黑芝麻酥皮撻 $22
同樣是近期人氣新品的黑芝麻酥皮撻，頂層有多到幾乎滿瀉的芝麻醬，外層酥皮口感酥脆，內餡蛋漿香滑，雖然芝麻餡未至於爆哂餡，但芝麻味都幾濃郁，又不會太膩，甜度恰到好處。
6.開心果酥皮撻 $24
開心果酥皮撻是長期人氣產品之一，千層撻底配上原味蛋漿，再在蛋漿上唧入開心果醬和灑上開心果碎，撻皮口感酥脆，食落有好濃郁開心果味，加上開心果脆粒，層次超豐富，香氣十足！
7. 藍莓乳酪Bagel $20
享樂烘焙招牌點少得Bagel，其中多年熱賣款是藍莓乳酪口味。Bagel使用湯種法及海藻糖製成，內含藍莓果醬與滿滿乳酪餡，味道酸甜，口感柔軟又不失嚼勁。
8.抹茶奶酥包 $14
抹茶奶酥包有不少threads友推介，奶酥香甜鬆化，麵包外皮輕薄柔軟，食落抹茶濃郁，茶味回甘，抹茶的微甘和奶酥的香甜搭配幾夾。不過整體比較甜膩，建議飲茶中和一下。
9. 青森蘋果酥 $24
青森蘋果酥賣相精緻，外層明顯睇到手工折疊的層層酥皮，外層好酥脆，內裡加入酸甜青森蘋果果醬，加上香甜蘋果粒粒，果香清新自然，甜而不膩，層次豐富。
10.肉桂脆脆酥 $18
最後一款是肉桂脆脆酥，面層灑滿肉桂糖粉，有好香濃肉桂味，外層微脆，食落質地好煙靭鬆軟，甜甜地又有肉桂的天然香氣，鍾意食肉桂嘅朋友仔大推！
享樂烘焙（荔枝角分店）
地址：荔枝角瓊林街83號地下G03及04號舖
在 Instagram 查看這則貼文新假期 Weekend Weekly（@weekendweekly）分享的貼文
