7大搭車禮儀!如何1秒激嬲車主?學校沒教但你要知 勿做失禮乘客|好生活百科
7大搭車禮儀!如何1秒激嬲車主?學校沒教但你要知 勿做失禮乘客|好生活百科

7大搭車禮儀!如何1秒激嬲車主?學校沒教但你要知 勿做失禮乘客|好生活百科

搭車禮儀需知!冇車更加關你事,勿做失禮乘客,相信大家或多或少都有試過坐親友嘅順風車,但唔講唔知,原來坐人哋車同去人屋企作客一樣,都有唔少禮儀要遵守!畢竟有好多男人都當部車係第2個老婆咁看待。以下就有7個坐人車要遵守嘅禮儀,唔覺意犯咗隨時1秒激嬲車主!大家新年期間坐朋友車就要記得留意下喇!

撰文:Mila|圖片來源:網上圖片、新假期資料庫

學校沒教的搭車禮儀!

1. 切勿大力閂車門

呢一項係大忌嘅第一位!很多人平時搭開的士,因為驚閂唔實車門,所以習慣大大力閂車門。但私家車嘅車門比起的士嘅車門設計更為複雜,可能有很多按鈕,所以相對上較脆弱,大力閂車門分分鐘震壞車門上嘅零件,整一整又要幾千蚊,車主真係多得你唔少!所以大家下次閂車門嘅時候記得溫柔返啲喇。

大力閂車門容易震壞車門上嘅零件,車主最憎。(圖片來源:pexels.com)
大力閂車門容易震壞車門上嘅零件,車主最憎。(圖片來源:pexels.com)

2. 切勿唔睇清楚就開車門

唔開大個車門點落車!?開大車門當然係無問題,問題係無睇清楚車門外面嘅情況就一嘢用力推門。很多時候,車門外可能係欄杆或者石,如果呢兩樣嘢的高度比較低,遮住視線,搞到一開門就刮花車門。最慘係開門果陣撞花咗隔離車的車門,到時都唔知邊個賠好。

無睇清楚就就一野開大個車門,容易撞到欄杆或者石壆。(圖片來源:pexels.com)
無睇清楚就一下開大個車門,容易撞到欄杆或者石壆。(圖片來源:pexels.com)

3. 唔好一嚟就坐後座,淨返車主係前面

唔講你可能唔會為意,坐私家車時一黎就坐後座,留空副駕,淨返車主係前面渣車,其實十分不尊重。無論係因為大家搭的士習慣了,又或者係覺得副駕位唔敢亂坐,但咁樣會俾人一種「當人係的士司機」的感覺。因此,如果只係得你一個,或者架車未坐滿人嘅時候都盡量唔好留空副駕位,以示對車主嘅尊重。

一黎就坐後座,淨返車主一人係前面,令人有種「當人係的士司機」的感覺。(圖片來源:pexels.com)
一上車就坐後座,淨返車主一人係前面,令人有種「當人係的士司機」的感覺。(圖片來源:pexels.com)

4. 一上車就係副駕睡覺=唔尊重

就算你避開了上一個行為,好醒目咁坐上副駕位,但你都可能會犯這個禁忌。就係一上車就在副駕訓覺,特別係坐長途車/自駕遊嘅時候,咁樣一樣會令到車主唔係太好受。因為揸長途車其實都幾攰,所以最好就適當地同車主傾下計,令到佢無咁苦悶。不過如果你真係好攰,可以嘗試輕輕同車主說明原因才去睡,相信佢都會體諒,唔好誤會你。

一上車就係副駕睡覺=唔尊重車主(圖片來源:pexels.com)
一上車就係副駕睡覺=唔尊重車主(圖片來源:pexels.com)

5. 係車上面食嘢要小心

好多車主都唔鐘意乘客係佢車上面食嘢,特別係鹽酥雞、薯片、等等嘅食物,一來容易被車內的物料會吸味道,二來碎屑多,難以清理,容易惹蟲,清潔十分麻煩。

唔係個個車主都唔介意人係車上面食野,為避免尷尬,都係問清楚先好啲。(圖片來源:pexels.com)
唔係個個車主都唔介意人係車上面食嘢,為避免尷尬,都係問清楚先好啲。(圖片來源:pexels.com)

6. 唔好係咁亂㩒啲掣/開櫃

坐車隨意亂㩒車上的掣或者亂開人啲櫃,係非常失禮嘅行為。道理同去人屋企一樣,你都唔會去到人哋屋企就隨便入房開人哋個衣櫃啦。

係咁亂㩒啲掣/開櫃是十分沒禮貌的行為。(圖片來源:pexels.com)
係咁亂㩒啲掣/開櫃是十分沒禮貌的行為。(圖片來源:pexels.com)

7. 勿對人哋架車評頭品足

好多男人都當架車係第二個老婆,你彈人哋架車舊、牌子垃圾,或者顏色唔好睇,就等於直接同佢講「你Taste好差!」一樣,無人會想聽。所以都係厚道啲,除非人地問你意見,如果唔係都係收下把口啦。

對人哋架車評頭品足,容易得罪人而不自知。(圖片來源:pexels.com)
對人哋架車評頭品足,容易得罪人而不自知。(圖片來源:pexels.com)

唔知大家有無曾經唔覺意做過失禮乘客呢?下次坐朋友車就記得要留意喇!各位車主仲有無遇過其他1秒激嬲你嘅行為呢?

撰文:Mila|圖片來源:網上圖片、新假期資料庫

即睇更多:日本電車乘客票選擾民行為TOP15!最「乞人憎」第1位好多遊客都有做!|好生活百科

9大讓人失望的 日本手信 第 3 位你和我都可能買過!|網絡熱話
(圖片來源:新假期資料庫)

即睇更多:00後潮語你識幾個?13個新世代潮語 「壞過凱婷」、6uo、Fam J係乜?睇唔明證明你老喇|網絡熱話

7大搭車禮儀!如何1秒激嬲車主?學校沒教但你要知 勿做失禮乘客|好生活百科
(圖片來源:新假期資料庫)

最新吃喝玩樂資訊