全城帶動
全城帶動

全城帶「動」齊齊帶埋愛犬入海洋公園尋寶啦!

生活
假日唔知同毛孩去邊到放電?想同狗狗破世界紀錄?仲想同狗狗打扮,競逐「最佳衣著獎」?咁就啱啦,為咗慶祝香港回歸祖國25周年,「動物守護 • 社區大使」計劃嚟緊會破天荒喺海洋公園舉行「全城帶動」慈善尋寶活動,成為全港首個同愛犬入海洋公園玩闖關遊戲嘅活動!俾大家同愛犬一齊玩兼尋寶,仲可以做善事同愛犬selfie影靚相!呢個活動除咗好玩之外,仲有好多吸引之處㗎,大家千祈唔好錯過呀!

關注動物福利 打擊殘酷對待動物

全城帶動

警方一直十分關注動物福利,更會打擊一切殘酷對待動物行為,自2011年10月推出「動物守護計劃」,成員包括漁農自然護理署、食物環境衛生署、香港愛護動物協會、獸醫組織、香港城市大學嘅動物醫學及生命科學院及動物關注團體。計劃嘅目的在於從教育、宣傳、情報收集及調查四方面打擊殘酷對待動物嘅行為。

為鼓勵市民支持及協助打擊殘酷對待動物嘅行為,更推展「動物守護.社區大使」計劃,希望凝聚愛護動物人士嘅力量,提高公眾防止殘酷對待動物嘅意識,鼓勵公眾適時舉報,及提供有助調查嘅資料。參與計劃嘅市民通過籌劃及參與各項推廣動物福利嘅活動,可以向社區傳遞愛護動物同埋防止殘酷對待動物嘅信息,所以係好有意義架~

全城帶動 守護之星Sunny 左)Zander 右)
守護之星Sunny (左)Zander (右)

今年為慶祝香港特區成立25周年,「動物守護•社區大使」計劃推出一系列「護動慶回歸」慶祝活動,包括啱啱圓滿結束嘅「滿彩而歸」填色及繪畫比賽,將會舉辦嘅「全城帶動」慈善尋寶活動,同埋全年都會舉行嘅「寵愛閣」校園動物閣推廣,透過唔同類型嘅慶祝活動,接觸唔同社會階層人士,宣揚愛護動物嘅訊息!

全城帶動 全港首個同愛犬入海洋公園玩尋寶遊戲嘅活動
全港首個同愛犬入海洋公園玩尋寶遊戲嘅活動
全城帶動 共創世界紀錄「最多人同時擁抱狗狗」
共創世界紀錄「最多人同時擁抱狗狗」
全城帶動 全場狗狗將會競逐5個「最佳衣著獎」
全場狗狗將會競逐5個「最佳衣著獎」
全城帶動 藝人周嘉洛及愛犬棚棚第一代愛回家啤啤)、明星狗「麥芽糖王子」將一同參與活動
藝人周嘉洛及愛犬棚棚(第一代愛回家啤啤)、明星狗「麥芽糖王子」將一同參與活動
全城帶動 25個Checkpoint任你玩,尋寶活動完結後可繼續同愛犬喺園區遊玩,玩足11個鐘!
25個Checkpoint任你玩,尋寶活動完結後可繼續同愛犬喺園區遊玩,玩足11個鐘!
全城帶動 玩完仲有好多禮品包拎走添~
玩完仲有好多禮品包拎走添~

活動詳情:

日期:2022年12月11日(星期日)

時間:早上7時至10時30分

地點:海洋公園下園區

參加者:2 位參加者 + 1 隻寵物狗

報名費:HK$500(2位)

年齡:2名年滿18歲或以上人士 / 1名年滿18歲成人陪同1名年齡介乎3-17歲人士

**全場狗狗將會競逐5個「最佳衣著獎」,到時記得同狗狗悉心打扮下呀!

全城帶動

如果想參與活動即click下面傳送門網上報名啦!(截止日期:12月4日)

名額有限,報名就要快啦~

https://www.njuko.net/bringyourownpets/select_competition

(presented by Hong Kong Police )

最新吃喝玩樂資訊