聖誕去哪兒之平有平玩@Travel佳
又到聖誕～又到聖誕～又嚟到呢個狂歡嘅節日，無論係單身狗定閃爆情侶，你哋唔係仲諗住宅喺屋企過呀？知你哋唔想喺街食幾個鐘西北風喇，考慮下去商場玩啦～今個聖誕，唔少商場都搞咗一籮活動，睇下點樣可以低消費、高娛樂啦！
- 玩盡Decoration
一張普通嘅聖誕裝飾 + V字手勢嘅相，已經無法滿足人類嘅呃like慾望。要呃like，唔駛用線嘅(旺事業嗰條)，最緊要夠得意！
商場聖誕裝飾年年有，但好玩佈置今年特別多，例如青衣城有外國勁hit嘅3D鏡屋、德福廣場有超夢幻萬花筒同有北極光睇嘅「浪漫星‧光‧館」，仲有唔駛飛東京都睇到嘅PopCorn浪漫星海，影到你手軟呀！
- 約會聖誕老人
聖誕點可以無聖誕老人？今年青衣城、德福廣場同PopCorn都會有聖誕老人出沒，除咗可以同佢呃糖食，頭兩間商場嘅聖誕老人仲識表演魔術，唔知係咪喺煙囪度玩呢？
另外，12月德福廣場同青衣城都會有魔術表演，德福廣場喺聖誕節當日仲有「變裝魔術大師報佳音」表演，魔術師會極速變裝，更邀請咗前nowTV主持袁學謙（Benedict Yuen）Rock住報佳音，會唔會太有型？
溫提：PopCorn會有鮮肉版Santa出沒，主動同各位Ladies瘋狂Selfie，單身女士請自動波mark定以下鮮肉版Santa出沒時間。
日期﹕12月10、11、17、18、24及25日
時間﹕下午5時至8時
嫌影相同見聖誕老人太小學雞？今個聖誕一於玩尋寶！只要下載MTR Malls App，就可以跟住「魔法之旅 Magical Journey」嘅提示，去指定地點捕獲唔同道具。話明尋寶，搵到晒道具當然有獎啦，例如免費食甜蜜蜜cheese cake、dry爆女士必備Crabtree & Evelyn套裝同矜貴東方紅鮑汁海螺片等。
「魔法之旅 Magical Journey」詳細玩法：https://goo.gl/odNDN2
三個商場有齊晒食、玩、影同睇表演，識得善用積分仲慳唔少！兩個人玩得，一班人玩又得，毒拎一個玩都得！今個聖誕唔駛煩去邊啦～
