海洋公園哈囉喂2016
海洋公園哈囉喂2016

海洋公園哈囉喂2016 !!! 率先試玩3大鬼屋

生活

廣告

話咁快又來到10月全城哈囉喂的日子,今次 海洋公園哈囉喂2016 以電影《捉鬼敢死隊》作主題,又新推出鬼屋秘密暗室體驗,似乎幾吸引。今日記者率先試玩了其中3間鬼屋,想知有幾驚嚇?立即睇睇試玩報告!

撰文:LiuJai|攝影:Scott、相關機構

海洋公園哈囉喂2016

海洋公園哈囉喂2016 ,一共有10個驚嚇體驗,今次記者率先試玩中量級的3間鬼屋,包括「捉鬼敢死隊Live!」、「屍立中學」、以及「心慌血色吧」。

捉鬼敢死隊Live!

去年有《The Walking Dead》,今年有《捉鬼敢死隊》接棒,以電影作鬼屋主題,把經典場面重現,包括鬧鬼大宅、凶靈地下鐵、紐約時代廣場等等。鬼屋內會遇到捉鬼敢死隊的隊友,帶領你前進,亦會遇上恐怖惡鬼。為配合棉花糖鬼,鬼屋內更有棉花糖香味。

驚嚇度★★★☆☆
好玩度★★★☆☆

「捉鬼敢死隊Live!」分為兩部分,分別是具驚嚇成分的電影場景,以及比較輕鬆的「捉鬼敢死隊學堂」,細膽鬼可以於練靶場中以雷射槍捉鬼,不過過程就比較短,大約只得兩分鐘。要留意,鬼屋的兩部分,連排隊都要分開排,唔好排錯呀!

驚嚇度★☆☆☆☆
好玩度 ★★★☆☆

屍立中學

傳說中每間學校的前身都是亂葬崗,而且晚上都會鬧鬼。這間鬼屋以學校為主題,那份親切感令恐怖指數直線上升。

驚嚇度★★★★☆
好玩度 ★★★☆☆

心慌血色吧

邀請到台灣偶像唐禹哲駐場的心慌血色吧,以酒吧為主題,與偶像齊齊clubbing!鬼屋亦大玩高科技,除了3D投射唐禹哲,優越門票專享的秘密暗室內,更有靜電裝置,隨時電親!

驚嚇度★★★☆☆
好玩度 ★★★☆☆

總括而言,今次試玩的3間鬼屋,並無太大驚喜,雖然以《捉鬼敢死隊》作主題都算有心思,可惜記者並未睇過電影,所以沒有共鳴感。不過好戲在後頭,相信下星期的「16禁」驚嚇度會比較高,到時再為大家報告,到底好唔好玩!