纜車
纜車

昂坪 360暑假平玩攻略 來回纜車門票低至半價 8大主題韓式打卡佈景

生活

廣告

(Presented by 昂坪360)

踏入暑假想遠離煩囂,放鬆一下呼吸新鮮空氣,可以嚟大嶼山走一轉!呢度擁有海天一色嘅大自然風光,又有獨特嘅水鄉人文靚景,而昂坪 360最近就推出咗一個全新夏日限定活動,除提供低至半價來回纜車門票外,仲引入韓國人氣拍照館同免費親子工作坊。意猶未盡嘅話,仲可以去大澳行山輕鬆吓,當做運動之餘,又可順便欣賞沿途靚景。對於熱愛風景攝影嘅你,喺搜遊大嶼山唔同靚景嘅同時,更可以參加由昂坪360同SONY聯手舉辦嘅風景攝影比賽,贏走SONY全片幅相機等豐富禮品。無論係一家大細、情侶、學生定三五知己,都可以開心盡情咁玩足成日!

 

兩大暑期限定纜車門票優惠

為咗令大家可以用至抵價錢,開心玩轉大嶼山!由即日起至9月1日,只要你係25歲或以下嘅本地全日制學生,喺到訪當日親身到昂坪360纜車站售票處,出示香港身分證同有效香港全日制學生證正本,就可以半價購買昂坪纜車來回門票;而其他賓客亦都可以喺10月13日前,喺昂坪360官網以7折購買當日下午 (2:30pm後登車) 嘅來回纜車門票(水晶車廂) (https://bit.ly/30xdbw1) ,齊齊享盡玩樂優惠。既然慳咗一半價錢,加上又有新野玩,今個暑假真係可以約齊朋友同屋企人,分別去玩兩轉都得呀!

 

 

活動1:韓國人氣打卡館 免費表演及工作坊

昂坪 360 為夏日活動「昂坪 Chill Cool Summer」引入咗韓國人氣打卡館,為大家打造最 Chill 時刻。只要購買昂坪 360 任何套票,或喺昂坪市集商店消費滿$100,即可連同收據到 360 旅遊資訊中心,免費換領韓國人氣打卡館入場券一張,畀你盡情影低一張張唯美照片。而家就教大家點樣逐個打卡位影相吸 “Like”!之後記得上載去Facebook同Instagram #np360 同 #chillcoolsummer呀 !!

 

打卡位1Chill Cool 霓虹燈

 

打卡位2文青女神圈

 

打卡位3:水簾仙境

 

打卡位4萬花秘道

打卡位5閨蜜花海

 

打卡位6:戶外雪糕甜點裝置

 

打卡位7「魚樂無窮」壁畫

 

打卡位8法國「戀戀花蝶」壁畫

 

兩大週末免費親子活動

為推廣大自然保育,每逢週末昂坪360都會有由「小不點創作」創作同演出,有關昂坪獨有嘅蝴蝶布偶劇,等家長可以同小朋友一齊免費觀賞,並加深對蝴蝶生活環境嘅了解,好好愛惜大自然。另外,仲有免費「玻璃彩繪工作坊」,畀大家親手製作一份充滿昂坪特色嘅紀念品,同時又可以學習環保嘅重要性。最後食埋呢度獨家推出期間限定嘅紫貝天葵雪葩,俾大家今個暑假留下一個專屬嘅「Chill Cool」之旅。

 

 

活動2大嶼山風景攝影比賽 贏SONY全片幅相機

自問成日遊山玩水,熟悉大嶼山多角度靚景又熱愛山野拍攝嘅你, 肯定有唔少珍藏,係時候同大家開心分享喇!而家昂坪360同SONY正聯手舉辦攝影比賽,分別係縮時短片同相片兩大組別,目的係紀錄大嶼山壯麗景緻同自然風貌,推廣大嶼山鮮為人知嘅攝影勝地。不過參賽作品唔一定只係昂坪㗎,只要喺大嶼山拍攝就可以參加啦!所以無論你係攝影新手定係達人,總之鍾意尋幽探秘拍攝大自然風景就可以參加今次比賽,同志同道合嘅朋友分享個人作品。而且今次比賽獎品非常豐富,得獎者有機會獲得SONY α7 III 全片幅相機 (淨機身),同埋昂坪360來回纜車門票(水晶車廂)!各位攝影愛好者記得把握機會參加啦!詳情請參閱: https://bit.ly/2XtD1ns

 

活動3 大澳輕鬆行山之選 — 虎山

其實大嶼山仲有好多隱世靚景等你去發掘,好似大澳虎山呢條適合一家大細輕鬆行山嘅路線咁。虎山位於大澳北面,大家可以坐纜車去昂坪市集,再轉乘21號巴士(約20分鐘)到達大澳,再經永安街往楊侯古廟方向行,沿路小徑雖有碎石但算輕鬆易行,大概45分鐘就可以到達虎山觀景台前一段小橋。呢度就係有名嘅虎山橋,可以睇到整個大澳水鄉同180度嘅無敵海景!同時又能遠眺另一邊嘅獅山象山一帶嘅景色,可以話係盡覽無邊際嘅絕世靚景位!記得校好時間欣賞埋Panorama醉人夕陽先好走呀!

 

昂坪360網站: www.np360.com.hk
查詢電話: 3666 0606