【知名特色食店登陸利奧坊】大角咀全新文青消閒小店推介合集
自家烘焙咖啡館 The Roastery X
The Roastery X選用自家烘焙的咖啡豆，來自不同產地嘅咖啡豆經過烘培後，咖啡會帶有水果或堅果風味。店內被咖啡香氣重重包圍，係煩囂鬧市中點一杯精心調製嘅手沖咖啡，再食埋「煙熏三文魚配班尼迪克蛋」，絕對是文青們嘅寫意之選。
The Roastery X
地址：利奧坊地下G707號舖，大角咀嘉善街18號
電話：2886 8119
Instagram：https://www.instagram.com/theroasteryx/
營業時間：星期一至五 8am-8pm；星期六、日及公眾假期 9am-8pm
自家製心思甜品 想甜嚐甜
想甜嚐甜主打創新甜品，招牌甜品「黑糖芋圓仙草」非常受客人歡迎，自家製嘅黑糖糖漿配上來自台灣嘅地瓜圓、紫薯圓及小丸子等，口感煙韌軟糯。店內另一推介「開心果心太軟」，一口新鮮出爐嘅流心心太軟，再食一啖自家製嘅乳酪雪糕，冷熱交融嘅感覺衝擊你嘅味覺。
想甜嚐甜
地址：利奧坊地下G703號舖，大角咀嘉善街18號
電話：6892 1597
Facebook：https://facebook.com/sddessert/
營業時間：星期一至五 3pm-12am；星期六、日及公眾假期 2pm-12am
清新天然茶館 Green Impression Tea Bar
Green Impression Tea Bar主打以天然健康食材入饌，首創「菠蘿汽酒水果茶 XO香煎豬柳」，豬柳經香煎後帶著淡淡鮮甜果香，入口香滑軟腍。店內亦提供多款鮮果冷泡茶，「自家制西瓜荔枝綠茶」大受歡迎，健康消暑必點呀！
Green Impression Tea Bar
地址：利奧坊地下G706號舖，大角咀嘉善街18號
電話：2337 1838
Facebook: https://www.facebook.com/GreenImpressionTeaBar
營業時間：星期一至日8.30am-9.30pm
夏日限定消暑果茶 不要對我尖叫，日常茶間，
不要對我尖叫，日常茶間，以慢活為理念，最近推出夏日消暑特飲，「椪柑荔枝青茶」加入來自台灣蜜柑和荔枝甜中帶微酸，淡淡回甘嘅四季青茶，清新解渴！「提拉米蘇鮮奶茶」嘅原茶底由台中老茶莊配製，以提拉米蘇糖醬鋪底，並鋪上濃厚嘅鮮奶泡沫，再灑上可可粉，口感豐富！
不要對我尖叫，日常茶間 ，
地址：利奧坊地下G705號舖，大角咀嘉善街18號
電話：2856 3926
Facebook：https://www.facebook.com/dont.yell.at.me.hk/
營業時間：星期一至日11am-8pm
地道原創口味 港原味
港原味嘅裝潢充滿香港情懷，招牌菜「古法京蔥雞」沿用傳統醃製方法製成，嫩滑雞肉淋上京蔥滾油，鮮味香口！以老壇酸菜、花椒、乾辣椒、生薑、泡椒等多種香料烹調而成嘅「招牌酸菜魚」，將香辣酸爽嘅各種層次發揮得淋漓盡致！
港原味
地址：利奧坊地下G701號舖，大角咀嘉善街18號
電話：2891 2018
Facebook：https://www.facebook.com/hongkongtastepage/
營業時間：星期一、三至日8am-9pm（逢星期二休息）
傳統巧手風味 老掌櫃東北菜館
老掌櫃東北菜館由入行30年嘅老師傅坐鎮，以傳統手法炮製北方風味嘅菜式。人氣必食推介有「鍋包肉」同埋「京燒羊肉」，「鍋包肉」係傳統東北家鄉菜，以糖醋同秘製醬料調味，再加入少量果汁，酸甜醒胃。「京燒羊肉」選用新西蘭羊扒，加入八角、桂皮、香葉、草果等香料烹調，羊肉炸至香脆肉嫩，極之惹味！
老掌櫃東北菜館
地址：利奧坊地下G708-709號舖，大角咀嘉善街18號
電話：2572 8366
Facebook: https://www.facebook.com/laozhangguiTaiKokTsui
營業時間：星期一至日11:30am-3pm、6pm-10:30pm
親民上海小點 慶記
係大角咀開業5年嘅慶麵正式進駐利奧坊，改名為慶記。店主親自下廚，「菜肉雲吞慶麵」是慶記的代表菜式，以豬骨混入大地魚及冬菇熬成湯底，麵身爽口彈牙。「小籠包」即叫即製，皮薄餡靚，內餡湯汁豐盈，令人垂涎欲滴。
慶記
地址：利奧坊地下G501-3號舖，大角咀利得街11號
電話：2609 0966
Facebook: https://www.facebook.com/hingkeetkt
營業時間：星期一至日12nn-9pm
利奧坊 Square Mile
地址：九龍大角咀利得街11號及
嘉善街18號（港鐵奧運站B出口）
電話：2984 1079
網址：http://www.squaremilehk.com.hk
（presented by利奧坊 Square Mile）
