【北韓美圖App】北韓婦女加入「照騙」行列 原來仲有射擊遊戲App！
廣告
現在不少女士們影相自拍之後，必定會用手機應用程式App執執佢先會upload，最近連北韓婦女都一樣，美圖app這個風氣今年竟然吹到去資訊封閉的北韓！當地有研發商就推出北韓第一款美圖App，名為《봄향기》1.0（春天香氣 1.0），等北韓女人都可以將自己執靚啲。
撰文：JLee ｜ 圖片來源：《每日北韓》、NK News
北韓版美圖秀秀
據《每日北韓》報道，由於南韓電視劇大量走私到北韓，令當地女士們受南韓女星影響，對外表妝容愈來愈重視，因此就推出了這款北韓版美圖秀秀，令北韓女士都可以「照騙」。據說，App的用家可從髮型、配飾、眉形、粉底、腮紅、唇色等作調校，使用不同的化妝工具來幫自己扮靚靚。
即使最近兩韓關係破冰，但北韓仍然採用內聯網，無法瀏覽國外網站，國內生產的手機或平板電腦都使用自家製Android系統，所以暫時美圖App只在北韓的Android商店才可下載！
北韓手機遊戲App
雖然用唔到出面嘅，但原來北韓國內都有唔少自家製消閒Apps，由新聞、資訊、遊戲等都有，例如有款以美國兵為敵人的射擊遊戲《獵殺洋基》，娛樂中都不忘灌輸政治立場！
