弘大 美食
弘大 美食

首爾 弘大 美食 懶人包2017|10間必吃餐廳清單(含地圖)Part 1

旅遊

廣告

韓國食物的選擇向來都多,不同地區都可以搵到好嘢食。今次先帶大家看看韓國年輕男女的集中地—— 弘大 ,近年新興了不少靚靚Café、任食餐廳、特色食店,同朋友一齊去韓國旅行,不用再煩惱要吃甚麼了,即睇 弘大 10大必去餐廳。

01 | 粉紅色世界Dinga Cake House

位於望遠洞和弘大中間,有間店面盡是粉紅色的Café,內裡只有5個座位;每日只會販售4款蛋糕以及2款飲品,1點鐘開門人流已經擠滿整間店。店內盡是充滿小時候玩煮飯仔的感覺,裝潢色彩繽紛;蛋糕雖然仿泥膠造型而製,絕對不是「好睇唔好食」!

粉紅色的店面絕對夠姊妹們瘋狂影相。
粉紅色的店面絕對夠姊妹們瘋狂影相。
店舖的裝潢色彩繽紛,設備猶如小時候的煮飯仔!
店舖的裝潢色彩繽紛,設備猶如小時候的煮飯仔!
蛋糕平均售價 ₩7,000-8,000/HK-56,以忌廉而製,絕對不是糖霜蛋糕!
蛋糕平均售價 ₩7,000-8,000/HK$49-56,以忌廉而製,絕對不是糖霜蛋糕!

Dinga Cake House
地址:首爾麻浦區西橋洞476-2(顯示地圖
電話:+82-(0)10-6271-2991
營業時間:1pm-9pm (8月10-20日休息)(周一休息)
交通:地鐵6號線「望遠」站1號出口,步行7分鐘
網址:www.instagram.com/muum_mu

02 | 花花咖啡廳Ver’s Garden

近年大熱的Ver’s Garden,核心外圍大量大葉及垂吊植物,好令人心曠神怡,入到室內更加令人驚歎——每張枱椅都被大量鮮花與乾花包圍,雖然沒有屏風沒有房,卻有獨立私密的感覺。全部花都經過精心擺放,色彩搭調到位,絲毫沒有雜亂的感覺,構圖相當悅目。

一望就知足料,甘筍粒粒布滿玉桂蛋糕,咬落一口都係甘筍與玉桂香。更考心思的以食用 花瓣作裝飾,相當貼題。
一望就知足料,甘筍粒粒布滿玉桂蛋糕,咬落一口都係甘筍與玉桂香。更考心思的以食用 花瓣作裝飾,相當貼題。
以三種薄荷、牛奶及雪糕做成,很清的薄荷香,微甜相當易入口。
以三種薄荷、牛奶及雪糕做成,很清的薄荷香,微甜相當易入口。
天花上吊着熊大燈,戴上花環、插上乾草就這麼起飛了。
天花上吊着熊大燈,戴上花環、插上乾草就這麼起飛了。
枱與枱之間都用大型植物區間,開放之中見私隱,令人心曠神怡。
枱與枱之間都用大型植物區間,開放之中見私隱,令人心曠神怡。

Ver’s Garden
地址:首爾市麻浦區東橋路41段10號(顯示地圖
電話:+82-(0)2-3144-1888
營業時間:星期一3pm-10pm、星期二至五12nn-10pm、星期六12nn-11pm、星期日12nn-10pm
交通:地鐵2 號線「弘大入口站」 2號出口步行約11分鐘
網址:www.facebook.com/versgarden

03 | 超多果撻 TARR TARR

甜品係女仔都鍾意,在TARR TARR 你只能食到撻,但請放心,種類超級多,每日閒閒地有30款,當中佔最大比例而又最受歡迎的要數各式生果撻。用新鮮生果做係基本,份量滿瀉先係重點:青提撻滿滿鋪夠兩層開邊提子;士多啤梨撻最少4大粒;春夏當造,韓國人最鍾意食的韓種柑橘,真係原個放上撻!而撻就大約手掌咁大,所以往往堆到塔咁高,好大方。當然,唔好生果撻的都有綠茶紅豆撻、粟米撻、Tiramisu Tart 等選擇。

Open Kitchen就係Bakery 師傅辛勤咁整撻的地方,通常一日出爐兩次。
Open Kitchen就係Bakery 師傅辛勤咁整撻的地方,通常一日出爐兩次。
成片檸檬放上芝士撻,有檸香微酸,同芝士cream味道好夾;粒粒粟米燒得香口,配搭用上三款芝士做成芝士撻,芝味具層次。
成片檸檬放上芝士撻,有檸香微酸,同芝士cream味道好夾;粒粒粟米燒得香口,配搭用上三款芝士做成芝士撻,芝味具層次。
Hanrabong是橙及柑混合體,屬貴價貨,通常用作送禮,所以專登保住「粒的」。Cheon Hye Hyang現時當造,柑皮薄,甜味濃帶柑的清香。
Hanrabong是橙及柑混合體,屬貴價貨,通常用作送禮,所以專登保住「粒的」。Cheon Hye Hyang現時當造,柑皮薄,甜味濃帶柑的清香。
裝修簡約舒適,採自助形式,自己在櫃揀撻再到收銀處畀錢。
裝修簡約舒適,採自助形式,自己在櫃揀撻再到收銀處畀錢。

TARR TARR
地址:首爾市龍山區楊花路6段50號(顯示地圖
電話:+82-(0)2-1800-2533
營業時間:11am-11pm
交通:地鐵2號線「合井站」 3號出口步行約4分鐘
網址:www.instagram.com/tarrtarr1004

04 | 韓妹最愛 tre piccoli

tre piccoli 最出名除了Tiramisu,仲有千千萬萬的蛋糕選擇!強調自家製蛋糕,來自法國名牌廚藝學校Paul Bocuse 畢業的師傅,試過後立即感受到法式甜點的精緻;Red VelvetCake, 糕體軟綿,Cream Cheese 清新沒半點膩;Caramel Marble Cake,內裡的Marble Cake 充滿蛋糕香,面頭的焦糖糖漿看似份量多但甜味剛好。

蛋糕份量相當巨,如果係少女胃作為下午茶都略嫌太多。蛋糕的甜度恰到好處,食完一整件都唔覺膩,只覺得飽。
蛋糕份量相當巨,如果係少女胃作為下午茶都略嫌太多。蛋糕的甜度恰到好處,食完一整件都唔覺膩,只覺得飽。
胡桃烤得香脆,而且充斥着整個批,面頭呈焦糖狀更覺香甜。配杯微甜的抹茶Latte係韓國少女最愛的配搭。
胡桃烤得香脆,而且充斥着整個批,面頭呈焦糖狀更覺香甜。配杯微甜的抹茶Latte係韓國少女最愛的配搭。
地方好大,但只放有17個座位,成功營造悠閒舒適感,坐滿人都唔覺嘈。
地方好大,但只放有17個座位,成功營造悠閒舒適感,坐滿人都唔覺嘈。

tre piccoli
地址:首爾市麻浦區延南路5段8號(顯示地圖
電話:+82-(0)2-3144-2327
營業時間:12nn-10pm(逢星期一休息)
交通:地鐵2號線「弘大入口站」2號出口步行約11分鐘

05 | 可愛小動物Meerkat Café

韓國Café多花臣唔止飲杯咖啡食件cake 咁簡單,仲有以狐獴做主題嘅Café。Meerkat Café十幾隻狐獴畀大家摸摸抱抱,但由於佢哋太膽小,只限於已圍圈的區域內活動,限大家只「玩」10分鐘。 其他大量罕見小動物都可以自由於近千呎場內活動:浣熊、麝貓、北極狐狸、靚到震藍眼睛暹羅貓、,小袋鼠等等通場跑大家可以任摸任抱。入場費每人₩7,000/HK$47就可以不限時任意逗留。Café只有樽裝飲品供應,不過大家志不在歎茶啦!

另一間浣熊Café限住要响玻璃屋內接觸,但呢度嘅浣熊就任走任摸。
另一間浣熊Café限住要响玻璃屋內接觸,但呢度嘅浣熊就任走任摸。
Café 提供樽裝飲品,可以飲住同小動物玩。
Café 提供樽裝飲品,可以飲住同小動物玩。

Meerkat Café
地址:首爾麻浦區臥牛山路 21段 19-12號3樓(顯示地圖
電話:+82-(0)2-2333-4683
營業時間:12nn-10pm
交通:地鐵2 號線弘大入口站 9號出口步行約9 分鐘
網址:www.instagram.com/meerkatfriends

06 | 烤肉食到飽 Flowers Pig Gallery

超人氣的烤肉店,店內雖有二百多個座位,但無論任何時間,門外仍是排着長長的等入座人龍。無限refill套餐有五花腩及豬腩肉,還有3款配餸包括辣醬雞爪、雞肉,以及芝士粟米,真心可以食到你爆胃。

無限refill套餐有五花腩及豬腩肉,還有3款配餸包括辣醬雞爪、雞肉,以及芝士粟米,食到飽!
無限refill套餐有五花腩及豬腩肉,還有3款配餸包括辣醬雞爪、雞肉,以及芝士粟米,食到飽!
只要另加₩2,000/HK即可無限refill蔬菜籃,想連₩2,000都慳番的話,可以到counter任攞蘿蔔片來包豬肉吃。而包豬肉必備的蒜粒、泡菜及芽菜同樣任攞唔嬲。
只要另加₩2,000/HK$14即可無限refill蔬菜籃,想連₩2,000都慳番的話,可以到counter任攞蘿蔔片來包豬肉吃。而包豬肉必備的蒜粒、泡菜及芽菜同樣任攞唔嬲。
這裡的另一賣點是烤肉壽司,即係畀壽司飯你自己將烤過的肉放上面自家做壽司,唔好睇小呢一招,好多韓仔韓妹好buy覺得好過癮,大家不妨一試。
這裡的另一賣點是烤肉壽司,即係畀壽司飯你自己將烤過的肉放上面自家做壽司,唔好睇小呢一招,好多韓仔韓妹好buy覺得好過癮,大家不妨一試。

Flowers Pig Gallery꽃돼지 갤러리
地址:首爾市麻浦區臥牛山路19街19(顯示地圖
電話:+82-(0)2-3144-3319
營業時間:12nn-12mn(逢星期一休息)
交通:地鐵2 號線弘大入口站9號出口步行10分鐘
網址:flowerpig_gallery

07 |暖男雞爪 훈남닭발

有蒲開韓國酒吧,都會知道韓國人鍾意用雞爪做佐酒小食。暖男雞爪打正旗號只食雞爪,8款食物中有7 款係不同煮法:辣醬麻藥(即會令人上癮的)、芝士、辣湯、蜜糖炸及普通炸雞爪。有部分可選有骨或冇骨(只去掉了主骨),細小的趾骨均已去掉,食都食得優雅舒服,不用忙着lur骨。

暖男雞爪只吃雞爪,口味超多。
暖男雞爪只吃雞爪,口味超多。
肉酸的趾骨都已去掉,令雞爪不似雞爪狀,得以升上神枱做主食,更深受一眾韓妹歡迎,無怪乎全院滿座99%都是囡囡。
肉酸的趾骨都已去掉,令雞爪不似雞爪狀,得以升上神枱做主食,更深受一眾韓妹歡迎,無怪乎全院滿座99%都是囡囡。

暖男雞爪훈남닭발
地址:首爾市麻浦區臥牛山路19街 9號(顯示地圖
電話:+82-(0)2-332-4892
營業時間:4pm-3:30am
交通:地鐵2 號線弘大入口站9號出口步行10分鐘
網址:홍대 “훈남닭발”

08 | 天然雪糕 昭福

韓國人愛吃冰和雪糕,當中一開業已成長龍店的昭福,每天早上使用玄米與多種穀類炒過後加入牛奶製作雪糕,米味濃郁,配料天然,它的糙米雪糕味道不會過甜,十分自然,配料是南瓜、黑豆等養生食品,吃的時候完全不會覺得自己在吃雪糕,可解饞又不會發胖!

糙米雪糕包住糯米糍,沾上黃豆粉而成,好食又健康。
糙米雪糕包住糯米糍,沾上黃豆粉而成,好食又健康。
自開店起即成人氣雪糕店,日賣200杯以上!
自開店起即成人氣雪糕店,日賣200杯以上!

昭福소복
地址:首爾市麻浦區西橋洞408-7號(顯示地圖
電話:+82-(0)2-6014-0861
營業時間:1:30pm-11pm
交通:地鐵2 號線弘大入口站9號出口,沿住停車場街走約15分鐘
網址:www.facebook.com/sobokorea

09 | 多口味炸雞 TUK TUK

去韓國最少要留一餐吃炸雞,位於弘大的TUK TUK 可以以划算的價錢無限量吃到四款口味!炸雞即叫即炸,外皮依然酥脆,內質嫩滑多汁。而Salad Bar 同樣有誠意,多款特色沙律,再加Pizza、意粉、越南湯河等,種類超過三十款,之後還有蛋糕、生果及咖啡,十分划算!

自助餐桌不算大,但食物種類多,不斷從開放式廚房中熱辣辣送出。
自助餐桌不算大,但食物種類多,不斷從開放式廚房中熱辣辣送出。
薯條夠香脆,令人食唔停口。
薯條夠香脆,令人食唔停口。
炸雞口味不時轉換,但最基本都有4款,唔會好易滯。
炸雞口味不時轉換,但最基本都有4款,唔會好易滯。

TUK TUK툭툭
地址:首爾市麻浦區西橋洞344-15號1樓(顯示地圖
電話:+82-(0)2-338-6676
營業時間:11:30am-10pm
交通:地鐵2 號線弘大入口站9號出口,於第2個路口轉左,直行約8分鐘
網址:www.ituktuk.co.kr

10 | 招牌熱溶芝士 新麻浦海鷗

新麻浦海鷗相比起其他烤肉店,有較罕見的奶酪護心肉(即豬的橫隔膜附近位置)可點,質感比一般的豬肉更鬆軟可口,把被熱溶的芝士一絲絲地慢慢捲上,放進口時醃過的辣味與芝士味,令味蕾得到極大的滿足。而麻浦鱔魚肉質結實彈牙,十分值得一試。

麻浦鱔魚的口感有別於一般的鱔魚,醃過的魚肉微辣有咬口,值得一試。
麻浦鱔魚的口感有別於一般的鱔魚,醃過的魚肉微辣有咬口,值得一試。
盤邊蒸蛋可以任意加上芝士、泡菜、洋葱等配料,火候適中的話十分好吃。
盤邊蒸蛋可以任意加上芝士、泡菜、洋葱等配料,火候適中的話十分好吃。
奶酪護心肉芝士另上,等護心肉烹調一段時間才煮芝士,時間剛剛好!
奶酪護心肉芝士另上,等護心肉烹調一段時間才煮芝士,時間剛剛好!
護心肉連上芝士拉絲可拉至極長,用筷子把芝士捲上肉才最好吃。
護心肉連上芝士拉絲可拉至極長,用筷子把芝士捲上肉才最好吃。

新麻浦海鷗 신마포갈매기
地址:首爾市麻浦區西橋洞355-1號(顯示地圖
電話:+82-(0)2-322-1605
營業時間:星期一至四、日 11am-12mn
星期五、六 11am-2am
交通:地鐵2 號線弘大入口站9號出口,步行約2分鐘
網址:www.mapo92.com/

延伸閱讀:暑假平遊首爾!旺季住宿$400就有!

首爾 弘大 美食 懶人包2017|10間必吃餐廳清單(含地圖)Part 1

延伸閱讀:

首爾 弘大 美食 懶人包2017|10間必吃餐廳清單(含地圖)Part 1