睇波必去！⚽蘇豪隱藏復古風體育酒吧🍻必食德國鹹豬手 + 慢煮豬肋骨🐷

Jun 18 2026

世界盃開始喇！想搵個地方同朋友Chill住睇波、飲杯嘢兼食高質西餐？位於西灣河海旁嘅The Blind Pig就絕對值得收藏！🤩餐廳以美國「禁酒時代」嘅地下酒吧為設計靈感，店內擺滿可愛小豬裝飾，搭配復古皮革梳化、大型投影螢幕同多部電視，氣氛十足，啱晒各位球迷去睇世界盃，一定夠晒投入！

餐廳環境闊落舒適，吹住海風歎美食特別寫意。主打英式及美式經典酒吧菜，份量十足又夠惹味，非常適合同朋友聚餐、Happy Hour或者週末睇波飯局🍺

🌟The Blind Pig必試亮點🤤

🐖 招牌德國鹹豬手
店內人氣No.1！豬手預先切成方便入口嘅尺寸，外皮香脆卜卜，肉質依然保持嫩滑多汁，令人越食越上癮😋
🍖慢煮醬燒豬肋骨
慢煮至輕輕一拉就骨肉分離，肉質軟腍入味，甜香中帶濃郁肉香，肉食控必點！🔥
🍔安格斯牛肉煙肉芝士漢堡
厚實多汁嘅安格斯牛肉漢堡扒，配搭香脆煙肉、車打芝士及新鮮蔬菜，每一啖都充滿濃郁牛味，超有滿足感🤤
🍔 芝士牛堡三文治
驚喜度爆燈！用上大塊酸種麵包烘到焦脆煙靭，中間夾住牛味濃郁、焦香味突出嘅現烤漢堡扒配半溶車打芝士，非常推介！

🍟特色手撕豬肉薯條
最強佐酒神物！薯條上面鋪滿手撕豬肉、脆炸豬皮、濃厚芝士汁同酸忌廉，香料味濃郁，口感超級豐富！

無論想約朋友睇波飲兩杯、放工Happy Hour，定係週末搵個舒服地方慢慢Chill，The Blind Pig都係港島東隱藏版聚腳好地方🍻快啲Save低下次約埋班Friend開餐啦！
💳而家用指定中銀及Citi信用卡埋單，仲可享平日單點菜品9折優惠添啊！🤩
—
📍The Blind Pig：西灣河鯉景灣太康街45號蘇豪東B期地下B12-14A號舖