「熊粉」熱捧！Black Sheep Restaurants 奪「foodpanda 卓越餐飲商戶大獎」：拆解精緻美食外賣高質之謎

Oct 6 2026

Black Sheep Restaurants 一直以其優質用餐體驗而聞名，但原來其外賣出品同樣出色，最近更獲頒「foodpanda熊粉最愛大賞」嘅「卓越餐飲商戶大獎」。「精緻美食難以外賣」一直為業界迷思，Black Sheep Restaurants 成功獲頒全港廣大用戶以真實訂單選出嘅最高肯定，唔單止見證咗集團如何與 foodpanda 香港合作無間，證明精緻美食外送同樣可以交出滿分水準，亦反映出集團對美食及細節嘅堅持，成功將最優質嘅用餐體驗由餐廳延展到唔同嘅用膳環境。

拆解星級外賣好味之謎

要將餐廳嘅用餐氛圍同精緻餐點以最佳狀態送到食客手中，背後其實需要極精密嘅部署。因此，Black Sheep Restaurants 選擇同對美食品質同樣堅持嘅 foodpanda 合作，各自發揮所長：集團專注創作菜式、為客人炮製美食；foodpanda 則提供專業嘅送遞服務同龐大用戶群，將呢份心思完美呈獻畀每一位食客！

究竟 Black Sheep Restaurants 點樣確保外賣可以保持堂食水準？集團嘅 Director of Sales & Marketing Jeffrey 透露，團隊為咗做到極致嘅品質控制，每星期都會進行隨機外賣測試，並因應測試結果調整烹調及包裝方式，確保最好嘅出品！

以集團旗下 La Vache! 嘅牛扒三文治為例，如客人要求牛扒三成熟，廚師在處理訂單時已會因應送遞過程調整烹調方式和時間，避免牛扒在送遞途中因盒內餘溫而過熟，確保外送食物能以最佳狀態送到客人手上！

Black Sheep Restaurants 同時亦會細心聆聽客人意見，持續檢視營運安排。例如喺外送服務推出初期，團隊原先用紙袋包裝，但收到顧客反映保溫效果未如理想，故團隊迅速回應，全面換上專用保溫袋，確保美食送到食客手上依然新鮮熱烘，展現團隊對品質的堅持。

因此，Black Sheep Restaurants 有大量嘅訂單係嚟自熟客回購，贏得無數「熊粉」的長期支持，成功獲獎！

三大生活場景外賣私心推介

Black Sheep Restaurants 旗下品牌眾多，Jeffrey 仲按唔同用餐場景分享佢嘅外賣心水推介：

👩‍💻一個人OT後想食好啲｜Uncle Desi Food & Sons （正宗印度美食）

OT完想食餐好？Jeffrey推薦性價比極高嘅 Uncle Desi Food & Sons。呢度嘅熱門印度外賣餐點包括香料烤雞捲餅、Butter Chicken 同令人食過返尋味嘅馬鈴薯三角餃 Samosa，無論叫返 Office 食定OT完返屋企開餐都係獎勵自己之選！

👩‍❤️‍👨 屋企撐枱腳之選｜Motorino （人氣拿坡里薄餅店）

想同另一半喺屋企撐枱腳兼食餐好，Jeffrey就大推 Motorino 嘅約會之選套餐，可自選一款頭盤、兩款薄餅，亦可額外加購甜品以及特選葡萄酒。Motorino 選用拿坡里空運到港嘅頂級新鮮食材，其中經典 Margherita（瑪格麗特）同 Soppressata Piccante（意式辣肉腸）一直都係人氣之選。唔使特登出街排隊，喺屋企一樣可以歎到傳統嘅拿坡里薄餅，輕鬆享受浪漫嘅意式 Date Night！