IG吸Like
IG吸Like

女神視覺 高海寧東京相集|IG吸Like教學

日本

廣告

高海寧、黃心穎和麥美恩3位女神BB早前跟森美到東京拍攝旅遊節目,趁著拍攝空檔,熱愛攝影的高Ling為自己及拍檔影低不少唯美寫真。3人在東京的街頭巷尾拍下一幀幀風格照,無論是服飾造型或是Pose都超吸睛,去旅行想影靚相post IG吸Like就記得參考下啦!

Text:Hailey|Photo:[email protected][email protected]IG@jacquelinebwong

#01|型格背景 提升吸睛度

去旅行影相,背景是構圖最重要的一部分,找尋到具當地特色的背景當然更好。而高Ling非常幸運,拍攝節目期間新宿街頭因節慶封路,平日繁忙的馬路變成行人專用區,機會難逢,難怪她超興奮,更表示:「可以同Mayanne坐喺度、瞓喺度影相超好彩!」

IG吸Like 高海寧東京相集
高Ling仲話本身拍完節目想再影過,但當時馬路已經解封,之前影到超Lucky!
IG吸Like 高海寧東京相集
而家好多酒店、Cafe都設有影相位,女神擺個靚Pose輕易過萬Like!
IG吸Like 高海寧東京相集
玩下角色扮演效果一樣咁正!

#02|小道具增添氣質

擺Pose拍照有時會顯得非常生硬,加點小道具感覺變得自然之餘,亦可以增添氣質。平時見麥美恩在鏡頭面前不顧形象,做盡搞笑角色,忽略了她斯文、氣質美女的一面,影相時加朵小花,氣質即刻出晒嚟。即使沒有女神的美貌,運用小道具一樣可以遮掩一下瑕疵,遮下雙下巴都得。

IG吸Like 識得利用角度,路邊小花都可以襯托女神美貌。
識得利用角度,路邊小花都可以襯托女神美貌。
IG吸Like 聞一下花香,效果非常自然。
聞一下花香,效果非常自然。

#03|服飾造型 細節取勝

背景、道具要就地取材,但服飾造型就可以提早預備!去旅行前襯定幾套靚衫,加上耳環、眼鏡、項鏈等配飾,自然點影都靚。文青風、女神風、型格風任君選擇,找到適合自己的風格,你就是最美的模特兒。

IG吸Like 牛仔褸、闊腳褲是近期必備的Fashion item!加上圓形耳環點綴,整體風格乾淨俐落!
牛仔褸、闊腳褲是近期必備的Fashion item!加上圓形耳環點綴,整體風格乾淨俐落!
IG吸Like 想換下形象可以從眼鏡入手,帶副圓形眼鏡一秒變文青。
想換下形象可以從眼鏡入手,帶副圓形眼鏡一秒變文青。

#04|善用Filter 營造氣氛

大部分女生電話都總有不少拍攝用Apps,善用程式內的Filter,想要復古或日系風格都輕鬆做得到。上載IG之前也可以慢慢選擇自己喜歡的濾鏡,一張相片可以有多種風格!

IG吸Like 用上復古風的filter,彷彿回到幾十年前的日本。
用上復古風的filter,彷彿回到幾十年前的日本。
IG吸Like 不作任何表情的Mayanne也好像散發出淡淡的哀愁。
不作任何表情的Mayanne也好像散發出淡淡的哀愁。

延伸閱讀:在地專業攝影師呈獻|ig人氣爆燈 不能錯過的 京都絕景

女神視覺 高海寧東京相集|IG吸Like教學

最新吃喝玩樂資訊