膠囊旅館
膠囊旅館

$168企理膠囊旅館! 日本、台灣平住提案

日本

廣告

今時今日,幾百蚊去轉日韓台已經唔係幻想,即興起行幾咁容易,但想搵埋班豬朋狗友夾假先係難事;冇fd 陪你?索性自己去玩喇,台灣日本近年開咗唔少膠囊旅館,晒你呢班無朋友嘅孤獨精,平得嚟又環境唔差,以後用自己方式去旅遊就方便得多!

台北

性價比完勝!台北車站前型格膠囊

每晚$168
啱邊個:單身潮人、想係旅程識下新朋友
台灣由於消防法例規定,膠囊旅館唔可以起到一個個密封嘅太空艙咁,取而代之是將大房分成多個獨立床位;不過瞓床位亦唔代表要搞到hostel 咁全無私人空間。去年中才開業、位置喺正台北車站、新光三越對面的「璞邸城市膠囊旅店」,就係集型格、地利同舒適於一身的選擇!
「我們主打的是單身旅客,在hostel 和酒店之間給他們另一選擇。」老闆張氏夫妻將理念付諸實行,床位加闊成2m x 1.1m 的歐洲肥人標準,內裡有齊插頭、衣架同壁燈,記者親身試住,隔光窗簾一拉下,就是與世隔絕的空間;廁所浴室雖是公用,但每小時有專人巡視打掃,乾淨過我屋企;沖完涼,把行李鎖在儲物櫃,一頭栽進被窩,一身鬆也。

老闆話一個人旅行是一場冒險,白天闖得累了,晚上正好安穩瞓返覺;靜企理,是我對這裡的最深印象。

膠囊旅館 每個床位高度有近1.5m,床位間以實木作隔音,空間感充足;抵讚位是全館床褥都用上斯林白蘭,好過唔少人屋企!
每個床位高度有近1.5m,床位間以實木作隔音,空間感充足;抵讚位是全館床褥都用上斯林白蘭,好過唔少人屋企!
膠囊旅館 旅館公共空間的設計全由老闆操刀,椅子由夫婦兩人搜購回來,有別於一般廉價旅館的簡陋。
旅館公共空間的設計全由老闆操刀,椅子由夫婦兩人搜購回來,有別於一般廉價旅館的簡陋。
膠囊旅館 豪氣任飲,抵讚!
豪氣任飲,抵讚!
膠囊旅館 每層客房約有近40個床位,一層配置4個廁所及浴室,每小時有專人打掃,光猛企理。
每層客房約有近40個床位,一層配置4個廁所及浴室,每小時有專人打掃,光猛企理。
膠囊旅館 澳門遊客Tommy & Vivian 「旅館仲有雙人床床位,兩個人一齊瞓都舒服;而且旅館新淨,如果唔介意同人share廁所,其實好住過好多三星酒店!」
澳門遊客Tommy & Vivian
「旅館仲有雙人床床位,兩個人一齊瞓都舒服;而且旅館新淨,如果唔介意同人share廁所,其實好住過好多三星酒店!」
膠囊旅館 試住專員 Daniel 試住日期:21/10/2015
試住專員 Daniel
試住日期:21/10/2015

記者親試評分!

地點:22/25
9成人去台北,一出機場就坐巴士直出台北車站總站,而旅館就喺正總站兩個街口的重慶南路一段,行兩個騎樓底就到,落雨都唔怕。
外觀:20/25
旅館豪爽地劃出地下全層及一樓半層做公共空間,走Pop Art設計,靚過同區三星套票酒店!
設備:23/25
床位闊落、隔音好、公共浴廁乾淨,且每人都獲分一個超大locker,放記者的28吋行李箱加埋書包後都仲好多位,幾乎無可挑剔。美中不足是冷氣晚上頗凍,要扣少少分。
價格:25/25
以雙人床床位每晚共4百頭晚來計,在台北只能住到樓齡20年以上、毫無個性的3星酒店,相比之下這裡抵住好多。

總分:90
總評:平過重慶大廈賓館嘅價錢,有比外國hostel更企理嘅住宿;而且住客更可任飲汽水可樂,簡直係毒L天國的福音。
璞邸城市膠囊旅店
地址:台北市中正區重慶南路一段7號(顯示地圖
電話:+886(0)-2- 2381- 5566
房價:大房單人床位 每人NT670/HK$168
大房雙人床床位 每人NT605/HK$151
交通:台北車站站前地下街Z8出口,向南行5分鐘即可
網址:bouti.com.tw

贏地利!西門町內獨佔一間房

每晚$242
啱邊個:自閉毒L、死都唔想同人講嘢
就算西門町去過幾多次,去親台北總會去打返個轉買手信,原來區內都有超平單人旅館嘅選擇;2014 年中落成的「卡樂町旅店」,位置喺正西門紅樓後面,行過誠品西門店都不過3分鐘;而且同一般膠囊旅館唔同,卡樂町提供的是一人獨立房間!無錯,二百蚊港紙的價錢,就可住入上面這間約80平方呎的單人房,更加有齊電視、書枱、獨立冷氣等「奢侈」設備,想要完完全全不受騷擾瞓返晚,卡樂町就啱數。

讚咗咁耐,都要講返啲老實話,首先酒店是由舊樓改建出來,4層客房無電梯,當日拎住大喼行李嘅記者上樓都幾吃力;另外房內裝飾簡約到接近無,床位都只係普通單人床size,瞓落亦無前頁「璞邸膠囊」咁舒服,但勝在廁所一樣乾淨。想平住獨立房,又想喺正西門町,係有啲取捨。

膠囊旅館 老闆 凌先生 「我也是背包客,知道單身旅人的財力苦況啦!所以旅館定位參照外國budget motel,盡量減低房價,希望讓大家省點住宿費,把錢花在玩的吃上面囉!」
老闆 凌先生
「我也是背包客,知道單身旅人的財力苦況啦!所以旅館定位參照外國budget motel,盡量減低房價,希望讓大家省點住宿費,把錢花在玩的吃上面囉!」
膠囊旅館 房間一眼睇晒,布置方面蒼白得似醫院;尤其是一雙膠拖鞋,甚有強國招待所味道,要扣分。
房間一眼睇晒,布置方面蒼白得似醫院;尤其是一雙膠拖鞋,甚有強國招待所味道,要扣分。
膠囊旅館 每層有9間房,男女廁格各有3個、浴室共4個,比例甚高,唔怕爭廁所!
每層有9間房,男女廁格各有3個、浴室共4個,比例甚高,唔怕爭廁所!
膠囊旅館 旅館用感應卡鎖門,但試住當日房門竟然無法鎖上,幸好職員也馬上修理好,奉勸大家記得檢查清楚!
旅館用感應卡鎖門,但試住當日房門竟然無法鎖上,幸好職員也馬上修理好,奉勸大家記得檢查清楚!

試住專員 Daniel
試住日期:20/10/2015
總分:76
總評:地利絕好,卡樂町一行出來就是西門紅樓, 離捷運站不過3分鐘步程,拖住行李都唔使驚。不過配套同設計就一般,乾淨到有些微似醫院!如果只係想搵個平靚方便嘅落腳位、亦唔介意自閉,呢度一流。
卡樂町旅店
地址:台北市萬華區內江街55巷22號(顯示地圖
電話:+886(0)-2- 2382-6000
房價:hotels.com訂房,單人房每晚$242
交通:捷運西門站西門紅樓出口,沿成都路步行3分鐘
網址:colormixhotel.com

送早餐!新北市膠囊選擇

每晚$203
啱邊個:窮苦學生、長期浪遊窮酸客或獨女
若然你想慳家到連早餐都唔想畀錢,又唔介意住遠些少,不妨考慮新北市板橋的「Single Inn 」。板橋喺台北,大概等於香港嘅葵涌、大窩口,講地利就肯定輸蝕畀前兩間,但勝在近捷運站,到台北車站約20分鐘就得。免費早餐方面,包三文治多士同咖啡紅茶,即叫即整都好飽肚。
房間面積約近120呎,不過只屬板間房設計,天花由於裝設中央冷氣做通風口,因而不能密封,私密程度一般,記者試住當晚,有人行過走廊都會聽到腳步聲。不過好處是全幢男女分層,單身上路的女獨行人,肯定可以住得更放心。

膠囊旅館 房間面積唔算大,但床褥size就大過卡樂町些少,留意三間旅館之中,這裡的插電位並不支援香港插頭,要自備轉插。
房間面積唔算大,但床褥size就大過卡樂町些少,留意三間旅館之中,這裡的插電位並不支援香港插頭,要自備轉插。
膠囊旅館 Single Inn的房間只以板間房形式間出,上面是通風口,所以隔音麻麻,唔少人仲用來吹乾底衫褲。
Single Inn的房間只以板間房形式間出,上面是通風口,所以隔音麻麻,唔少人仲用來吹乾底衫褲。
膠囊旅館 頂樓設自助洗衣機,每次NT30/HK$7,大學宿舍價錢,相當抵用。
頂樓設自助洗衣機,每次NT30/HK$7,大學宿舍價錢,相當抵用。
膠囊旅館 每朝有三文治及咖啡早餐一客,即叫即整,唔算非常好食,但尚算新鮮。
每朝有三文治及咖啡早餐一客,即叫即整,唔算非常好食,但尚算新鮮。

試住專員 Daniel
試住日期:19/10/2015
總分:66
總評:地點唔近台北市中心,但勝在夠平同埋服務態度親切,住兩周以上還可獲得折扣優惠,適合長時間留喺台北玩嘅旅人!
Single Inn
地址:新北市板橋區明德街1巷12號(顯示地圖
電話:+886(0)-2- 2969 1777
房價:單人房 每晚NT810/HK$203
交通:捷運府中站出口沿府中路步行7分鐘
網址:singleinn.com.tw

東京

屈埋「睇書達旦」做個真文青

每晚$246
啱邊個:真文青,文化潮人
東京的膠囊旅館Tokyo Book and Bed 未開幕已在文青界瘋傳,身為其中一分子的小記又點會錯過。地點位於池袋, 附近搵食方便,深宵去打機亦好就腳。咪住,唔記得文青係唔會打機𠻹,反而大家都寧願宅喺大堂全神貫注睇書。由於大部分都係日文書,遊客未必享受到個樂趣,但主要因讀書氛圍濃厚,住在其中都好舒服自在。宿位分為書架旁和末端走廊位,兩者價錢相等,單睇相都會被書架吸引,實則對正公共空間,私隱度較低,但走廊位靠近廁所,深夜有人吹頭都幾嘈,各有取捨。有機會與惜書同好交流,掀掀書沾染下文藝氣息,貪得意試住1晚就好,長住始終略欠舒適、可免則免。

膠囊旅館 「與書同眠」的概念好夢幻,但睡在書架後不時有人經過都幾尷尬,所以真實並無圖中咁開放,大家都拉簾保持私隱度。
「與書同眠」的概念好夢幻,但睡在書架後不時有人經過都幾尷尬,所以真實並無圖中咁開放,大家都拉簾保持私隱度。
膠囊旅館 浴室無男女分浴,但整潔度極理想,廁所則有設幾格給「女生專用」,住客都有手尾,用得乾淨!
浴室無男女分浴,但整潔度極理想,廁所則有設幾格給「女生專用」,住客都有手尾,用得乾淨!
膠囊旅館 大堂無論凌晨幾點都有住客在看書,而且坐姿豪邁無拘束,搞到我都忍唔住攤喺梳化hea。
大堂無論凌晨幾點都有住客在看書,而且坐姿豪邁無拘束,搞到我都忍唔住攤喺梳化hea。
膠囊旅館 到埗後於接待處搖鈴,員工就會拉起木板現身登記,過程驚喜搞笑,之後便可用房卡自行出入。
到埗後於接待處搖鈴,員工就會拉起木板現身登記,過程驚喜搞笑,之後便可用房卡自行出入。
膠囊旅館 試住專員 Nicole 試住日期:12/11/2015
試住專員 Nicole
試住日期:12/11/2015

總分:88
總評:床間略嫌侷促狹小,內有一盞夜讀燈和兩個衣架,身高160cm的小記勉強可以在貴一點的Standard Bed坐起身,若果想慳錢訂Compact真係要三思!雖沒儲物櫃,但感覺安全,不過連水都無供應,要被迫喺門口撳汽水機。值得一讚是職員親切,操流利英文,仲印GoogleMap教我路線去拉麵店。
Tokyo Book and Bed
地址: 東京都豊島區西池袋1-17-7 ルミエールビル7階(顯示地圖
電話:+81-(0)3-6421-7595
房價: COMPACT ¥3,780/HK$246

STANDARD ¥4,860/HK$316
交通: 從JR線池袋西口一出後過馬路,轉右直行8分鐘。
網址:bookandbedtokyo.com

平!方便!舒適!亞洲膠囊新世代

除了台北、東京,其實各短線熱點都有不少靚仔膠囊酒店可供選擇,$120至$319並不將貨就價,既有不同主題配套小巧齊全,交通極就腳,出走來得更了無牽掛。

成田過夜 包無送機尾

每晚$319
坐廉航凌晨機往返東京,最弊係無通宵車出入市區,成田機場裡的「9h nine hours 」膠囊旅館每晚3百幾,絕對算是不錯的平價選擇。太空艙床位,有免費WIFI,另設29吋喼都放得下的儲物櫃,兼備毛巾牙刷同睡衣,淋浴的話則1,000円限沖1小時,亦會分開男女住宿。188cm 記者曾住過單人床,夠位翻身2周半,坐著亦不會頂頭。但由於床位很搶手,記得先於網上預訂!咁就不怕趕不及早機,向機尾說再見咁慘豬!

膠囊旅館 猶如太空艙設計,明亮 整潔。
猶如太空艙設計,明亮整潔。
膠囊旅館 甫進大堂已清楚顯示男女膠 囊床位位置。
甫進大堂已清楚顯示男女膠囊床位位置。
膠囊旅館 百多個膠囊,地下有箭嘴清楚指示號碼。
百多個膠囊,地下有箭嘴清楚指示號碼。

9h nine hours Narita
房價:每晚¥4,900/ HK$319起、白天休息每小時¥1,500 / HK$98起、沐浴¥1,000/HK$65
地址:成田空港T2旁立体駐車場第2ビルB1F(顯示地圖
網址:ninehours.co.jp/narita
 

大阪

坤哥必like 難波男生宿舍

每晚$267
位於心齋橋難波心臟地帶,落機轉搭南海電鐵到難波站然後拖喼10分鐘即達,固力果大招牌近在咫尺,工作人員大多會說流利英語,非常方便外國遊客。共提供80個膠囊,與其說是一間膠囊酒店,不如說是男人俱樂部更恰當,桑拿、酒吧、室內泳池、浴場、健身室一應俱全。就連曬燈機都有,7分鐘¥500/$33,吳業坤咁入去古天樂咁走返出嚟都得!最大優點和缺點都是只限男生,還是由得男生浪漫一回吧!

膠囊旅館 酒店共提供80 個膠囊,銀色金屬外框簡潔夠霸氣。
酒店共提供80 個膠囊,銀色金屬外框簡潔夠霸氣。
膠囊旅館 膠囊體積為207cm x 105cmx105cm,比起日本一般膠囊酒店略大,堂堂男子唔怕屈就。
膠囊體積為207cm x 105cmx105cm,比起日本一般膠囊酒店略大,堂堂男子唔怕屈就。
膠囊旅館 住客可免費使用健身設施。
住客可免費使用健身設施。

Capsule Hotel Cabana Osaka
房價:每晚¥4,100/HK$267,可使用SPA及
健身室,早餐每日另加¥500 /HK$33
地址:大阪市中央區道頓堀2-3-28(顯示地圖
網址:newjapan.co.jp/cabana/en

新加坡

景點總匯 平歎孖鋪膠囊

每晚$210
位於新加坡南面,四面包抄都是景點,離機場20分鐘車程,若到地鐵Bugis 站,步行8分鐘就到,殺去Bayof Garden Bugis 或烏節路血拼也只要15分鐘。酒店設計走現代簡約風格,共83個膠囊床位,單人床$220,另有雙人床Queen Pod$395,膠囊價錢已住出酒店味道!細微之處足見細心,床下設有大儲物櫃,整個行李塞進去綽綽有餘,櫃子一定要自己床號的鎖匙才可開啟,比起一般膠囊hostel 要將大喼放在櫃台更user friendly!

膠囊旅館 雙人床位Queen Pod,足有1.1m闊夠晒寬敞,非常搶手。
雙人床位Queen Pod,足有1.1m闊夠晒寬敞,非常搶手。
膠囊旅館 大廳於早上會變成餐廳,供客人空肚食早餐。
大廳於早上會變成餐廳,供客人空肚食早餐。
膠囊旅館 設有工作房lap-top,住客可免費閉關。
設有工作房lap-top,住客可免費閉關。

The Pod Boutique Capsule Hostel
房價:agoda.com訂購 Single Pod 每晚$210、Queen Pod每晚$396
地址:289 Beach Road Level 3, Singapore(顯示地圖
網址:www.thepod.sg

曼谷

胡慧沖都推 抵住爭崩頭

每晚$120
連胡慧沖都推介,百二蚊有得住的膠囊床位絕非得個平字,首先它位處地鐵站Ladprao 對面,搭乘兩個站就到翟度翟市集,附近也有Central Plaza Ladprao等商場。全場共31個床位,附免費wifi、保險箱及電視,簡潔小巧超抵住!缺點是床位數量太少,五六日尤其爭崩頭,爭不到的話,膠囊酒店房旁的主樓提供連厠所的客房共40間,訂雙人房用agoda.com 平到閒日$170都有交易!

膠囊旅館 小型書桌,免費用電腦及無線上網。
小型書桌,免費用電腦及無線上網。
膠囊旅館 企理雙人房除開每人每晚$85,堅抵。
企理雙人房除開每人每晚$85,堅抵。
膠囊旅館 31個膠囊,號碼寫在膠囊側,每個膠囊內都有電視機,自成一閣。
31個膠囊,號碼寫在膠囊側,每個膠囊內都有電視機,自成一閣。

My Bed Ratchada
房價:膠囊床位官網價每晚THB550/HK$120、雙人房agoda.com價每晚$170
地址:8/64-67 Ratchadapisek Road, Chandrakasem,Jatujak, Bangkok(顯示地圖
網址:www.mybedbangkok.com
延伸閱讀:
【日本。東京】住宿推介 床太好睡的 考山東京實驗室店 Khaosan Tokyo Laboratory@Nikki dot dot dot
復活節去邊玩? 日、韓、台6大外遊必玩巡禮

最新吃喝玩樂資訊