【日本100円店】「買埋好多唔等使嘢!」30件「100円店」共鳴事 |日本網民表示勁有同感
【日本100円店】「買埋好多唔等使嘢!」30件「100円店」共鳴事 |日本網民表示勁有同感

【日本100円店】「買埋好多唔等使嘢!」30件「100円店」共鳴事 |日本網民表示勁有同感

【100円店】唔只日本人,全世界的人都好愛日本的100円店,DAISO、Seria、Cando… 平靚正之餘,選擇又多,行100円店已經成為唔少遊客的指定行程!不過,唔係所有100円商品都咁出色,中伏的個案都唔少,日本最近就有網站列出30件「100円店共鳴事」,唔少網民都表示勁有同感(包括我)!

撰文:主場・日本 | 圖片來源:新傳媒資料室、Cando官方IG、DAISO官方IG、電視截圖

01 |買埋好多唔等使嘢

唔關質素好定唔好事,明明平時都唔會用,但因為平,總之就買咗先,反正都係100円之嘛!

明明唔帶飯盒,見到得意的飯盒袋、水樽套,又會忍唔住手買!(反正都係100円之嘛~)
明明唔帶飯盒,見到得意的飯盒袋、水樽套,又會忍唔住手買!(反正都係100円之嘛~)

02 | 超市、藥妝店可能更平

100円店賣的商品,未必全部都係平,如零食及膠樽裝飲品,超市或藥妝店可能更平!

超市的膠樽飲品,通常都唔使100円。
超市的膠樽飲品,通常都唔使100円。

03 | 收納用品在家堆積如山

以為買咗會整理好屋企的雜物,但因為太平,愈買愈多,結果其實無用到,反而變咗屋企的「雜物」!(唔係個個都可以成為「收納達人」!)

 

04 | 被200円、300円商品欺騙!

「呢樣100円咁抵?!」畀錢的時候先發現,原來係200円或300円!

DAISO x Harris Tweed系列,每款要300~600円。
DAISO x Harris Tweed系列,每款要300~600円。

05 | 經常見到爆買的中國人

最近的100円店愈開愈大間,入面大部分都係瘋狂掃貨的中國人或泰國人。

東京其中一間DAISO大型店舖「足立ひとつや店」,3層高,可以用銀聯卡找數!
東京其中一間DAISO大型店舖「足立ひとつや店」,3層高,可以用銀聯卡找數!

06 | 100円的碗碟唔易打爛

本來諗住如果屋企的100円碗碟爛咗,就會換過啲高級碗碟!但意外地,用極都唔爛,想換都無藉口換!

Seria的碗,又靚又耐用!
Seria的碗,又靚又耐用!

 

07 | 唔記得買本來想買的東西!

本來為咗買某件貨品而去100円店,但結果買咗一堆無關係的貨品,離開之後先發現唔記得買想買的東西!

 

08 | 店員唔知貨品的擺放位置

因為貨品種類同數目都非常多,成日都搵唔到,就算問店員,好多都答唔到你,結果同你齊齊搵!

DAISO的商品總數超過7萬款,店員唔記得都好正常!
DAISO的商品總數超過7萬款,店員唔記得都好正常!

 

09 | 筆記簿品質差

100円店的筆記簿雖然平,但品質差劣,紙非常簿!

Cando筆記簿。
Cando筆記簿。

10 | 幾支裝的筆非常劣質

100円12支的顏色水筆,當中有一兩支係寫唔出色的!

11 | 針織製品一定拮肉

針織製品絕對只係「100円的質素」,如頸巾、手套,一定拮肉!

DAISO x Girls' Trend研究所冷帽、冷頸巾、冷手套。
DAISO x Girls’ Trend研究所冷帽、冷頸巾、冷手套。

12 | 指甲油愈買愈多

因為平,所以見到有新顏色、新樽,都忍唔到手買,但最後,屋企儲埋好多支,唔少開都未開過,或已經乾咗!

Cando指甲油。
Cando指甲油。
Cando指甲油。
Cando指甲油。

13 | 包裝用品種類非常豐富,最幫到手!

包裝紙、masking tape、貼紙、不織布袋等等,選擇非常之多,送生日、聖誕禮物畀朋友或情人節時最幫到手!

DAISO的禮物盒。
DAISO的禮物盒。

14 | 以為好快會壞的貨品,結果好耐用

買的時候唔期望佢襟用,結果用好耐!但之前成日聽人講話好好用的商品,結果好快壞!

15 | 商品轉換得好快

用過好用想再買的商品,搵極都搵唔到,結果店員話「已經唔再返貨」!

16 | 去到外國都會行100円店

唔知點解,去外國旅行,都會忍唔住走入100円店逛逛,睇下有無日本無賣的東西!

首爾的DAISO。
首爾的DAISO。

17 | 旅行用品選擇多

衣物的收納袋、可以摺埋的拖鞋、裝洗頭水化妝品的小膠樽等等,100円店有好多又平又實用的旅行便利用品!(香港人最常用應該係壓縮袋!)

18 | 會仔細check清楚先買

雖然只係100円,但因為商品的質素好參差,通常都會check下先買!例如布製商品有無走線,又或者膠箱駁位有無膠水漬等。

19 | 會出現奇怪的字!

因為好多都係由中國或其他國家製造,成日都會出現「奇怪的字」,如「シ」會變成「ツ」、「ン」變成「ソ」!(除了日本人或識日文的人,係唔會發現!)

20 | 剪毛頭機好好用

DAISO的剪毛頭機非常幫到手,絕對係100円店人氣best buy之一!

21 | 會去唔同的100円店買唔同嘢

想買實用的商品,會去DAISO,想買雜貨的話,就會去Seria!

Seria比較多雜貨。
Seria比較多雜貨。

22 | 周末排隊有殺氣!

日本人通常都會於周末時購物,所以收銀處經常出現人龍,而間中會有人買1萬円(即100件)商品,排隊的人即刻出現殺氣!

23 | DIY的製成品感覺係「cheap嘢」

經常見人氣blogger或電視節目上的藝人,用100円店的商品做材料,都可以整到好靚的家居用品或擺設,但自己做起上來,製成品點睇都只係「100円的cheap嘢」!

Seria的網站每個月都會有DIY手作教學,畀埋個list你要買咩材料!
Seria的網站每個月都會有DIY手作教學,畀埋個list你要買咩材料!

24 | 大部分都唔收信用卡

雖然可以用信用卡付款的店舖愈來愈多,但仍有不少只收現金。

25 | 100円店搵唔到自己個姓的印章

100円店內只有「大路」姓氏的印章,嗰一刻好羨慕姓「佐藤」、「鈴木」同「高橋」的人!(補充1:唔少日本人工作上都要用印章,普通都要1~2千円一個!(補充2:香港的話,可能只得陳李張黃何!)

26 | 唔習慣變成108円

消費稅由5%加到8%之後,100円店的商品變成108円,不少日本人都覺得貴了很多!

27 | 小朋友當100円玩具係寶貝

雖然品質差,但結果小朋友都好珍而重之咁玩,非常滿足!

【日本100円店】「買埋好多唔等使嘢!」30件「100円店」共鳴事 |日本網民表示勁有同感

28 | 好多細路走來走去

100円店有好多玩具,細路自然好興奮咁走來走去,平時日本的阿媽都會阻止,但100円店就通常都無,因為佢哋都沉迷於揀100円商品!

29 | 去到女仔房,發現100円店貨品會好尷尬

如果讚「好時尚」的話,聽的人應該會以為你寸佢,更唔可以問喺邊度買啦!(香港人應該無呢個共鳴位!)

30 | 收銀機前總見到掉低100円就走的大嬸

常常會見到拎住一件貨走去收銀處,掉低100円就走的大嬸!收銀員叫停:「要108円(連稅)啊!」但會畀大嬸鬧:「又話係100円店!」

下一頁:【 FlyJapan 】DAISO、3COINS、CouCou高質300円商品攻略 | 2018年4、5月新登場

【日本100円店】「買埋好多唔等使嘢!」30件「100円店」共鳴事 |日本網民表示勁有同感

最新吃喝玩樂資訊