東京必必必食! 秋葉原3磅鐵板巨扒
廣告
日本有唔少無肉不歡的肉食男女，偶爾唔食拉麵壽司去鋸扒都冇壞。位於毒男天堂秋葉原的HERO’S Steakhouse，一道超巨型牛扒成話題，我們足足排了大半個鐘先食到！牛扒有一至三磅可選，選用墨西哥產的若姬牛，脂肪適中肉質柔軟。
三磅牛扒(秋葉原店限定)￥5,440/HK$371
不用預訂walk-in都食到，牛扒啖啖肉甚少脂肪及筋位，趁熱辣辣仲有肉汁時好開動喇！
自暴自棄級別：「肉」罷不能！
唔好以為三磅牛只是噱頭，除了我們，真係有客人柯打。一上枱，當堂嚇一跳！牛扒同鐵板一樣咁大，而且成吋厚，鐵板滋滋沙沙聲響，與牛肉香氣攻陷五官，食慾 直線急升，不枉我們留肚品嘗！入口牛肉味不算濃，但嫩滑易切，流出大量肉汁，配上帶點微甜的自製和風醬油汁更開胃，係好食嘅。唯一缺點是牛扒太厚切，變成 生熟程度唔均勻，我們柯打的medium，中心部位只有medium rare 熟。套餐仲包沙律、餐湯、意粉、薯角及白飯，本來打定輸數，三人share 慢慢食，唔覺意KO 晒成份！成功挑戰冇浪費，大滿足！
HERO’s Steakhouse秋葉原店
地址：東京都千代田區外神田1-6-7 秋葉原センタービル1F（顯示地圖）
電話：+81(0)3-3258-5636
營業時間：11am-9:45pm
交通：JR秋葉原站步行6分鐘
網址：otogi-ya.jp/
延伸閱讀：
半價買高質壽司! 東京百貨限時特價美食攻略@Gigi東京生活情報
【日本。東京】釣船茶屋－釣魚失敗！有得食有得玩的居酒屋！＠Nikki dot dot dot
窮遊恩物！東京地下鐵6月推全線free wifi
