杜如風 VS 杜如科 測試東京攻略美食可信性？【 東京 】

1.赤坂ふきぬき

杜如科喺片內就用咗插旗指數嚟表達佢對啲食物嘅滿意度，呢間赤坂ふきぬき嘅饅魚飯就值4枝旗啦。佢仲溫馨提示大家唔洗擔心，店內會提供中文菜單，咁就唔怕唔知叫咩好啦～

地址：日本東京都涉谷區千駄ヶ谷5-24-2 タイムズスクエアビル14F（顯示地圖

2.SPRING VALLEY BREWERY TOKYO

呢個酒SET杜如科係跟住杜如風嘅推介叫嘅，佢就好盞鬼咁將6隻味溝埋一齊飲，不過佢個結論係覺得好奇怪～但如果分開飲嘅話，呢SET酒嘅值插指數就直達5枝旗。

地址：東京都渋谷区代官山町13番1号（顯示地圖

3.鳥良 青山店

除咗試食雞翼同豆腐之外，杜如科仲另外推介咗呢間店嘅嘢飲，話400幾yen一大杯酒都幾抵下。同埋佢提醒大家呢間店有好多分店，唔一定要去呢間架。值插指數都有4枝旗。

地址：日本東京都港區南青山3-18-16 ル･ボアビル1･2F（顯示地圖

4.SATOU (さとう)

SATOU (さとう)牛肉丸嘅值插指數有4枝旗，原因係佢個牛肉丸好JUICY…我知丫，杜如風好似有講呀！

地址：日本東京都武蔵野市吉祥寺本町1-1-8（顯示地圖

5.みんみん

試完啲餃子之後，杜如科就覺得杜如風應該係是但搵間嘢介紹喇，因為成條商店街都有幾多嘢食吓。餃子嘅值插指數只有1枝旗，呀！阿風姐又會介紹嘅？哈哈，大家睇路！

地址：東京都武蔵野市吉祥寺本町1-1-9（顯示地圖

6.いせや総本店

串燒抵就真係幾抵嘅，不過杜如科試完就覺得啲醬鹹咗啲。仲講笑咁話有兩個店員應該係主力負責撩女仔添。串燒嘅值插指數係2枝旗。

地址：東京都武蔵野市御殿山1丁目2番1号（顯示地圖

7.無邪気自由が丘南口店

呢間都係杜如風杜如科都大讚嘅店之一，杜如科話個拉麵同張相直程係一模一樣，完全符合商品說明條例啊。佢亦都提大家如果一班人去食，最好就自己拎住自己張票，同師傅講好要幾多湯幾多油，咁就唔洗驚搞到亂哂啦。值插指數：4枝旗。

地址：1-31-2 Jiyugaoka,Meguro, Tokyo 152-0035 （顯示地圖）
營業時間：1100–1645、2230-0245
電話： +81-(0) 3-5729-4641

8.大阪焼肉・ホルモン ふたご

杜如科就話呢間燒肉店因為杜如風嘅介紹多咗好多香港人去食，搞到個唯一識英文嘅店員做到就死，所以佢就提大家其實附近都有間好大間嘅分店，大家可以去個間食。同埋如果想試但又去唔到日本住嘅讀者，就可以去銅鑼灣喇，因為而家都有銅鑼灣分店啦！值插指數：4枝旗。

地址：東京都渋谷区道玄坂1－19－10 J1-ビル1F（顯示地圖

9.世界で2番目においしい焼き立てメロンパンアイス

杜如科最中意應該就係呢間啦，因為佢比呢個雪糕菠蘿包有5枝旗啊！仲要有一路食一路嘩，最後仲好味都講唔到嘢啊。

地址：東京都渋谷区 神南1丁目15-9（顯示地圖

10.焼きたてチーズタルトBAKE 自由が丘店

喺呢間大排長龍既芝士撻店，差唔多每個人都會一買買好多芝士撻走。杜如科就逆其道而行，淨係買一個黎試味，不過佢就話個撻都幾膩，食咗陣就去咗買杯沙冰中和下。值插指數係3枝旗。

地址：東京都目黒区自由が丘1-31-10 BAKEビル 1F 2F（顯示地圖）
營業時間：1100-2000
電話： +81-(0)3-5731-8452
網址：www.bake.co.jp/shop/

11.SHIROICHI

牛奶冰喺台灣韓國都有分店，都算出名。杜如科就話見到杯冰就已經覺得佢好滑啦，值插指數係4枝旗。

地址：Shibuya-ku, Tokyo Jinnan 1-7-7 ANDOSⅡ building 1F（顯示地圖

睇到呢度，既然大家對呢位杜如科咁有興趣，以下有埋第一同第二集影片，據講今次旅程仲有一集，唔知係咪真呢？

杜如科-東征攻略第一回:RE杜如風-東京攻略–代官山

杜如科–東征攻略第二回:跟杜如風去中野及自由之丘

延伸閱讀：
《 東京攻略 》第10集 原宿 杜如風 食買玩地圖＠旅神TravelMaster
《 東京攻略 》第9集 台場 杜如風 食買玩地圖＠旅神TravelMaster