蟹肉玉子山
蟹肉玉子山

札幌 倒瀉籮蟹! 蟹肉玉子山 !!

日本

廣告

去 北海道 食蟹是常識吧,不過懶人如我,又要食又最憎剝蟹,這座 蟹肉玉子山 就最啱。這道 居酒屋にほんいち 的招牌菜,選用鄂霍次克海域出產、紋別著名水產店「海商水產」直送的松葉蟹,因為蟹肉激多,店方宣稱賣一碟蝕一碟!

撰文:Perrins | 攝影:Him

的確冇誇張, 玉子燒 上枱時,店員在你面前將蟹肉一大匙一大匙傾倒在蛋卷上,覺得足夠就可以叫停。眼見蟹肉傾盆而下,滿滿鋪在玉子燒上,多到山泥傾瀉般跌到 一枱都係,當然唔捨得叫停!直到最後店員足足鋪了十九羹,蟹肉多到將蛋卷完全淹沒。啖啖蟹肉可以如扒飯般放入口,蟹味濃郁鮮甜,肉質有彈性,份量比雞蛋還要多,好奢侈!居酒屋還有¥540/HK$40的刺身拼盤、 超巨型蟹腳 等蝕本菜式,唔食就真係蝕底!

蟹肉出卷玉子 ¥950/HK$70

居酒屋招牌作,幾乎每枱都會柯打,蟹肉超澎湃,六件玉子頓時變成配角。

店員一邊叫口號,一邊舀了十九羹蟹肉,唔准停呀!

用火槍燒香後,帶微焦的啖啖蟹肉相當鮮甜,非常滿足。

地址:北海道札幌市中央區南4条西4丁目惠愛大樓4樓 (顯示地圖
電話:+81-(0)50-5828-0716
營業時間:星期一至四 5pm-1am、星期五至六及假期前夕 5pm-3am,星期日及公眾假期 5pm-12mn
交通:地下鐵すすきの站步行1分鐘