【世紀合照】廿四孝老竇木村買定嘢飲、開車接細女放學！Koki、靜香飛巴黎睇Chanel show

Jul 4 2018

【木村接細女放學】自從5月底登上《Elle Japan》封面、繼而開埋個人IG之後，木村個細女Koki曝光率仲高過佢老竇！為咗keep住萬人迷的形象，木村好少在公眾場合提及家人，亦甚少被人影到合照！不過，剛剛日本八卦雜誌《週刊女性Prime》就影到木村開車接個女放學的相！

撰文：主場・日本 | 圖片來源：週刊女性Prime、網上圖片

木村兩個女由細到大都係入讀國際學校，一直以來，多數都係由老母工藤靜香接放學，6月底，雜誌影到木村開車接細女Koki放學。

Koji踏出校門，上咗老竇車，記者話佢見到老竇接放學好開心，一上車就拎起老竇買定嘅飲品飲！

在日本，雜誌刊登「一般人」的照片，一定要打格，2013年《週刊女性Prime》曾經影到工藤靜香帶住兩個女去聽小提琴演奏會，但當年唔可以公開佢哋個樣，依家細妹出咗道，舊相終於可以見光！

Koki昨晚post了新相上IG，原來同阿媽飛咗去法國，齊齊出席Chanel Fall Winter Haute Couture Show，好厲害（我當然指Koki）！

於其他IG發現到Koki的巴黎相，可愛到暈呀！

關鍵詞

出街搵食