DAISO廚房用品
DAISO廚房用品

【日本100円店】DAISO廚房用品・最暢銷Ranking

日本

廣告

【DAISO廚房用品】最近成日介紹DAISO的新產品,可能新奇兼有趣,但未必樣樣都好用!不如實際一點,看看DAISO最暢銷的廚房TOP 10,件件都只係8蚊,買定放在家中一定無錯!

撰文:主場・日本 圖片:網上圖片

第10位・「防滾瀉」飛碟

煮意粉或麵時,成日都會滾瀉,搞到爐頭好污糟,但只要放呢隻「飛碟」在煲底先煮,就唔會滾瀉!

第9位・矽膠洗碗海綿架

成日都唔知個洗碗海綿放邊度好?呢個矽膠架就可以幫到手!另外,方便清洗之餘,更有3種顏色可以選擇。

第8位・豉油噴霧樽

從豉油樽直接倒豉油出來,其實很難控制份量,但用這個噴霧樽,就可以輕鬆將豉油平均灑上,而且可以減鹽的吸取量。

第7位・「大畫面」廚房計時器

畫面大,企遠一點都可以睇到時間,不用走近去看。

第6位・保冷/保溫便當tote bag

又平又實用,更是長青的dot柄圖案,絕對是帶飯盒的女生們必備!就算不帶飯,去朋友屋企開party時,帶雪糕、布甸都適用。

第5位・膠瓶(容量1.5L)

高16cm,用來放細小的食材最合適,如豆類、花生等,瓶口大,容易拿出來,共有白啡兩款顏色。

第4位・保冷&保溫膠樽套

最適合小朋友去野餐時用,既保冷,又有長長的肩帶可揹上身。分別有水玉及格仔圖案,各有3款顏色!

第3位・廚剪

除了是剪刀,更可以開樽蓋及壓碎果仁殻,一物三用,最重要當然是平!

第2位・有氣孔的微波爐保鮮盒(430mL)

保鮮盒如果無氣孔,不能直接放入微波爐,但如果有氣孔,不能密封,入面有液體的話,又會很麻煩!這個盒就可以解決所有問題,因為於蓋的一邊,設有可以開關的透氣孔,放入微波爐加熱前把它打開即可!一套2個,好抵用!

第1位・保冷劑(350g)

第一位,原來是保冷劑!夏天去沙灘玩一定要買多幾件,將飲品保冷!又或是去BBQ,不用擔心生肉變壞!