日本家庭餐廳 青蛙沙律 飯盒
日本家庭餐廳 青蛙沙律 飯盒

【Twitter恐怖熱話】(慎入!有圖)日本網民叫Gusto外賣 打開竟見真Keroppi!

日本

廣告

【嚇窒日本網民】曾經聽過有人話,食漢堡包最恐怖嘅,唔係食食下見到有一條蟲,而係見到得半條蟲,諗下都覺得心寒⋯⋯但如果食緊飯,見到嘅唔係蟲,而係青蛙嘅話,你又會有咩反應?

撰文:Carmen|圖片來源:Twitter、ガスト

Gusto外賣飯盒混入完整青蛙!

日本網友喺5月20日,上載咗2張混入咗青蛙屍嘅問題飯盒相,指於配菜沙律中發現該青蛙屍骸,旋即引來廣大網民討論。

出事外賣飯盒由「Gusto南熊本店」(ガスト 南熊本店)經速遞送到事主家,點選嘅係Gusto人氣款式「芝士漢堡扒&炸蝦便當」。混入嘅青蛙「伏屍」配菜沙律中,4隻手手腳腳齊全。

收到報告後,負責Gusto營運嘅公司「Skylark Restaurants」喺21日拜訪事主調查,並於22日喺公式網頁發表謝罪文道歉,表示已向熊本市保健所報告,公司亦已進入調查階段,包括工場在內,搜查關於混入異物嘅原因,同食物管理狀態。現時亦在確認有冇同類事件發生咗。

事主事後獲退還便當費用,以及2個便當作為補償。

網民反應:有青蛙即係冇農藥啦!

聽到混入咗青蛙,正常反應都係會覺得可怕、不能原諒,但驚完之後,網民仲可以冷靜地往正面諗⋯⋯

網民話蔬菜中發現青蛙,表示冇落農藥培植,而青蛙仍存活喺蔬菜中時,表示蔬菜收割同運送過程都好小心。青蛙健康存活證明咗蔬菜新鮮又健康,農夫、運送業者、出售者都小心對待蔬菜。