冧女技巧
冧女技巧

【冧女技巧】必學!10種令女性心動動作|日本「國民男友」竹內涼真親自示範

日本

廣告

【冧女技巧】呢排流行古人冧女語錄,雖然語言有語言嘅衝擊力,但女性對於動作,分分鐘更加冇抵抗力!今次日本節目《しゃべくり007》請來有「國民男友」稱號嘅年輕男演員・竹內涼真實演令女性心動嘅動作,大家小心少女心受到「暴擊」!

撰文:Carmen|圖片來源:《しゃべくり007》

10種會令女性心動動作

節目整合咗10種會令女性心動嘅動作,分別為:(第一行左起)靠肩、用手指堵唇、牽手插褲袋、捲手袖、手臂衝線帶、(第二行左起)額碰額、我的外套、窗簾之刑、外套雨傘、轉椅子。節目主持成員們會揀選幾個動作,然後同竹內涼真進行小劇場,演繹畫面。

1|牽手插褲袋

日文語源:ねじポケ

指約會時,男方牽著女方的手,然後自然地放進褲袋。日本女生指呢個動作有種在寒冷天氣底下被保護嘅感覺,能感受到男方嘅溫柔。(天氣愈凍,愈有心動效果!)

實演小劇場背景設定:2人為打工地方嘅前、後輩關係,女方(原田泰造)設定為38歲,已對戀愛近乎放棄狀態。故事設定為2人喺寒冷天氣下到遊樂場玩。

雖然未到重點畫面,但涼真呢句:「我可以抱著『約會』的心情去玩嗎?」已經非常令人心動啊!!飾演女方嘅原田泰造都表現得不知所措(笑)。

一提起手就牽走對方嘅手,一系列動作太自然!

故事發展來到排遊戲會排好耐,涼真問完女方咁凍O唔OK之後,就自然地將牽著嘅雙手插入自己褲袋!!不得了!!

連扮演女方嘅原田泰造都話覺得心動!

2|手臂衝線帶

日文語源:腕ゴールテープ

指2人吵架,然後女方打算離開時,被男方用手臂阻擋去路。因形式似跑步衝線,於是有個咁嘅別稱。日本女性更指,被攔後,從背面抱著會令心動感更加強烈。

實演小劇場背景設定:女方(福田充德)為32歲,係涼真嘅經理人,而涼真對佢有好感。2人就涼真上節目後嘅表現吵架,經理人嬲到打算離場,然後就被涼真一臂攔住!!

攔完最後再加個環後抱……太犯規了!!!連飾演女方嘅福田充德都恍晒神(笑)。

3|轉椅子

日文語源:椅子クル

指將辦公椅等椅子轉動,強行令對方面向自己。日本女性表示,經常妄想嘅畫面就係喺深夜office裡面加班,然後被可愛嘅後輩咁樣對待。

實演小劇場背景設定:涼真對女方(有田哲平)有好感,加完班打算走時,見女方仲未做完工作,半哄半強行地叫對方一齊走,邀請對方去飲一杯。仲話最多第二朝早啲返工幫女方清工作!

4|捲手袖

日文語源:袖クル

指於洗手或煮飯時,男方從女方身後以環抱式幫忙捲起女方衫袖。日本女性話,從後環抱形式被如此對待,能夠感受到男方的壯闊身形同溫柔細心。

實演小劇場背景設定:女方(德井義實)為33歲女壽司職人,而涼真就係學徒。邊聽著前輩發牢騷,邊細心注意到對方手袖滑落,然後幫忙捲好手袖。(忍不住想說,呢種突然縮短身體距離感嘅做法拿捏得好好啊!)