小儀 日本 小儀日本
小儀 日本 小儀日本

【小儀Fly!遊日本】東京搵吃口袋清單!九州必去秘境+鎌倉神社

日本

廣告

小儀由電台走到電視,由主持到做戲甚至做埋女廚神,主持的本地飲食節目又好,旅遊飲食都好,經常都是大家去玩去食的好指標,今次,我們來睇睇她自己去放假旅行時又會點樣玩日本。

撰文:潘小熊|圖片來源 /攝影:Janelle、由受訪者提供

第一次遊日 遇見恐怖日本!

Q:第一次去日本是何時?和誰去?

小儀:人生第一次坐飛機亦是第一次去日本,就是去東京,記得那年是中五畢業,跟最要好的女同學去的,當時仲好大膽自由行玩了七天,在東京都係好似一般人咁去新宿、原宿、涉谷四圍行街⋯⋯當時,有個Auntie是做日本帶團的,我哋就跟住去富士山玩,點知最恐怖的事就發生咗⋯⋯
當時我哋跟團認識了新朋友,晚上約好一齊在房間玩啤牌,記得當時入住的是傳統榻榻米房,恐怖的事好彩不在我房內發生,我哋去到新朋友的房間,明明大家都是兩個女仔住,一入佢哋房見到放了十幾對拖鞋,有大人又有小朋友用的,我哋當然唔敢出聲啦,傳聞如果好猛的房間,有幾多隻鬼就有幾多對拖鞋⋯⋯好彩,那晚無特別事情再發生。

Q:遇過恐怖事仍喜歡日本?

小儀:其實去過一次東京就上了癮,入了商台後情況更嚴重,全部903同事都好喜歡去東京,我哋會跟著Wyman、軟硬一張秘密手繪地圖去搵日本精品,好似當年好Hit的透明吹氣一人梳化,我睇番本護照,最瘋癲時可以三日兩夜甚至兩日一夜都要去一去東京。去得最多時一年去四、五次,唔算好瘋狂,而家可能一年去兩三次左右,每次要清假或是生日Trip都第一時間想去日本。

小儀 日本 小儀日本
去日本唔一定為Shopping,最新一次就專為食好西而去。

Q:有甚麼最瘋狂的事在日本發生過?

小儀:試過同903同事齊齊偷走去東京玩,那次仲有森美,個個都鍾意玩,去到東京唔甘心只行街購物,成日諗無聊嘢來玩,試過玩鬥取得多紙巾,以前東京好多人街頭派紙巾宣傳,我哋就玩鬥取得多,而且不准重複才算贏。

Q:去過日本哪些地方?

小儀:去得最多都係東京,讀大學時就去過廣島、京都,仲有拍嘢時去過沖繩,同埋六月咩都無的北海道等都有去過,反而這兩年識了一批鍾意睇景無咁鍾意Shopping的朋友,就去多了九州,可以自駕遊慢慢歎。

Q:日本有甚麼吸引你一去再去?

小儀:就算每年都會去睇櫻花,每年都會有唔同的感受,每次都可能有唔完美,又有不一樣的開心,未睇到已經好刺激。又或睇紅葉我都好開心,試過落住大雨睇紅葉,以為好掃興,不過日本朋友告訴我其實落雨時睇花睇葉顏色會特別靚,日本人這些能夠改變態度去欣賞不同事物的特質叫人好欣賞。

小儀 日本 小儀日本
小儀每年都去幾次日本,東京通常是第一目標。

為了美食 可以去到幾盡

Q:小儀出名愛吃,東京旅行會瘋狂吃嗎?

小儀:會呀,最近一次遊東京,出發前已定下目標是為「食」,要吃得好就要提早訂位,在過程中學多了日本文化。例如我們透過在日本工作的朋友訂位,某些餐廳一聽到是替外國人訂位就拒絕,要求需由酒店代訂,酒店又會要求先要付信用卡資料等,好像深怕遊客甩底,但原來某些餐廳是怕不懂英文,溝通不良會招呼不周,日本人對要做得令人滿意好有執著,不只是為錢。

Q:有哪些東京餐廳是你的心水推介呢?

小儀:今次出發前睇了一個日本電視節目《和風總本家》,本身那是一個講和風事物的Game Show,集集不同美食主題,又會邀請廚師上節目講解,我抄下了多集Notes跟住去訂餐廳,後來發現原來好多是好有名的,就跟了去吃。另外,拍節目時去過兩間不錯的拉麵店,自己去玩都有再幫襯。

推介01|江戶前壽司──鮨一新

在淺草的鮨一新,是得過米芝蓮一星的江戶前壽司,江戶前壽司的重點是魚鮮會做過熟成處理,可能會醃過、漬過等,我本身不愛吃濃味魚,但估不到這裡的好啱吃,除了拖羅外都吃晒。

鮨一新
地址:東京都台東区浅草4-11-3(顯示地圖

小儀 日本 小儀日本
想要吃得好,記得一早請當地酒店訂位。
小儀 日本 小儀日本
平日一些太濃味的魚,小儀都吃不了,在鮨一新則無問題。
小儀 日本 小儀日本
白身魚配酸汁再加魚肝醬,勁好吃。

推介02|米芝蓮天婦羅──近藤

其中一集講解天婦羅,去了一間不少人都知的名店近藤,是三星米芝蓮,店主七十歲都繼續日日在炸天婦羅,不過記得訂位最好講明要訂近藤師傅主理的,另一邊是徒弟主理的,雖然都好好食,我哋今次大頭蝦,忘記了註明,又忘了訂他們的名物炸厚番薯,平日一般吃到的炸番薯都是薄片的,這裡有近兩吋厚,因為要炸近30分鐘,要一開始就先點,雖然今次吃不到,不過正好畀個藉口自己下次再來。

近藤
地址:東京都中央区銀座5-5-13 坂口ビル9F(顯示地圖

小儀 日本 小儀日本
雖然吃不到師傅的手藝,不過佢都好Nice和我們合照。
小儀 日本 小儀日本
這次吃不到厚炸番薯,有藉口要再返來。
小儀 日本 小儀日本
這份天婦羅是近藤師傅為不愛吃蘿蔔的孫兒設計的菜式。

推介03|雞湯拉麵──ねじ式

此店室內黑黑的,又放有很多Figure,好不一般的拉麵店,好有漫畫Feel。賣的是超濃厚的雞湯拉麵,濃厚得會黏著嘴,吃麵時亦會多給你一隻像篩的湯匙,方便大家吃到湯裡的免治雞肉。

ねじ式
地址:東京都渋谷区幡ヶ谷2-47-12 田口ビル1F(顯示地圖

小儀 日本 小儀日本
上枱時碗內有兩隻湯匙,一隻是用來舀起肉碎來吃的。
小儀 日本 小儀日本
未去到門口,基本上都見到人龍排隊。

推介04|慢煮叉燒拉麵──金色不如歸

另外一間拉麵店位於同一條街上,是間長龍排隊店,既是米芝蓮推介又是當地拉麵得獎店。此店當然夠出名,不過大家記得每星期有2日是賣特別口味拉麵,周末有時會有中華風拉麵,而平日的湯麵其實都好好味,除了豬骨及雞湯,更加入了蜆及大量蔬菜,令湯帶甘甜,加上那慢煮的叉燒好軟熟,拍攝以外我自己都有再去吃。

金色不如歸
地址:東京都渋谷区幡ヶ谷2-47-12(顯示地圖

小儀 日本 小儀日本
湯頭甜美,睇真啲果然勁多煲湯材料。
小儀 日本 小儀日本
雖然加有黑松露,不過沒有蓋過湯味,厲害。

東京以外 私心景點推介

Q:東京的美食以外,有咩好玩?

小儀:最近一次又去了鎌倉,除了大路的鎌倉大佛外,我們去了一個好特別的佐助稻荷神社,好啱香港人,我稱之為「洗錢神社」。那裡有個傳說,相傳用神社的聖水洗錢,可以賺雙倍,大部分參拜者都是洗洗硬幣,不過真的有日本人拿出一萬円紙幣來洗,最好笑是見到有人連信用卡都出動!而入神社的路都神秘好玩,要先瓹山窿才到鳥居路才再看到這個位於山下的神社,值得大家去發下財!

小儀 日本 小儀日本
這神社是鎌倉大佛以外值得一遊的。
小儀 日本 小儀日本
供奉了超多稻荷神,很壯觀。
小儀 日本 小儀日本
據說用這裡的水洗過的錢會翻倍。
小儀 日本 小儀日本
參觀神社成了Shopping以外的好節目。

Q:聽說你最近愛上九州自駕遊,有甚麼推介?

小儀:高千穗是一處我本來沒甚期望,但一去就愛上的地方。還以為玩撐船仔無咩大不了,但那條河流不同深淺的藍色好靚,買包餅仔餵水鴨又好可愛,加上那陽光折射的關係,那裡簡直有「彩虹放題」,隨便用手機影相都好靚。另外一個秘秘是糸島(絲島)的夫妻岩,從白色鳥居直望出大海,一大一小的岩石就是夫妻岩,潮汐漲退看到不同景致,本來我們那天去天色不好,不過就因此沒甚麼遊人,隨便都影到明信片般的相,加上附近有不少餐廳,夏天可以滑浪。今次我冬天出遊,糸島更有牡蠣小屋,即燒蠔小屋,只在秋冬蠔季才營業,燒蠔超甜美,想不到九州好食又好玩。

小儀 日本 小儀日本
因為陽光折射得超靚,求其手機影都咁靚。
小儀 日本 小儀日本
初時以為撐船仔無咩好玩,估唔到景色靚到唔想走。
小儀 日本 小儀日本
瀑布及陽光折射下,好似仙境。
小儀 日本 小儀日本
買啲餅餵下鴨仔,都幾relax。

最新吃喝玩樂資訊