沖繩離島
沖繩離島

【沖繩秘境】距那霸僅20分鐘船程|沖繩最美離島「納嘉魯島」(Nagannu)大起底

日本

廣告

【沖繩景點】沖繩官方觀光局今日宣布咗麻疹疫情平息通知,呢個夏天大家可以放心返沖繩玩啦!沖繩一向係港人夏天出遊嘅熱門地點,怕去到周圍都係人?不如跟住日本國民偶像團體「嵐」,去探索沖繩最靚無人島!

撰文:Carmen|圖片來源:Visit Okinawa Japan、JAL、ナガンヌ島公式サイト

沖繩麻疹疫情平息

沖繩麻疹疫情擾攘咗近乎2個月,官方終於正式宣布疫情已平息!大家又可以放心去玩啦!

離沖繩本島20分鐘船程超靚秘島!

日本航空JAL今年繼續同國民偶像團體「嵐」合作,新宣傳短片一出街就掀起網民們嘅「起底」熱潮!

呢個水清沙幼、夏日氣息濃厚嘅景點喺邊度嚟?原來係連沖繩當地人都未必知道嘅秘島!

納嘉魯島(Nagannu島・ナガンヌ島)

納嘉魯島被稱為「距離那霸最近的慶良間諸島國立公園」,位於沖繩本島那霸市向西方向15km,由那霸市港口碼頭乘約20分鐘船便到達的離島。廣告中最令人印象深刻嘅,除咗幼細白沙,就係長棧橋。

小島呈細長條形,被白沙覆蓋,海域擁有水深50~60公尺都仲可以清楚見底嘅超高透明度!亦係世界知名嘅絕佳潛水地點!

雖說係無人島,但其實納嘉魯島係有度假住宿、飲食、玩樂設施,唔單止可以玩盡超高透明度靚海,更可以喺晚間時分欣賞絕美星空!

遊樂/體驗活動

所有水中活動喺4月~10月可供預約,體驗活動有:

海水浴(附優惠套餐,詳情請參考官方網店)

 

水中散步

(條件:10歲以上&肩幅40cm以上才可參加,唔識日文/英文、患有特定疾病患者、體驗後就需搭飛機嘅人均不能參加)

收費:5,000円(所需時間60分鐘/潛水10分鐘)

戴著專用「頭盔」潛入水深約5米水底。由於臉部唔會碰到水,所以怕入水底、唔擅長游水嘅人都可以安心參加。

浮潛

(條件:6歲以上可參加,但唔識日文/英文、患有特定疾病患者不能參加)

收費:3,000円(所需時間60分鐘)

從水面放鬆地觀察海中環境,歡迎家庭一同參與!

而且會有教練同行,因此可享受游泳區域以外的大海。

滑水

(條件:腳掌尺寸23cm以上)

收費:4,000円(15分鐘)

感覺如於水面行走的滑雪活動,但可感受到與雪上滑行完全不同的水波變動。

香蕉船

收費:1,500円(10分鐘)

大家互相幫助,以不掉下水裡為目標!此活動需以團體形式進行。

※身體疾病、未成年人士參加前須知等相關問題詳情,請參考官方網站。

前往方法:

泊港按月份不同,會有不同班次嘅船隻來往本島同納嘉魯島,出發前記得去官網睇番詳細資料呀!自駕遊人士亦可參考番路線前往泊港。

詳情:

沖縄の無人島リゾート – ナガンヌ島公式サイト

官方網頁:www.nagannu.com/

關鍵詞
沖繩