杏兒
杏兒

閃光彈最終回! 胡杏兒5個點蜜月環球一圈

旅遊

廣告

胡杏兒結婚好一段時間,但點解個蜜月之旅去極都未完?原來甜到漏嘅兩公婆,足足花咗兩個月,由北海道、Bora Bora島飛到美國,再橫跨大西洋往倫敦過年,最後歎埋希臘同馬代先捨得返香港,真係令記者好葡萄!以下重溫長達42,353公里的蜜月長征,各位矢志環遊世界的港女,快啲Cap低畀未來老公參考啦!

終點站:馬爾代夫 - 豪住水中屋

今次杏兒選住的Per Aquum Niyama Resort 位處Dhaalu環礁,被島上樹林環繞,加上遠離首府,水質清澈,房內有爆谷機、iPad、咖啡機等貼心設備,最正當然係一望無際的私家泳池,以下套票加HK$4,400就有得升級兩晚DeluxeWater Studio,非常抵玩!
馬爾代夫

$15,899 馬爾代夫6日4夜套票
出發日期:即日至3月24日、3月28日至8月31日
住宿:3晚Per Aquum Niyama Beach Studio、1晚Hotel Jen
航班:新加坡航空(需轉機1次)
另包:免費Wi-Fi 、每天早餐
稅項及雜費:$2,200
查詢:新航假期 2870 8788

玩到唔想返香港
玩到唔想返香港
Studio私密度夠高,急不及待晒下美背!
Studio私密度夠高,急不及待晒下美背!

首站:北海道 -滑雪初體驗

今年好多明星先後飛去二世古滑雪,梁朝偉劉嘉玲陳奕迅和森美都榜上有名,杏兒更透露獻出咗第一次滑雪,不過睇片已經學到有板有眼,難怪得粉絲力讚聰穎!
北海道

日本嘢食出名抵食大份,點知李生眼闊肚窄點了大號咖喱蛋包飯,上桌後當堂嚇一嚇!
日本嘢食出名抵食大份,點知李生眼闊肚窄點了大號咖喱蛋包飯,上桌後當堂嚇一嚇!

第2站:Bora Bora -隱世天堂島嶼

Bora Bora呢個地方有少少偏,實際是大溪地群島之一,湛藍碧綠海水真係超純淨,能見度達20米,低頭肉眼已經望到魔鬼魚,浮潛都唔使!想學杏兒飛Bora Bora避世?市面上有8日6夜旅行套票連稅HK$38,399起跳,包埋島上的1日導覽,趁呢片藍天碧海未被攻陷,報名啦!
(查詢:安運滿Fun遊 3913 6000)
Bora Bora

Bora Bora的Resort景色和設施不輸馬代,不過機程係雙倍,位處新西蘭和美 國之間,平日較少人考慮,環遊世界就 絕對值得到此一遊。
Bora Bora的Resort景色和設施不輸馬代,不過機程係雙倍,位處新西蘭和美
國之間,平日較少人考慮,環遊世界就絕對值得到此一遊。

第3站:新西蘭 -北島自駕遊

樂山樂水的國家,又點會少咗新西蘭,不過今次杏兒停留嘅時間較短,其中一日在Lake Tarawera出海釣魚,兩人雖各自成功有收穫,但眼見杏兒嗰條份量足秤稍勝,李生即時賣萌扁嘴,後來即場用釣得的虹鱒製作刺身,望落新鮮肥美!
新西蘭

原來杏兒同老公分別生肖屬牛和羊,生擒同伴即刻俯身合照,好搞笑!
原來杏兒同老公分別生肖屬牛和羊,生擒同伴即刻俯身合照,好搞笑!

尾二站:希臘 -愛琴海晒命

登上三面環山Santorini島,適逢當晚有阿仙奴對巴塞賽事,兩口子齊齊穿上球衣賽前打氣兼打卡,呷住美酒賞夕陽,愛琴海一片波光粼粼,曬到佢哋都要戴副墨鏡!
希臘

去到希臘都著住MR.LEE和MRS.LEE 專屬球衣,杏兒背影已顯出一副小鳥依人,Sweet到爆!
去到希臘都著住 MR.LEE和 MRS.LEE專屬球衣,杏兒背影已顯出一副小鳥依人,Sweet到爆!