台北Airbnb優選！本土設計買得走

市面所謂的設計旅館，設計品只能現場使用，再沒後續。台北的玩味旅舍就好唔同，全房家具和裝飾都採用台灣本土設計外，睇中心頭好更可即時訂購。全酒店只得五個房間，主題各異，今次試住才覺得房間好睇亦好用。首先旅館坐落於大稻埕與中山站之間，喜歡逛文創就極方便！而睡房以至浴室均有暖氣設備，洗澡後啟用抽濕功能，地板輕易變乾爽；房內配備洗衣機及洗衣球，唔使儲埋一大袋污糟衫；兩邊床頭和書桌有充足USB 位，叉電唔使揾轉插！最後，藍芽喇叭用法簡單，三兩下手勢就成功將手機連接，音質高清。原來酒店會就住客的用後感昇華住宿體驗，難怪咁無微不至！