藥膳
藥膳

冬天暖胃補身!4個時令養生藥膳湯譜

健康

廣告

天氣仍未太凍,但寒底的你可能已經手凍腳凍,不如飲湯補返下。 記者近來發現 Green Monday與東華三院社會企業CookEasy 煮餸易合作,炮製四款素湯包,非常吸引。湯包採用了新派藥膳專家梁尹倩醫師(CINCI EC)撰寫養生藥膳湯譜,並由 CookEasy生產成方便湯包,只要把材料倒入煲內,加水煲1小時便可飲靚湯,夠三人份量。買返屋企煲返熱,仲可以扮下孝順㖭。

佛手瓜即是合掌瓜,有開胃、幫助消化的功能,冬天成日打邊爐,係咁食肥牛,好易食滯,飲呢款湯就啱晒!

呢款湯用新鮮雪梨加梨乾,醫師話,梨有生津解燥的功能,滋潤一下腸胃,再加埋薏米具排水去水腫功效,日日坐辦公室的OL好啱。

南瓜補脾益氣,適合脾胃虛弱、易攰無力的都市人;大白菜清熱,益胃通便。雪耳出名滋陰潤肺止咳,冬天乾燥好易咳,食多啲雪耳就可以順返條氣喇。

冬瓜有助排水,可以消腫 ;《本草綱目》 記載蓮子有「利耳目,除寒濕」等功能,適合冬天食。醫師也提提用家,自行加入幾粒瑤柱一齊煲,仲可以滋陰補腎。

除了去門市購買或預訂湯包,仲可以用網上預訂,消費者要列明在中環還是灣仔店取湯包。早 前記者想透過網上訂購,不過因為太搶手,旋即售罄,green common朋友教路,要在星期六開始訂定下星期四出爐的湯包,咁就一定得。

 

green common

地址:中環德輔道中173號南豐大廈1樓1號舖(顯示地圖
查詢:2263 3153
網址:greencommon.com

網上訂購:goo.gl/tX4hHl
營業時間:每天10:30am-9:30pm
備註:四款湯包輪流應市,逢星期四轉款一次。

延伸閱讀

【環保DIY】 有機香水+肥皂=100%動手做

救地球!北海道的自然共生小屋 【日本】