壽司郎一人勁擦$818！60分鐘食42碟網民驚歎可入健力士｜飲食熱話

Jun 10 2022

壽司郎一人勁擦$818！近日在「香港壽司刺身關注組」有人開心分享2張相片，發文：「我一個人食左$818」簡單一句震撼人心，引來網民熱議，大讚事主是大胃王，「60分鐘42碟，速度同胃口真係世界大胃王級！」；亦有人提議這個價錢不如去食放題或Omakase「八百幾蚊食高質buffet仲好」；最搞笑是明將竟然亂入「當年明將….我爸一條友都食40幾碟」！

壽司郎一人勁擦$818 眾網民驚歎事主大胃王！

日本過江龍壽司郎果然魅力非凡，近日就有谷友在「香港壽司刺身關注組」開心分享2張相片，一張可見堆積如山的壽司吉碟，一張則是壽司郎盛惠$818的單據，發文：「我一個人食左$818」事件震撼人心，旋即引來網民熱議，驚嘆事主的胃口「大胃王」、「勁」、「犀利」、「佩服」、「真正嘅壽司‘狼’」，並提議「可以申請入健力士世界大全」，亦有人笑言「你有幾多日無食飯」，亦有人估計事主總共吃了10碗白飯「當你6舊壽司等如1碗白飯，42碟算你每碟1.5舊壽司，你等如食咗10碗白飯，勁！」；當然也有人質疑「有無食哂啲飯」，事主霸氣回應：「有」。

除了驚嘆事主的胃口外，更詫異他的速度「60分鐘喎，個胃仲ok嗎？」、「同時間競賽，食咗乜都唔知」、「60分鐘42碟（唔知一碟有一件定兩件）速度同胃口真係世界大胃王級！佩服佩服」。因為事件太震撼，亦有人質疑事主做假「呃人，隻手都唔係你·你張相手指又短又粗，依張相手指又長又瘦。」

壽司郎近日有谷友在「香港壽司刺身關注組」發文：「我一個人食左$818」 — 近日有谷友在「香港壽司刺身關注組」發文：「我一個人食左$818」（圖片來源：香港壽司刺身關注組截圖）

壽司郎網民大讚事主是大胃王。 — 網民大讚事主是大胃王。（圖片來源：《開心速遞》劇照）

壽司郎網民笑言「可以申請入健力士世界大全」。 — 網民笑言「可以申請入健力士世界大全」。（圖片來源：香港壽司刺身關注組截圖）

壽司郎網民驚嘆事主的胃口「大胃王」、「勁」、「犀利」、「佩服」。 — 網民驚嘆事主的胃口「大胃王」、「勁」、「犀利」、「佩服」。（圖片來源：香港壽司刺身關注組截圖）

壽司郎成了壽司「狼」！ — 成了壽司「狼」！（圖片來源：香港壽司刺身關注組截圖）

壽司郎不止胃口，速度也令人咋舌。 — 不止胃口，速度也令人咋舌。（圖片來源：香港壽司刺身關注組截圖）

壽司郎事主話有食曬啲飯。 — 事主話有食曬啲飯。（圖片來源：香港壽司刺身關注組截圖）

食放題或Omakase仲好？

事主一人勁擦$818，不少人建議這個價錢不如去食放題「勁！捨得俾依個價錢，去食個靚buffet / 日式放題都得」、「八百幾蚊食高質buffet仲好」、「咁嘅價我食鮨政放題好過」。不過有粉絲力支撐壽司郎，「放題邊有咁靚嘅大拖羅呀」，似乎大家對壽司郎的出品好有信心！亦有人提議吃師傅發辦「八舊幾，補少少錢食”阿媽家姐”好過」，立即有人回應「咁家姐都係得十零貫，唔會咁過癮」。

所謂「高手在民間」，除了事主外，其實還有好多大胃口，覺得此事尋常至極「1條友去好多時唔覺意就食過300蚊」、「我尋日都食$614」、「真係唔覺好多」，有人亦非常持平「人地點食法你理得人咩，最緊要食得晒唔好浪費」，最緊要食得曬，唔好做大嘥鬼！