THREE Cosmetics空降銅鑼灣︳5大必買產品@美容婉

時尚美容

廣告

text:美容婉 photo:Alison

(Presented by THREE)

作為THREE嘅粉絲!除咗鍾意佢大方、高雅、盡顯日本人簡約設計神緒嘅包裝之外,不得不提佢地每款產品都有陣來自天然植物精油嘅清新自然香氣,為化妝同護膚帶嚟另一種享受!想買THREE 嘅Cosmetics又唔想飛去日本?而家留喺香港都買得到!

日系品牌THREE 9月1日終於正式空降銅鑼灣Sogo!以80%以上天然由來成分同多種植物油而聞名,仲會嚴選多種日本國產嘅原材料(例如:青森蘋果、和歌山紀州南高梅)加入配方,主張利用植物萃取嘅方法去喚醒肌膚自身嘅美麗力量!今次一共有5款我嘅心水推介俾大家!

  1. Balancing Cleansing Oil

作為日本美容達人至愛嘅卸妝油,潔淨力強但唔傷皮膚,全因配方有多種唔同嘅精油,例如佛手柑果實、迷迭香等,2-3下嘅用量搓暖後再揸上面按摩推匀,輕輕鬆鬆卸完妝,用完仲唔會乾到痕添!

  1. Scalp & Hair Shampoo & Conditioner

每朝起身要用多一倍時間處理個「鋼絲頭」?呢兩款頭皮及頭髮護理產品都有至少90%嘅天然由來成分,除左擁有超越一般護髮產品最基本嘅潔淨同修護功能之外,佢最最最特別嘅地方係佢其實仲護理埋頭皮架!換言之,係幫你營造一個健康嘅頭髮生長環境,呢樣野真係唔係個個牌子都做到,超Amazing!有朋友們用過都話順滑貼服效果好快就見到,聽到有頭髮問題嘅我非常心動!

  1. Complete Harmony Foundation

以前覺得Cream Foundation會好易造成「厚妝」、「潤到發光」嘅煩惱!呢款粉底霜最令人意想不到嘅係,連粉底都有成81%以上天然成分!修飾同時修護肌膚,就好似做左第二層護膚咁。用少少分量已經足夠上晒全面,可以做到中至高度嘅Coverage,但又冇油淋淋過渡滋潤嘅感覺喎,鐘意健康光澤妝感嘅我就啱晒啦!而且因為用量好少就夠,一樽仲可以用好耐!

  1. Cheeky Chic Blush

成個配方用咗4款唔同質地嘅粉末組合而成,包括有輕盈蓬鬆粉、柔滑融合粉、水晶純淨粉同柔滑薄紗粉,難怪質地可以咁細緻!至於顯色度方面,偏向自然唔會太誇張,可以做到白裡透紅嘅感覺!而且細細盒帶出街補妝都超方便!

  1. Shimmering Lip Jam

結合咗唇膏嘅高顯色度同唇彩嘅滋潤度,薄薄地揸一層已經可以帶出好氣色,真係幫到成日朝早要趕時間去活動嘅我呀!配方仲有櫻桃萃取精華,保濕同時呵護咀仔,唔洗怕個咀乾到甩晒皮咁見人

後記:

聽聞今個月,只要like咗THREE HK嘅Facebook Page,再俾翻THREE專櫃嘅創美師睇,就可以攞到一份Balancing Cleansing Oil 同 Balancing Foam嘅試用裝。快啲叫埋啲朋友Lunch Time一齊去Sogo Counter體驗THREE嘅魅力啦!