Janet Q 染髮泥 試用報告! 毋須漂髮 速變粉紅髮色
歐美日韓明星大愛粉紅色頭髮！
不論日韓明星，或者歐美明星，都大愛粉紅色頭髮。其中，帶點啡金的粉紅和帶點灰啞的粉紅都好受歡迎。
毋須漂髮！輕鬆搽上去 超顯色
Janet Q 染髮泥一共推出四款顏色，粉紅色、灰銀白色、藍色和紫色。
打開髮泥盒，粉紅、藍和紫色髮泥的顏色都幾亮眼，而且會有少少珠光。
髮泥質地，除了銀白色比較硬身，其餘三款都幾軟身。
染髮泥使用方法
染髮泥使用方法簡單，只要用手指拎你想用的份量，將其放在掌心搓勻後，塗上頭髮便可。即刻睇片教你點用染髮泥。
Janet Q 染髮泥試用報告！
粉紅色當然要試用，另外我會再試埋灰銀白色和藍色染髮泥。而我本身頭髮有兩層顏色，面層為深啡色，底層為漂染過的金色，那就可以一次過看看染髮泥在兩種髮色情況下的效果，馬上看試用報告！
1. 粉紅色
粉紅色效果我幾滿意，顯色方面與盒面顯示的顏色相似。如果只用粉紅色上本身深色的頭髮，效果會帶點螢光粉紅。如果將粉紅色塗上本來有漂金的頭髮，就會帶點玫瑰金色。
而且上髮後比想像中易推，不會太笠。將染髮泥塗勻後，我提議用風筒吹髮，令頭髮再乾爽蓬鬆一點。造型上，在頭髮一半位置開始用染髮泥，用來做漸層效果也不錯。
2. 灰銀白色
灰銀白色效果會較為深色，有點像灰黑色。如果你想整比較明顯的髮色，就未必適合了。而灰銀白色染髮泥質地會較為硬身，上髮後頭髮相對粉紅色髮泥無咁乾爽蓬鬆。
3. 藍色
藍色效果比想像中亮眼。將藍色放在經漂染過的頭髮，效果會淺色一點，亦帶點藍綠色。質地與粉紅色髮泥相近，易推。同樣，我有用風筒吹髮，令頭髮乾爽一點。
Janet Q 染髮泥 總體評分
顯色度：★★★★☆
粉紅、藍和紫色都好顯色，讚！唯獨銀白色的效果較為深色難看。
清爽度：★★★★☆
比想像中易推，唔太笠，不過銀白色則比較硬身。
抵買度：★★★☆☆
$168/150ml，一盒大概可以用八至十次，都幾抵玩。
總評：
染髮泥比想像中上色，亦比想像中乾爽，用風筒吹頭後唔算太笠。除了銀白色髮泥，用後會難梳頭髮外，其餘顏色髮泥使用後，頭髮打「kick」問題不太嚴重，長頭髮的女孩子都適合使用。另外，想沖掉髮色都幾容易方便，用洗頭水沖洗兩次已經乾淨。
建議：
如果貪新鮮想轉換形象而不想漂髮，用染髮泥都不失為一個好選擇。不過，比起漂髮，用染髮泥始終都會甩色，如果出街用的話，就建議你著深色衫，或者束起頭髮用髮泥，就能減低弄髒衣服的風險。另外，唔建議落雨或者去會接觸到水的活動用染髮泥，因為用水沖好易甩色，搞到成身都粉紅色就唔好啦。
