美魔女鍾麗緹 凍齡秘訣大公開！
廣告
45歲鍾麗緹係大眾公認嘅美魔女，已經三個小朋友嘅媽媽，外形依然年輕，上年仲同細佢12歲嘅內地型男張倫碩開始拍拖，名副其實係魅力沒法擋！最近，佢仲透露咗自己保養秘密，快啲一齊跟佢學下點樣可以keep fit保持靚靚容貌啦！！！
大！公！開！鍾麗緹每日飲食餐單
鍾麗緹講到保持年輕，首要嘅係要日日開心，心境開朗。而飲食方面，佢每日做嘅第一件事（並唔係打開眼），係要飲一杯暖檸檬水。因為飲檸檬水會令身體新陳代謝變快，重點係食番個早餐，更會令身體排毒得更快。
除咗飲檸檬水之外，鍾麗緹仲會飲自家製蔬菜汁。佢仲同大家分享私人蔬菜汁食譜，做法非常簡單，蔬菜汁材料包括有兩個青瓜、兩個芹菜、一個西蘭花頭、半個蘋果、檸檬、薑，將所有材料製成蔬菜汁，飲完皮膚會愈來愈好。
唔單只係控制早上飲食，鍾麗緹話自己盡量是喺屋企食，飲食非常清淡，堅持少油少鹽，所以甚少出街食。到夜晚12點之前，就必須飲非常多水，大概2000ml左右，就可以幫助排毒，加速新陳代謝。
鍾麗緹分享自己每日飲食心得的訪問：
鍾麗緹：必須去做運動！
鍾麗緹話大家如果喺飲食方面盡哂力，效果仲未夠明顯，就必須去做運動。香港人生活非常繁忙，可能大家聽到要做運動，就已經有啲驚。不過，鍾麗緹向大家推介咗一套4分鐘運動，叫tabata。做完運動之後兩三日，新陳代謝會愈來愈快，會感到容易肚餓，同時表示容易消化，唔容易肥！
究竟咩係tabata呢？其實呢套係一套高強度間歇運動，被網絡譽為燒脂最快。4分鐘運動意思即係話，每做運動20秒，就休息10秒，每次做8個循環，加埋就係240秒～即係4分鐘啦！一齊跟住做啦～～～
