韓妝_laneige_雙色唇膏
韓妝_laneige_雙色唇膏

熱播韓劇「太陽的後裔」宋慧喬潮用! LANEIGE鮮豔雙色唇膏 試用報告

時尚美容

廣告

最近大熱韓劇必數宋慧喬做女主角的「太陽的後裔」,劇中的女神妝容自然,重點落在唇妝,女神與男主角約會,就用了這支LANEIGE Two Tone Lip Bar,效果好靚,加上電視每晚播住呢支唇膏的廣告,引死人,搞到Hello Pinkey忍唔住手買咗支,亦寫好試用報告同大家分享!

韓劇「太陽的後裔」女神妝

嘩,女神連補妝個樣都咁靚!妝容好自然,粉紅色唇膏添上少女味,誰不想化到呢個妝,解釋晒點解咁多女生都想擁有呢支唇膏嘞!

雙色花瓣唇Lipstick

上年LANEIGE已經推出過呢款雙色唇膏,印象中都是賣到一度斷市,Hello Pinkey都有朋友用開,大讚顏色好靚,品牌今年再推出4款新色,Hello Pinkey終於忍唔住手!

Hello Pinkey試用報告

顯色度:★★★☆☆
-橙紅色顯色度高,顏色像真,色澤搽出來好靚,而且有顯白膚色的效果。
-黃色真係好難搽到出色,即使已幫咀唇用粉底打底,黃色依然唔太覺眼,搽唔到廣告效果~
-唇膏本身鮮豔好靚,但塗上咀唇後不會過份誇張,感覺時尚!

滋潤度:★★★☆☆
-比較乾身,如果唇膏偏乾或有死皮,搽完後會超明顯,嚇親人~
-所以我用之前我會先用同品牌的唇膜(或普通潤唇膏)厚敷滋潤雙唇,搽出來效果就靚嘞!

抵買度:★★★☆☆
$210,韓牌來講算貴,但市面上又真係無同類型產品。

總結:
雖然搽唔到黃色出來,不過呢個橙紅色坊間少有,搽出來真係好靚,感覺很時尚,而且有顯白膚色的效果(即刻加晒分 xp),唇膏質地本身偏乾,但做足唇部護理之後,效果都ok。

貼士:
-適合皮膚偏白的女生
-化個精緻靚妝襯呢支唇膏會幾靚,唔可以零make-up咁用,會怪怪的。
-懶做唇部護理的朋友仔,就未必啱用嘞~

今年新款 Two Tone Eye Shadow

今年LANEIGE不但唇膏有新色,更再下一城出埋雙色眼影!

歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!