減肥人士恩物！美國公司推電擊手帶 手部靠近嘴邊即觸電
廣告
唔少人都會因為忍唔到口而食得太多，又會有人減肥時因為不斷進食而減肥失敗。不過大家唔使再驚喇，話說外國有電子裝置公司推出一款「電擊手帶」，當你忍唔到口、將手放在嘴邊準備開餐時，就會用電流電擊你，藉此警告用家，相信好快大家就可以戒食零食喇！
撰文：Evita ｜圖片：PAVLOK
減肥人士恩物！美國公司推電擊手帶
香港有不少人，尤其女士們，日日夜夜都諗住減肥，所以市面上出現好多減肥療程或減肥APP，都話可以幫用家減肥消脂。但相信大家都明白，無論幾努力都好，但只要一但忍唔到口就會前功盡廢！近日有美國電子裝置公司推出一款電擊手帶，指有助養成良好習慣，究竟有咩咁神奇？
例如用家如果真係把持不住，忍唔住偷食零食，手帶內置的手部檢測系統會釋放溫和電流，當然用家都可以透過手機APP調整電流強度。用家只要將手放在嘴邊，手帶就會發出嗶嗶聲、振動聲或砰砰聲以提示用家。官網指有75%的吸煙者在短短5日已經戒煙，有80%有咬指甲習慣的人也在5天內戒掉。
除了能夠偵測用家偷吃零食外，如果用家有吸煙、咬手指和挖鼻孔等希望改善嘅習慣，相信也能夠一一改善。當然，電擊手帶也能設置鬧鐘和追蹤睡眠狀態。
所以如果各位有啲咩改極都改唔到嘅壞習慣時，就可以買一條去試吓用喇！
