洗頭水
洗頭水

日本樂天No.1洗頭水登港!BOTANIST無矽+天然 試用報告

時尚美容

廣告

最近天氣反覆,不單止面部皮膚,連頭皮、頭髮都難適應,髮根油、髮尾卻乾,Hello Pinkey把心一橫換洗頭水,今次睇中這款去年年尾登港的日本BOTANIST,不但是日本、美國、法國樂天網的No.1,更受名模力捧,試完效果滿意有驚喜,要同大家分享試用報告!

日本、美國、法國「樂天網」銷售No.1

此品牌洗頭水及護髮素是最近遊日必掃的Item,而且它是日本、 美國和法國「樂天網rakuten.com」的「美妝產品」及「洗髮產品」分類冠軍。另外,亦是日本亞馬遜(Amazon.co.jp)和日本雅虎拍賣 (auctions.yahoo.co.jp)的「洗髮產品」冠軍,真係幾sell得喎,唔止受日本人歡迎,連外國人都咁捧場!

黑白蓋大分類!

BOTANIST洗頭水主要分兩條line,以黑白色樽蓋來分類。

黑蓋:保濕系列(適合髮量多、粗硬髮質),洗頭水味道為杏桃+茉莉,護髮素味道為蘋果、莓果。

白蓋:滋潤系列(適合一般髮量、幼軟髮質),洗頭水味道為青蘋果+玫瑰,護髮素味道同上。

日本名模力撐

上網Search,會發現此洗頭水有很多正評,是不少日本美妝blogger、model們的心水推介,連名模山田優和日劇「交響情人夢」的演員紗榮子都讚,仲有人話好到媲美沙龍級洗頭水添!

無矽靈+90%天然植物萃取成份

咁多Blogger讚用完頭髮順滑,會唔會有化學物質「矽靈」成份,長期用破壞頭髮、頭皮,容易造成甩頭髮問題,好驚呀!BOTANIST就話唔會囉,賣點 是「無矽」,採用不含人工合成物質,仲有90%以上成份都是天然植物成份,如椰子、甘蔗、牛油果等,sell完護髮功效,再sell環保,咁是否真係無矽 靈都令到個頭滑一滑?大家可以留意返後面嘅試用報告~

Hello Pinkey試用報告

滋潤度:✭✭✭✭✭ 好順滑呀,連乾旱的髮尾都明顯滑了很多,每條有質感得來,不會令頭髮變重,依然輕盈具空氣感,Keep到好夜髮根依然乾爽!

香味:✭✭✭✭✭ 又蘋果、又莓果、又杏桃,實際咩味我就唔識分,但總之好多果味,最強是香味Keep到成日,你知啦,男仔最鍾意女仔頭髮有陣香味㗎嘛~

抵用度:✭✭✭✭✩ 原價$113.5/支,但阿信屋經常有會員特價,Hello Pinkey趁7折入貨,即是$79.5/支,聽聞日本LOFT都賣HK$96/支,咁以後唔駛去日本托返來了!

髮尾油都好用!

於阿信屋間妝品專門店KawaiiLand仲有髮尾油賣,一樣分黑、白兩色,好香蘋果味,質地比較稀,但滋潤力都幾好,搽完髮尾滑咗!

銷售點

洗髮乳及護髮乳:759阿信屋
髮尾油:759 Kawaiiland

延伸閱讀
Pantone藍+粉紅當道! 韓國VDL靚到爆必儲唇膏 試用報告
瘋搶斷市!! YSL史上最強Cushion粉底! 啞緻持久適合潮濕香港
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8

Android:https://play.google.com/store/apps/details?id=com.weekendhk.newsstand2&hl=zh_HK
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
 
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!

最新吃喝玩樂資訊