減肥
減肥

美國營養師提出「最強懶人減肥法」無須節食、10個方法助你輕鬆減肥 |減肥貼士

時尚美容

廣告

減肥,係每個人想做而又好難成功嘅事,有人會嫌辛苦,有人亦因為控制唔到食量而減肥失敗。有美國營養師提出「最強懶人減肥法」,或者睇完你會發現發現減肥唔係想像中咁難。

編輯:Evita |圖片:Instagram、新傳媒圖片庫 |撰文:Pi

美國營養師提出「最強懶人減肥法」

1 : 食7分飽就夠

有好嘢食喺面前,相信無咩人會抵抗到,但係要記得要適可而止,特別係食自助餐放題打邊爐,唔好抱住「任食食多啲」嘅心態。除咗會食滯之外,亦會吸收過多熬量,所以記得食7成飽就夠。

減肥

2:改變飲食順序

原來飲食嘅先後次序對減肥嚟講都好重要,建議大家食飯前應該先食蔬菜或者飲湯,咁樣可以增加飽感,亦可以減少熱量攝取。

減肥

3:蔬菜佔每餐比例一分之二

如果怕自己食太多肉類會致肥,你可以喺每一餐入面加返多啲蔬菜(約佔每餐1/2)就得喇!蔬菜蔬菜內有大量纖維質,低熱量又有助消化。

4:食物叫細份

返工唔係個個人都可以帶飯,多數都要出街食,但係有啲食肆食物總會大大份,萬一你係個食量少嘅人,就唯有逼自己食晒。其實只要喺落單時講聲「少飯」、「少麵」,就唔使食得咁辛苦,有啲食肆仲會推行叫「少飯」、「少麵」會減$1-2優惠添!

美國營養師提出「最強懶人減肥法」無須節食、10個方法助你輕鬆減肥 |減肥貼士

5:多飲水

有研究指好多少人肚餓時亦會覺得口渴,下次可以試吓加檸檬汁落水,可以大大減少餓感,而且可以吸收維他命C。

6:夜晚記得唔好食太多

減肥最忌係白天咩都唔食,餓到夜晚一次過食,而夜晚消化能力比日頭差,好易就會囤積脂肪。

7:放棄食澱粉類

澱粉類(例如白麵包、米飯、麵條等),都係高熱量食物,容易令人肥胖。假如必定要食澱粉質,可以選擇全穀類或根莖類 (如粟米、蓮藕、南瓜) 食物。

美國營養師提出「最強懶人減肥法」無須節食、10個方法助你輕鬆減肥 |減肥貼士

8:一定要食早餐

早餐係一日能量嘅主要來源,有人會因為朝早唔食嘢,一到中午飯就吸收過多熱量。如果想減肥,就記得一定要食早餐喇!

美國營養師提出「最強懶人減肥法」無須節食、10個方法助你輕鬆減肥 |減肥貼士

9:一星期最少做3個鐘運動

對上班族嚟講,做運動基本上係一件好難嘅事,但係就算幾忙幾懶都好,要有效減肥唔可以齋唔食高熱量食物而唔做運動。所以不論係行路定跑步,記得一星期都要做最少3個鐘運動啊!

10:飯後唔好食甜品

我哋經常習慣食飯後甜品,感覺好似一餐有所圓滿。但其實甜品裡面嘅糖份完全係令人癡肥嘅「兇手」。如果真係想食都唔好揀喺夜晚進食,因為夜晚會更易累積更多脂肪。

美國營養師提出「最強懶人減肥法」無須節食、10個方法助你輕鬆減肥 |減肥貼士

關鍵詞
減肥消脂