夏日最Hot活動│相約陳柏宇 行山 ＋音樂會 ＠Miss Sunny

終於都見番艷陽高掛嘅日子喇！夏日梗係要有太陽先生襯托至夠完美啦～

上星期六，我就參加咗陳柏宇（Jason）嘅戶外音樂會「Bioré UV x MOOV音樂大曬—陳柏宇」，除咗聽歌，最特別仲可以同偶像一齊跳出室外 行山 、親近太陽，咁特別嘅戶外活動，都係第一次！

當日太陽先生好唔客氣咁放閃，我Miss Sunny梗係做足準備，帶埋Bioré長效清爽防曬噴霧，先可以保持白滑皮膚！非常細心嘅Jason仲不時幫大家補塗防曬，sweet到呢～

邊行山邊Selfie　雞公嶺前玩航拍

上星期六超好天，走入元朗錦田，主題色就只有：藍、白、綠，被藍天白雲青山圍繞住自己，零舍精神爽利！

當日，Jason連同80位Fans和參加者，由元朗錦田水尾村天后廟出發，沿住村屋行大約半個鐘，再走上一個小山坡，眼前就係綠油油嘅雞公嶺，仲可以居高臨下欣賞錦田全景，畫面極美，我同一班參加者都忍唔住影相、Selfie打卡！

今次所揀路線以平路居多，加上有靚景睇，全程感覺幾輕鬆。大家沿途不斷同Jason Selfie、傾偈，相信係前所未有咁近距離同偶像接觸，大家都非常開心。到咗好有氣勢嘅雞公嶺，當然來個大合照兼航拍，先下山去名樂村開concert。

迷你音樂會即興Jam歌

Jason同Fans抵達名樂村後，戶外音樂會隨即開始。Jason隨着心情輕微修改咗歌單，玩即興Jam咗幾首歌，打響頭炮係《Medley：木馬小盒、別怕失去、行屍走肉》，然後有《讓子彈飛》、《航拍》，同埋大家熟悉嘅《沒有你，我甚麼都不是》。

雖然當日尾段落咗陣驟雨，但係音樂會氣氛全無影響。Jason有木結他伴奏，以acoustic演繹，仲有雨聲襯托住，反而仲好feel！

到咗問答遊戲時間，「防曬系數SPF 1等於可以防曬15分鐘，咁有SPF 50嘅Bioré長效清爽防曬噴霧可以防曬幾耐呢？」Jason諗咗好耐都未計到時間，講笑話：「嘩，防曬時間咁長，下年都唔使補噴啦！」全場人忍唔住大笑！其實，答案係12個鐘，足足有半日咁多！第二日會去遊船河嘅Jason，已經諗住帶埋支Bioré長效清爽防曬噴霧，曬足全日都唔使驚。

炎夏必備　清爽防曬噴霧

提起防曬用品，好多人都用防曬乳霜，不過夏天熱辣辣，用噴霧就夠晒爽！Bioré長效清爽防曬噴霧質感有點似lotion，最鍾意佢透明質地唔泛白，非常清爽。佢用咗獨有嘅日本Sara Sara Powder技術，防曬粒子可以好均勻咁分布肌膚表面，全面阻隔紫外線，加上防水防汗，效果持久。佢仲加入咗洋甘菊精華，可以為肌膚補充水分，就算長時間日曬，皮膚都唔會好乾。最鍾意佢噴落皮膚感覺涼浸浸，天氣又熱又焗，出咗汗都無負擔，全身包括面部同頭髮都用得，簡直係炎夏必備！