氣墊粉底
氣墊粉底

俘虜少女心!最新4大可愛卡通氣墊粉底

時尚美容

廣告

氣墊粉底喺化妝界大行其道,個個品牌都陸續推出BB cushion,唔少韓妝牌子搵卡通人物加盟,希望以靚靚包裝俘虜少女心,最新卡通妝品竟然有小王子!仲有LINE嘅熊大和CONY、愛麗絲夢遊仙境同姆明,每款設計都好精緻又可愛!不過,除咗LINE之外,其他妝品喺香港都冇得買,唯有叫去旅行嘅朋友仔幫手或者網上代購喇,宜家畀大家「望梅止渴」先!

1.帶你上星球!小王子氣墊粉底

MISSHA旗下的天然品牌SWISSPURE今次同小王子聯乘,推出BB cushion同護膚品,每款產品以用返小王子故事書嘅畫風,等大家化妝護膚都可以同小王子穿越星球!

小王子系列嘅BB cushion分為白皙和自然2款色,防曬度SPF50/PA+++,而包裝方面,唔單止氣墊粉底盒有小王子同玫瑰花,連粉撲都印上小王子個樣,設計非常仔細!

除咗氣墊粉餅外,最受曯目就係同一系列嘅卸妝洗顏皂!近期韓國洗顏皂大熱,而呢款更係無色素、無香料的有機皂,皂身係粉紅玫瑰花紋,代表小王子心愛嘅玫瑰,所以成為好多女生必搶item!

另外有洗面乳、卸妝油、洗面泡沫,仲有啱啱推出嘅防曬產品,畀大家準備迎接夏天來臨!

去片睇吓每款產品嘅介紹!


SWISSPUREx The Little Prince
官方網站:http://swisspure.beautynet.co.kr/noticeEvent/eventView.do?ntcEventNo=23210

2. 夢幻粉紅少女!愛麗絲氣墊粉底

Beyond上年已經同迪士尼合作,推出咗愛麗絲夢遊仙境彩妝系列,唔少fans即刻去掃貨,今次推出第二彈,整個系列都係粉紅色,粉紅控見到一定會失控,姐妹們又要破產喇!

Alice嘅BB cushion亦都分白皙(1號)和自然(2號)2款色,粉盒包裝除咗以粉紅色為主,成個Alice係花花圖案,配合宜家春天嘅來臨,而且仲有少少金色陪襯,睇落去好高貴。

見雙色漸變唇膏咁受歡迎、今個系列都推出咗6款顏色嘅雙色漸變唇膏,而Alice嘅其他彩妝同護膚品亦都好夢幻好吸引!

想睇哂成個系列產品就要去片喇!


BEYOND x Alice in the Wonderland
官方網站:http://beyond.lgbeautymall.com/event/specialView.jsp?plan_seq=408

3.大熱Pantone色系!姆明氣墊粉底

同樣上年都推出過彩妝嘅姆明,今年再次同CODE GLOKOLOR crossover出第二彈產品,包裝顏色非常吸引,以Pantone色系為主,配合姆明可愛搞笑樣,令唔少女生爭住買!

姆明系列當中,最受歡迎嘅氣墊粉餅同其他牌子唔同,一盒有兩色粉底,自然色粉底可以全臉用,較白粉底可以做highlight,一盒二用超方便!如果唔想要兩色粉底,都有單色粉底選擇,分偏紅(20.5號)同偏黃(22.5號)2款色。

至於其他Pantone產品有胭脂、指甲油同卸妝水。系列入面仲有雙頭氣墊唇彩,正正為韓國宜家興花瓣唇妝而設!

CODE GLOKOLORx moomin
官方網站:http://codeglokolor.lgbeautymall.com/event/specialView.jsp?plan_seq=422

4. 萌樣取勝!熊大CONY氣墊粉底

innisfree今次搵咗LINE FRIENDS合作,設計出天然呆嘅熊大同非常可愛嘅CONY嘅氣墊粉底,因為嚟緊4月係地球月,所以產品以Eco-Friendship做主題,希望大家響應環境。

不過今次推出地點並唔係韓國,而係台灣同香港!由4月1日至4月30日,買任何氣墊粉底或氣墊底霜產品1個,或補充裝2個,就可以得到呢款氣墊粉餅盒,但公仔冇得揀,到時就要睇吓你哋好唔好彩喇!

另外,買滿$588亦可得到一套innisfree X LINE Friends綠茶系列旅行套裝,包括有爽膚水、乳液、面霜、綠茶籽精萃菁露,仲會送埋熊大化妝袋畀你添!