旅遊博客
旅遊博客

旅遊博客 辛酸史 4大苦處自己知!@Miss Sunny

時尚美容

廣告

人人都羨慕旅遊博客 ,實情喺率先玩樂試飲試食嘅背後,都有好多不為人知嘅辛酸,旅記嘅生活真係「旅人嘅心事,有苦自己知」!等我細細聲話你知,我平日不為人知嘅博客生涯啦~

Text :Miss Sunny (Presented by:Estee Lauder)

1.旅遊博客 病又要食,飽又要食,總之食食食

大家梗係好羨慕旅遊達人可以成日去率先試米芝蓮、日韓台最新最hit美食。其實,除了日本大胃王小林尊可以連食100隻雞翼之外,邊有1個正常人類可以一次過食成檯食物至得呀!就算你好飽,店主一番好意,你都要俾心機去「食食食」,影完相嘅食物,點可以唔食晒佢,一於勁食!

2.日日咁捱,個樣勁殘仲要上鏡

日日早出晚歸,返到酒店仲要send相打稿,甚至剪好片出feed,酒店幾靚都冇得歎個浸浴,只可以對住電腦到天明!仲要行李要帶齊工作各種用具:電腦、相機、插頭、拍攝道具……冇位帶大量護膚品,好彩識帶10分鐘急救eye mask,即時拯救乾紋、黑眼圈同眼袋,敷住佢打稿剪片,聽日又1對靚眼上鏡見大家,真係1片搞掂晒!

 

想知多啲眼膜有幾好用,即click:http://bit.ly/2nFfVb2

3.率先玩?其實我好驚喎!

有得去全球首個主題樂園,yeah~我真係恭喜我自己呀~查實博客Miss Sunny我有畏高喎,最驚玩勁離心力機動遊戲,玩全球最刺激過山車?OMG!就算你好驚,都極有可能要親身上陣,唔係點可以將最真實最驚險嘅玩樂體驗向各讀者忠實報道!

4.酒店房靚到冇得

得3、4日行程,每日有10個景點要去採訪,仲要拍片、影相、攞資料,真係飲啖水都冇時間呀!仲有讀者們最愛嘅北極光、日光,查實要早1、2小時出發去「等、等、等」,「黑仔」等唔到?真係深表遺憾,聽朝請早,繼續再等!夜晚又要去各大景點嘅酒吧、蒲點,幫大家搵最好玩嘅夜生活必玩熱點,間酒店房勁靚都係等同工作間,歎世界?乜嚟呀?

*以單一再生基因瞬亮修護眼膜與升級再生基因修護眼霜1次用量作比較。

 

 

 

 

 

最新吃喝玩樂資訊