「 布丁染髮 」韓國大熱!!! 理想與現實試用報告
「 布丁染髮 」韓國大熱!!! 理想與現實試用報告

「 布丁染髮 」韓國大熱!!! 理想與現實試用報告

繼早幾年好流行的泡泡染髮後,韓國又有新品,流行用 布丁染髮 。睇廣告以及水貨店的宣傳照片,似乎效果十分好,就算是粉紅色、綠色、藍色這些顏色都染得到,所以今派出記者Mandy,試一試到底 布丁染髮 係咪真係咁好用,想知有冇中伏?即睇試用報告!

布丁染髮 即係咩?

所謂布丁染髮,指的布丁並非食物,而是把兩支液體染髮劑搖勻,產生化學作用後,染髮劑便會變成布丁質地,便可用手輕易上色。不過老實講,布丁質地其實與髮型屋使用的普通染髮膏有點相似,所以似乎只是噱頭而已。

布丁染髮_Ash Pink_韓國

布丁染髮系列都有幾多顏色,今次選擇的是啞色系列的4.61 Ash Pink顏色,官方的效果圖十分吸引,不過以Mandy的染髮經驗,啞色通常都要漂髮方可上色,所以今次決定試吓在唔漂頭髮的情況下,到底出唔出到咁靚嘅顏色。

布丁染髮_Ash Pink_韓國

布丁染髮 真實試用報告

首先要讚返,布丁染髮的製造商十分貼心,包裝內除了染髮劑以及護髮素外,亦附有手套,仲有膠圍裙以及膠耳套,以免染髮劑弄髒衣物及耳朵,超貼心,抵讚!

布丁染髮_Ash Pink_韓國

兩支染髮劑倒進膠杯內,搖勻後就會變成布丁質地。

同泡泡染髮一樣,都係可以徒手染,不過略嫌有少少論盡,因為染髮膏好容易飛濺到周圍都係,要小心使用。

布丁染髮_Ash Pink_韓國

老實講,染完分別不大,勉強睇到由原本偏金色的淺啡,變成偏紅的淺啡,想像中的灰、紅、粉紅通通都無出現,實在有點失望。

布丁染髮_Ash Pink_韓國
唔講唔覺,其實左圖是Before,右圖是After,分別不大

至於髮根位置,兩截色的情況十分嚴重,幾十蚊貨仔本來亦不期望黑頭髮可以立即變淺色,但現在亦略嫌太黑,布丁染髮染出一個布丁頭。

布丁染髮_Ash Pink_韓國

不過公道d,即使到髮型屋染灰紅色,亦試過要染兩次才上色,而且在太陽底下才會比較顯色。不過效果與官方圖片相差太遠,所以才會失望。總括而言,如果想染特別的顏色,還是找相熟髮型師比較好,這類DIY染髮產品,試用完、過吓癮就可以了。

延伸閱讀
韓妹新捧3大化妝品牌 PONY EFFECT 出限量4色眼影
唔食必後悔! 5個韓國GS25便利店必掃草莓美食

最新吃喝玩樂資訊