ViuTV第一男神Jeffery BB魏浚笙  拍《膠戰》靠天然萌上位
ViuTV第一男神Jeffery BB魏浚笙  拍《膠戰》靠天然萌上位

ViuTV第一男神Jeffery BB魏浚笙 拍《膠戰》靠天然萌上位

ViuTV遊戲節目《膠戰》自上個月中播出即受到觀眾關注,六位主持中,靚仔小鮮肉Jeffery魏浚笙最搶fo,標緻混血樣已經夠煞食,chok又得萌又得,玩遊戲時傻勁十足,令所有雌性動物神魂顛倒,甚至被指是姜濤勁敵。早前Jeffery更成為《2020 ViuTV 金Bear圍威喂派奬典禮》「最想據為己有藝人」,被封BB與男神實至名歸。

撰文:東方新地 圖片:魏浚笙IG圖片、ViuTV影片截圖

22歲的Jeffery BB魏浚笙擁有超高顏值,外表攞滿分。
22歲的Jeffery BB魏浚笙擁有超高顏值,外表攞滿分。
在1月1日元旦日,ViuTV搞自家頒獎禮,Jeffery成為ViuTV最想據為己有藝人。
在1月1日元旦日,ViuTV搞自家頒獎禮,Jeffery成為ViuTV最想據為己有藝人。
當日由ViuTV一姐陳俞希頒獎畀Jeffery,姐姐見到小鮮肉搭晒糖,順便抽水。
當日由ViuTV一姐陳俞希頒獎畀Jeffery,姐姐見到小鮮肉搭晒糖,順便抽水。

Jeffery BB顏值攞滿分

去年Jeffery魏浚笙在ViuTV真人騷節目《調教你男友》出現時,已令人眼前一亮,唔止顏值爆晒燈,22歲的他對大四年的女友Evelyn更是癡心一片,姊弟戀拍拖六年仍像熱戀,Jeffery被封「Jeffery BB」,吸納大批女粉絲。

Jeffrey去年參加ViuTV真人騷《調教你男友》,憑靚仔外形,加上對女友Evelyn深情舉動廣受網民注目,節目播出後人氣爆升。
Jeffrey去年參加ViuTV真人騷《調教你男友》,憑靚仔外形,加上對女友Evelyn深情舉動廣受網民注目,節目播出後人氣爆升。
《調教你男友》大受網民歡迎,ViuTV馬上找Jeffrey「添食」,由他與MIRROR成員呂爵安Edan、岑珈其、「肥腸」徐浩昌、商台DJ阿正和模特兒劉沛蘅Hillary一起主持新節目《膠戰》,形式有點似韓國人氣綜藝《Running Man》。
《調教你男友》大受網民歡迎,ViuTV馬上找Jeffrey「添食」,由他與MIRROR成員呂爵安Edan、岑珈其、「肥腸」徐浩昌、商台DJ阿正和模特兒劉沛蘅Hillary一起主持新節目《膠戰》,形式有點似韓國人氣綜藝《Running Man》。
23歲Mirror成員Edan和22歲Jeffrey主持《膠戰》成為好兄弟,不停聲稱他們是孖生兄弟,好搞笑!Edan話有睇《調教你男友》,初次見Jeffrey已覺得對方靚仔到不得了。
23歲Mirror成員Edan和22歲Jeffrey主持《膠戰》成為好兄弟,不停聲稱他們是孖生兄弟,好搞笑!Edan話有睇《調教你男友》,初次見Jeffrey已覺得對方靚仔到不得了。

主持ViuTV遊戲節目

模特兒出身的Jeffery,憑姊弟戀和小鮮肉形象彈起,在觀眾心中留下深刻印象而人氣急升,最初被網民封為「翻版陳冠希」的Jeffrey上位在望,早前與呂爵安([email protected])、岑珈其、徐浩昌(肥腸)、黃正宜(阿正)和劉沛蘅一起主持ViuTV遊戲節目《膠戰》,每集都有不同主題及遊戲,笑料百出,成功吸引觀眾繼續坐定定睇電視。每次有Jeffery玩遊戲的場面,他都一臉天然萌,再加上經常甩碌,令觀眾覺得他非常可愛。

男神Jeffery唔止受女觀眾及網民歡迎,女主持阿正都對他心心眼。
男神Jeffery唔止受女觀眾及網民歡迎,女主持阿正都對他心心眼。
睇得又玩得的Jeffery,在《膠戰》中成日甩碌笑料百出。
睇得又玩得的Jeffery,在《膠戰》中成日甩碌笑料百出。
Jeffery的天然呆萌,觀眾覺得好吸睛。
Jeffery的天然呆萌,觀眾覺得好吸睛。
唔使問阿貴,留言畀心Jeffery的九成九係女粉絲。
唔使問阿貴,留言畀心Jeffery的九成九係女粉絲。
有女粉絲表示喜歡Jeffery已達迷戀程度。
有女粉絲表示喜歡Jeffery已達迷戀程度。
看來Jeffery非常之有觀眾緣。
看來Jeffery非常之有觀眾緣。

 

本地超新星

雖然Jeffrey在ViuTV出鏡率高,但他仍未全職入行,目前仍是在香港公開大學讀書的全職學生,但Jeffery的知名度媲美不少已出道藝人,其個人IG粉絲數目至今已有7.5萬人,而且深受廣告客戶及國際時裝品牌歡迎,邀請他為產品宣傳,有指Jeffery會是繼18年出道的姜濤後,成為最矚目的本地「超新星」。

Jeffery的IG內有不少靚仔相,張張都電死人。
Jeffery的IG內有不少靚仔相,張張都電死人。
零死角的俊俏五官,令Jeffery成為廣告界新寵。
零死角的俊俏五官,令Jeffery成為廣告界新寵。

 

中學時期的Jeffery(左一)肯定是學校校草。
中學時期的Jeffery(左一)肯定是學校校草。
一出道就受到萬千姐姐同姨姨歡迎,早前Jeffery更搞粉絲活動,與一大班女粉絲見面。
一出道就受到萬千姐姐同姨姨歡迎,早前Jeffery更搞粉絲活動,與一大班女粉絲見面。

女友暫代經理人一職

Jeffery有樣有外形又有觀眾緣,有指ViuTV志在必得有意羅致旗下,不過Jeffrey決意大學畢業後才考慮,現在則由拍拖六年的女友Evelyn暫代經理人一職,為他接工作、化妝和搞形象。小鮮肉就最受姐姐同姨姨歡迎,Jeffery前途無可限量,得Jeffery得天下,等佢一畢業應該爭崩頭。

與拍拖六年的Evelyn打風都打唔甩,Jeffery話唔介意女友大他四年,因為他就是喜歡姐姐。
與拍拖六年的Evelyn打風都打唔甩,Jeffery話唔介意女友大他四年,因為他就是喜歡姐姐。
Jeffery唔止要女友Evelyn暫做經理人,仲成日孖住幫客戶做宣傳。
Jeffery唔止要女友Evelyn暫做經理人,仲成日孖住幫客戶做宣傳。
Jeffery擁有男神外表,但現實中卻是專一暖男,過去經常被誤會是Playboy。
Jeffery擁有男神外表,但現實中卻是專一暖男,過去經常被誤會是Playboy。

 

最新吃喝玩樂資訊