Tyson Yoshi
Tyson Yoshi

Tyson Yoshi演唱會|馬上回顧6大精彩畫面 狂迷掟Bra上台未算最癲!

影視娛樂

廣告

Tyson Yoshi一連四場於九展舉行的《MY NEW WORLD ORDER》演唱會昨晚(8月8日)圓滿結束,原為固定嘉賓的Gareth.T(湯令山)因染疫而缺席尾場,嘉賓換成林家謙為樂迷送上驚喜。Tyson Yoshi演唱會充滿亮點,每晚都有瘋狂女fans掟Bra上台,又與女友Christy放閃,馬上回顧6大精彩畫面!

回顧Tyson Yoshi演唱會6大精彩畫面!

1.狂收內衣褲

Tyson Yoshi演唱會一共四場,每場都有fans掟自己的內衣上台,由頭場一個Bra去到尾場變成四Bra一底褲,就連嘉賓Gareth.T都留言:「U should start a collection」(你應該儲起佢做收藏)。而第一晚Tyson Yoshi亦被狂迷嚇親,拎住個Bra喺台上呆咗,仲笠水對女友Christy講:「唔關我事㗎!」

Tyson Yoshi演唱會 Tyson Yoshi頭收開始收Bra,之後越收越多。
Tyson Yoshi頭收開始收Bra,之後越收越多。(圖片來源:[email protected]
Tyson Yoshi演唱會 Tyson Yoshi應該開個收藏。
Tyson Yoshi應該開個收藏。(圖片來源:[email protected]
Tyson Yoshi演唱會 Tyson Yoshi可以開個collection。
Tyson Yoshi可以開個collection。(圖片來源:[email protected]

2.一半時間冇著衫騷肌

Tyson Yoshi身形一向大隻,開騷前更特意操肌,演唱會上亦會播出特訓過程。操得咁辛苦都係為咗尖叫聲,所以Tyson Yoshi演唱會有一半時間都除衫騷肌,台下尖叫聲不絕。

Tyson Yoshi演唱會 Tyson Yoshi開騷有一半時間冇著初騷肌。
Tyson Yoshi開騷有一半時間冇著初騷肌。(圖片來源:[email protected]
Tyson Yoshi演唱會 Fans可以近距離睇福利。
Fans可以近距離睇福利。(圖片來源:[email protected]

3.爆粗鬧林家謙

Tyson Yoshi同林家謙老友鬼鬼,經常鏡頭前互窒,更有fans話佢哋係CP。林家謙擔任尾場嘉賓,與Tyson Yoshi合唱《在空中的這一秒》、《熱到除衫》。到傾偈互動環節,原本度好咗林家謙講咩Tyson都只回應「好熱呢」,點知林家謙爆肚寸佢搵自己朋友掟Bra上台,Tyson Yoshi忍唔住爆粗:「X你老……佢真係好X街!」林家謙之後都有呵返佢:「我係你個Bra,Love You Bro。」玩食字gag派笑彈。

Tyson Yoshi演唱會 Tyson Yoshi同林家謙老友鬼鬼,爆粗問候一兩句冇所謂啦。
Tyson Yoshi同林家謙老友鬼鬼,爆粗問候一兩句冇所謂啦。(圖片來源:[email protected]

4.張敬軒緊張演出台下捧場

Tyson Yoshi講過每場都要多謝佢,他說:「呢個人真係黐線,唔單止嚟睇我正式綵排,仲教我點唱先唔會傷到把聲,我覺得張敬軒真係唔使咁對我,我唔知要點解釋,佢好照顧我、好睇住我,呢個大佬冇跟錯!」到尾場更加話知到軒仔坐邊但唔敢望過去,好似師父嚟監場咁。Tyson Yoshi提到軒仔非常細心,見到自己Ear mon出現問題時,衝入後台問佢ear mon有冇事,當時仲要係換緊褲,真係好貼心。

Tyson Yoshi演唱會 Tyson Yoshi多謝軒仔關懷備切。
Tyson Yoshi多謝軒仔關懷備切。(圖片來源:[email protected]

5.孖女友Christy放閃

Tyson Yoshi與女友Christy一向不避違公開戀情,到開騷時一樣唔另外。頭場有瘋狂fans掟bra上台,Tyson Yoshi即刻話:「Christy唔關我事㗎!」去到尾場大隻仔突然感性,分享一次探訪患癌歌迷的經歷時感觸落淚,台下的女友Christy上前摸頭送關懷,場面溫馨。

Tyson Yoshi演唱會 去到尾場Tyson Yoshi突然感性,分享一次探訪患癌歌迷的經歷時感觸落淚,台下的女友Christy上前摸頭送關懷,場面溫馨。
去到尾場Tyson Yoshi突然感性,分享一次探訪患癌歌迷的經歷時感觸落淚,台下的女友Christy上前摸頭送關懷,場面溫馨。(圖片來源:[email protected]

6.飛天機關取消

Tyson Yoshi演唱會原訂有飛天舞台機關,但因早前MIRROR演唱會事故場館收緊限制而取消。Tyson Yoshi直言失望,而且在幕後花絮影片中講過要蝕錢,他收到消息的第一反應更激動說:「一單炒車全港唔俾揸車!」事後他又表示,如果今次演唱會延期的話,要處理退飛、舞台建設等事情會破產。

Tyson Yoshi演唱會 Tyson Yoshi演唱會本身有飛天舞台機關,但因場館收緊限制而取消。
Tyson Yoshi演唱會本身有飛天舞台機關,但因場館收緊限制而取消。(圖片來源:[email protected]
Tyson Yoshi演唱會 Tyson Yoshi昨晚8月5日)於九展舉行《MY NEW WORLD ORDER》演唱會頭場。
Tyson Yoshi一連四場《MY NEW WORLD ORDER》演唱會圓滿結束。(圖片來源:[email protected]

常見問題

Tyson Yoshi為何鬧林家謙?

林家謙擔任尾場嘉賓,原本計劃好林家謙講什麼Tyson都回應「好熱呢」,點知林家謙突然講出一句⋯⋯詳情請看

當Tyson Yoshi收到內衣褲時有什麼反應?

一身肌肉的Tyson Yoshi一開場已經除衫騷肌,台下fans尖叫聲四起。期間更有瘋狂女fans掟Bra上台,大隻仔Tyson一時反應……詳情請看

撰文:東方新地圖片來源:[email protected][email protected][email protected]

最新吃喝玩樂資訊