曾志偉 獎門人
曾志偉 獎門人

曾志偉復辦「獎門人」搶收視 事隔8年重做 仲預告邀請劉德華張學友

影視娛樂

廣告

TVB為賀今年55周年台慶,今日(5月26日)特別舉行《周年慶典節目巡禮2022》,招待近600客戶到將軍澳電視地參與活動,TVB晒馬近百名藝人。電視廣播有限公司總經理曾志偉、總經理蕭世和,以及「元老級」藝人鄭裕玲等人坐鎮。

69歲曾志偉玩唔厭翻生《獎門人》 再請劉華學友?

TVB為賀55周年台慶舉行《周年慶典節目巡禮2022》,晒馬率近百名藝人出席,包括:陳豪、馬國明、陳展鵬、郭晉安、陳山聰、袁偉豪、唐詩詠、馮盈盈、陳瀅、劉佩玥、蔡思貝、龔嘉欣、林夏薇、黃翠如,以及《聲夢傳奇 2》學員等,還有總經理曾志偉與DoDo姐兩位重量級人馬坐鎮。

曾志偉
(圖片來源:娛樂新聞台截圖)

《獎門人系列》遊戲節目25周年,69歲曾志偉宣布翻生節目,命名為《獎門人開心萬歲》,一共63集將於7月初錄第一集。獎門人更表示,當然希望再請好友劉德華、張學友等人再上節目,話改玩一相對輕巧的遊戲喎!另一經典節目《殘酷一叮》亦都會翻生叫《全城一叮》,TVB藝人圍內互相競技。 另外還有《2022香港小姐競選》、《思家大戰》及《好聲好戲》等

劇集方面,下半年包括6套重頭劇集《痞子殿下》、《超能使者》、《法言人》、《新四十二章》、《法證先鋒V》、《白色強人II》及慶祝香港回歸25周年單元劇《我的驕傲》、 《究竟天有幾高》、《神奇的燈泡》、《曙光》、《母親的乒乓球》,及由郭晉安、陳煒、周嘉洛、吳偉豪等主演的劇集《回歸》。

曾志偉 經典遊戲節目《獎門人》原來已經25年,曾志偉決定今年再翻生節目。
經典遊戲節目《獎門人》原來已經25年,曾志偉決定今年再翻生節目。(圖片來源:新傳媒資料庫)

再提ViuTV買獎門人商標 曾志偉:佢哋無條件放棄咗

ViuTV去年底被發現註冊「獎門人」商標,如今曾志偉決定重啟節目,唔通商標問題解決咗?今日曾志偉接受訪問時被問到「獎門人」商標一事時,他回應時表示可能對方打算請自己去主持節目,不過ViuTV已經無條件放棄,TVB亦將獎門人商標買回來。不過曾志偉與ViuTV合作亦不是什麼新鮮事!2018年,有傳曾志偉當年被余詠珊攬樣搞到意興闌珊,7月世盃仲亮相ViuTV講波添,當時都真係傳過ViuTV有意邀請獎門人過檔添!

曾志偉 去年有網民發現ViuTV註冊了「獎門人」商標。
去年有網民發現ViuTV註冊了「獎門人」商標。(圖片來源:連登網民截圖)
曾志偉 曾志偉表示ViuTV已無條件放棄獎門人商標,TVB現已將商標買回。
曾志偉表示ViuTV已無條件放棄獎門人商標,TVB現已將商標買回。(圖片來源:新傳媒資料庫)
曾志偉亮相ViuTV節目,呢個畫面絕無僅有呀!
曾志偉亮相ViuTV節目,呢個畫面絕無僅有呀!(圖片來源:ViuTV截圖)

唐詩詠IG呻攰上台仆親

唐詩詠身穿長裙踩住4吋高踭鞋,在台上不小心仆親,原來有跡可尋,她在IG story post相,見她攰到踎喺地下扁晒嘴,寫道:「當企到好攰時,冇儀態可言。」

曾志偉
(圖片來源:唐詩詠IG截圖)

馬明等錢使恨情侶檔拍廣告 洪永城帶囡囡吸金

今次台慶招待600客戶到場,藝人趁機會吸金,馬明不介意情侶拍廣告,他直言:「想呀,等錢使呀!(有幾等呀?)好等錢使呀!拍咩都得啦!」他笑指陳豪已率先接了廣告,阿Mo就話:「依家興組合,《白色強人》搞個『白色天使』,唔好理佢係咩,有廣告算係咁。」洪永城就將囡囡轉做電話wallpaper,出力搲銀。

曾志偉 馬國明表示等錢使,唔介同湯洛情侶檔拍廣告。
馬國明表示等錢使,唔介同湯洛情侶檔拍廣告。(圖片來源:《東張西望》截圖)
曾志偉 洪永城將電話wallpaper轉做囡囡相吸引廣告客戶。
洪永城將電話wallpaper轉做囡囡相吸引廣告客戶。(圖片來源:《東張西望》截圖)

曾志偉復辦「獎門人」因為ViuTV搶商標?

ViuTV去年底被發現註冊「獎門人」商標,如今曾志偉決定重啟節目被問及商標一事,他透露⋯⋯詳情請看

曾志偉預告將邀請天王做嘉賓?

獎門人曾志偉表示希望再請好友劉德華、張學友等人再上節目,更話遊戲上會有新改變⋯⋯詳情請看

撰文:東方新地圖片來源:《東張西望》截圖、唐詩詠IG截圖、娛樂新聞台截圖資料或影片來源:原文刊於東方新地