我的寵物
我的寵物

TVB《我的寵物》鼎爺煮魚骨畀狗食被鬧爆 通訊局至今收164宗投訴

影視娛樂

廣告

TVB最新綜藝節目《我的寵物》 ,由姚子羚陳庭欣、崔建邦、鄧卓殷李家鼎做主持,逢星期一至五晚10點半至11點播出。節目主要請嚟狗隻訓練員去教導藝人或素人訓練寵物,而其中一個環節「鼎級犬食」則由鼎爺李家鼎烹調狗狗糧食,不過早前一集鼎爺教整雞肉同魚肉就惹嚟極大爭議,通訊局更收到過百宗有關節目投訴。

撰文:Evita | 圖片:TVB截圖

TVB《我的寵物》鼎爺被鬧爆

喺「鼎級犬食」環節中,鼎爺會教觀眾煮狗狗食物,喺第三集(17/7)入面,鼎爺就教大家整鮮魚兩食配紅白飯,表示「狗同人同貓一樣,食乜嘢都得」。

當鼎爺開始處理池魚時,話只需要從尾部除去一條小骨,而另一位主持陳庭欣就問鼎爺需唔需要處理埋魚內其他骨,鼎爺就話:「唔使,一陣煮完就會自己甩。」

後來鼎爺煎魚時,又話以免癡鍋所以要落少少油。

喺片段中明顯見到製成品充滿骨絲,而鼎爺又再次表示「唔使驚啲狗啃親」、「自己養咗幾隻狗,有骨嘅話會吐返喺狗兜」。

節目播出後,引起觀眾批評,直斥鼎爺同節目有誤導成份,亦有人話骨頭容易令狗隻窒息。通訊局收到164宗有關此節目嘅投訴,無綫企業傳訊部表示已接獲超過20幾位觀眾意見,為免引起觀眾誤解,會喺節目中標明環節只係個人經驗分享,亦會加入注意字句。

香港愛護動物協會獸醫回應

香港愛護動物協會獸醫服務副總監及首席獸醫桂珍 (Jane Gray)接受傳媒訪問,表示雞骨同魚骨係永遠都唔可以畀狗隻進食。至於鹽份同油份,食得多會令動物唔健康,但係動物同人類一樣都需要攝取脂肪,不過唔可以過量。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
TVB李家鼎