15位大台富貴兵團 個個有樣更有米！
撰文：東方新地｜圖片：新傳媒圖片、劇照、余德丞IG》｜編輯：CC
上位男神余德丞「高富帥」
無綫劇《福爾摩師奶》除了有陳松伶、黃智賢、陳煒等幾位資深演員，還有不少年輕演員，如余德丞、江嘉敏及陳瀅等。其中余德丞飾演生活清貧、但性格樂天的車伕「游池」；陳瀅飾演的「魏素嘉」是個充滿藝術氣質同修養的藝術家，但由於遇人不淑被壞人操控，過著暗黑的人生，從而變得冷酷無情，直至認識到演僕人「丁曉堯」江嘉敏後，才打開心扉成為好姐妹。不過江嘉敏暗戀車伕余德丞，但余德丞卻情傾陳瀅，三人到底情歸何處？
29歲上位男神
余德丞是前香港游泳代表隊成員，練得一身fit爆身材，結實的胸肌和肌肉一覽無遺，除了身材了得之外，年僅29歲的他已經有多年的主持經驗，如「里約奧運會」外景主持、《Think Big 天地》、《我的神奇音樂之旅》等等，現在加入演員的行列，之前拍過《誇世代》帥氣外表和不俗的演技相信前途無可限量喔！
集可愛、陽光、帥氣於一身的余德丞，單是一個傻氣的笑容已經融化一眾少女的芳心了！
有沒有人跟小編一樣覺得Dickson的側顏跟陳曉東有點相似呢？
余德丞主持過多個體育節目、兒童節目和音樂節目，如「里約奧運會」外景主持、《Think Big 天地》、《我的神奇音樂之旅》等等，同時都是因此而漸漸為人所熟悉！
家底勁 係郭富城鄰居
除了一身的才華之外，Dickson身家背景也來頭不少，含著金鎖匙出身的他與家人住在跑馬地嘉園的二千萬豪宅，即係天王郭富城的鄰居！而且還與家人聯名擁有多個總市值逾半億的豪宅單位，簡直是有潛力的「鑽石王老五」！
同蔡思貝傳緋聞
余德丞之前同蔡思貝主持旅遊節目《緬甸奇幻旅程》，當時已傳二人撻著，Dickson上年踢波突然昏迷送院，思貝更係第一時間飛奔醫院探望對方嘅人，之後一直都以緋聞情侶姿態示人。直到今年情人節，二人再次在社交網上放閃，似係想公開戀情！
車廂玩腳挑逗
這日蔡思貝自己冇揸車，由余德丞做司機載她離開無綫，上車後即自動除鞋，把雙腳放上車頭撐住擋風玻璃位置，清楚看到她穿著藍色襪子。
陳瀅
《福爾摩師奶》與余德丞有不少對手戲的宅男女神陳瀅，屋企同樣家底豐厚，有指陳瀅媽媽的第二任丈夫在內地從事房地產生意，有商場大王之稱，在廣州有一棟6層樓高的商場。變成富家女的陳瀅不但留學加拿大，在港都住豪宅及揸名車。
趙希洛落選港姐 08年讀藝訓班
趙希洛(Candice) 在2007年以原名「趙嘉迪」參選香港小姐，雖然五強止步，但佢喺落選後加入無綫藝員訓練班，翌年，她於藝訓班畢業，八年來在無綫多飾演閒角，又因為經常被派演癲婆、殺人犯等角色，所以被網友封為無綫「御用癲婆」。
富家女趙希洛 爸爸經營石油生意
趙希洛家底雄厚、學歷又高，爸爸喺澳洲經營石油生意，其母係前資深藝員梁小玲，Candice於英國大學讀法商科，讀到碩士一年級，但當年為返港選港姐而放棄學業。趙希洛的父母一直唔多支持她加入娛樂圈，但喺無綫人工奀唔夠生活，父母愛女心切，將香港物業及私家車供她住及用。由於父母擅於投資地產物業，雖然舉家移居澳洲，但卻在香港買樓和買舖收租，至今物業市值全部翻兩番，加上供愛女趙希洛自住的半山梅道豪宅，三個物業市值合共約一億五千萬元。
趙希洛雖然有米，但她在大台默默由低做起，拍劇也很努力投入角色，一啲都唔錫身，她在2014年《八卦神探》中表現突岀，成功獲得觀眾注目；之後在《 乘勝狙擊 》則飾演千面女郎蘇麗芬，壇長做「文雀」，造型千變萬化，更不時大晒身材益觀眾！
趙希洛英文底子好
岀身自富裕家庭的趙希洛自幼便於英國讀書，加上經常接觸英語音樂劇，英文底子好就不在話下。近年多番飾演精神病人，更被封為TVB「御用癲婆」。除了拍戲，她同樣能擔起節目主持，佢有份主持J2飲食節目《搵食飯團》。
被網友封為無綫「御用癲婆」的Candice，希望自己的演出可以更加多元化，最想演的仲係弱勢社群嘅角色，她說：「想演一些缺乏社會關懷的人，包括一些身體有缺陷、精神有問題、自閉症病人，因為我覺得社會不了解這些人，想透過角色令大家關懷他們，不要帶着歧視眼光。」
黃翠如拒靠富爸爸置業
黃翠如小時候家住馬鞍山恆安邨，爸爸黃永華於九龍灣經營魚檔，98年跟伯父、即聯旺集團（8217）主席黃智果做建築和裝修，並出任行政總裁，生活先開始富起來。雖然黃翠如父母喜歡買賣物業，現持有多個住宅及商廈單位，但翠如現時並冇物業，亦唔打算靠屋企畀首期置業，而蕭正楠名下只有現居的華景山莊單位。
黃翠如有個聯旺集團富爸爸，被封百億千金，但佢從來唔會洗腳唔抹腳，用的一分一毫都係自己辛苦工作賺回來，堅決不靠父蔭。翠如近年都係住村屋，架cooper揸咗幾年都唔換，衣食就更加慳，經常着贊助嘅免費衫！
黃翠如爸爸黃永華嘅建築公司聯旺(8217)兩年前於聯交所配股上市，翠如一家人慶祝爸爸事業成功！而翠如於fb寫下爸爸勵志故事：「老爸由賣魚小販做到地盤工人，由手板被冰壞到腳板被地盤釘刺穿，苦了很多很多年，前幾年老爸說要退休，我第一個舉腳贊成，然而，他卻沒有停下來，今天是爸爸的大日子，不再是你為我們驕傲，而是我們為您驕傲，老豆，好叻仔。」
陳凱琳
2013年港姐陳凱琳以大熱姿態當選成三料冠軍，被譽為近十年最靚港姐，家住九龍塘玉蘭路五千呎過億元獨立屋，有指陳爸爸是舖王，坐擁十多項物業，包括九龍塘大宅、數個九龍住宅單位及位於青山道、上海街、佐敦、金巴利道等地舖，每個月齋坐收租已過百萬十分和味，陳父不但早年炒舖賺近半億，現時仍手持三間市值近5千萬商舖收租。曾自稱中產的Grace笑言父親是做小生意。
去年，陳凱琳同鄭嘉穎拉埋天窗，早前更宣布已經為老公添丁，公開咗B仔個樣！
朱千雪
2012年港姐季軍朱千雪，有樣有才有家底，有指她於19歲時已獲從事五金生意的父親送贈兩個市值逾千萬、分別位於小西灣藍灣半島和愉景灣的物業。
美貌與智慧並重的千雪BB人紅唔囂又夠貼地，發展演藝事業之餘亦是好學不倦！千雪早年畢業於西門菲莎大學商業和傳理系，後來於香港中文大學攻讀企業傳播社會科學系碩士都仲未夠，佢選擇停工一年，再修讀香港城市大學法律博士學位！
早前有傳即將畢業的千雪，已獲金鐘一間Top 5著名律師行招攬預留職位，而佢本人都有意淡出幕前轉職法律界，正式轉做「Law界女神」！相信觀眾們都大感不捨！
莊思敏 莊思華 莊思明
莊思敏、莊思明及莊思華三姊妹嘅爸爸是中國光大控股前主席莊寶，家族身家估計逾8億，而莊思敏都透露自己是馬來西亞拿督女，顯赫家世！
郭子豪 有樣更有米
去年大熱嘅《跳躍生命線》中，套劇除了主演嘅馬德鐘外，其餘都是年輕小生，包括自演出《超時空男臣》後人氣急升的何廣沛，仲有張彥博、羅天宇同郭子豪。其中郭子豪喺劇中飾演陸昊然一角，出身於醫生世家，其父在離世前要他當一年救護員，才可領取遺產！
起初獨來獨往，與眾學員關係疏離，後來與眾人關係好轉並成為朋友，仲同卓家傑（何廣沛）、呂劍雄（張彥博）成為好友！
《親親我好媽》籃球王子
如果有睇開無綫劇，或者就會留意到郭子豪亦有份參與前年熱播的《親親我好媽》。佢飾演的連國佳，都吸引到唔少女粉絲！劇中佢有「籃球王子」之稱，係何廣沛的死對頭，仲向年紀比自己大好多的訓導主任陳敏之示，同樣地角色性格都好突出！
郭子豪完美男神Package
而在劇集《三個女人一個「因」》中，飾演唐米尼（Dominic）的郭子豪經常喺劇集入面騷肌，令各位女觀眾們睇到嘩嘩聲，話說郭子豪除咗靚仔大隻、畢業於世界知名學府外，原來仲係來自富貴家庭！
郭子豪愈睇愈有「肌」？！
初時出場的郭子豪明顯衣著比較密實，但之後愈睇愈有「肌」，去到第二次再次出場就已經半裸登場。嘩，結實的胸肌、粗壯的手臂，六舊腹肌兼遮啲唔遮啲的人魚線，睇到人眼定定，差啲連心臟都停埋！
郭子豪在劇中攞正牌騷肌，作為劇迷嘅觀眾朋友們真係大飽眼福，完全係眼球嘅一大享受。
名牌大學高材生
郭子豪14年加入娛樂圈，讀完藝人訓練班後，簽約成為無綫「親生仔」。原來佢亦係圈中高學歷一族，中小學就讀於名校喇沙，成績一直名列前茅，據知未放榜已經有數間英國學校向佢招手。之後郭子豪畢業於世界知名學府倫敦帝國學院 (Imperial College London)，佢修讀的機械工程學科更是排全球第3，名副其實係高材生！
A&F 首位亞洲代言人
郭子豪21歲回港在保時捷做實習生時，憑俊朗外表及健碩身型打低二百幾位對手，被美國時裝品牌A&F選為香港代表，為該品牌百多年來首次選用的華人面孔！郭子豪不旦擔任A&F的2013春夏廣告男模，亦是該品牌世界巡迴宣傳的模特兒之一，曾在不同城市如芝加哥、倫敦、紐約等地出席開幕儀式。
努力練肌肉練到攞冠軍你估易架咩！
住豪宅 揸靚車
靚仔、大隻仲係高材生，呢個package都仲未夠！因為郭子豪更來自一個富貴家庭！郭子豪父親開廠做製衣起家，現經營時裝貿易生意，身家不容小覷。父母住在大埔康樂園，而郭子豪就大個仔要有自己空間，以月租約三萬五租附近半山的獨立屋龍城堡，豪到爆！閒時唔使開工，郭子豪就揸佢部價值80萬的Audi座駕，去到家人住的康樂園會所做Gym。
唔想「成功靠父幹」
雖然屋企咁富貴，不過郭子豪一直甚少提及家庭背景，保持低調。熱愛幕前幕後工作的郭子豪，讀書時期已經喜歡攞住DV四圍拍，曾專程報讀演藝學院的導演課程。之後佢開設製作公司，幫過馮允謙拍微電影，講到明唔想「成功靠父幹」！
何雁詩
何雁詩有個做生意的富爸爸，早在她參加《超級巨聲》的時候，每次都有司機接送，何雁詩家住大埔滌濤山，自己喺奧運站浪澄灣有一個八百多萬嘅物業揸手，唔止養得起自己，養埋男友都綽綽有餘，阿Fred唔使憂啦！
邵珮詩
14年港姐冠軍邵珮詩䣃任後拍過《潮流教主》、《愛回家之八時入席》等劇，雖然工作量不多，但原來她頭不小，是維他奶創辦人之一邵蔚明的曾孫女。
王卓淇 父親東莞設廠
14年港姐亞軍王卓淇父親是護膚品生產商，前年在東莞落成逾50萬呎廠房，規模十分大。王卓淇自己亦能手持大角咀一號銀海及廣州白雲區600萬物業。
無綫劇《果欄中的江湖大嫂》內王卓淇同惡人阿媽甄詠珊相依為命要捱窮，現實中王卓淇家底豐厚、一個手袋已經係無綫姐仔幾個月人工，盛傳佢拍劇愛炫富、開工有幾個跟班，排場架勢似大小姐！
王父在東莞有萬呎廠房經營護膚品生意，為王卓淇買車買樓留港發展演藝事業！
張寶兒 張寶欣
張家兩姊妹分別於2016、2017年參選香港小姐，兩人皆奪得「友誼小姐」的獎項。姐姐（張寶兒）加入了溏心風暴的拍攝，而妹妹（張寶欣）仍在藝人訓練班中學習。麥明詩是姐姐的朋友，而兩姐妹出身於大富之家，父親於禮頓山擁有多個物業，一共擁有至少3億物業，是億萬千金，貴氣逼人。
張寶兒除了是《學是學非》的「是非精」之一，與TVB當紅小生袁偉豪已是公開的甜蜜一對！
簡淑兒富貴住豪宅
新一代宅男女神簡淑兒(Jessica)又靚清純，不過睇番佢當年選港姐的舊照，同依家分別真係好大喎！查實Jessica係一名富家女，家族經營珠寶金飾生意，佢亦曾經幫屋企生意做生招牌，而佢自己就同家姐住喺九龍站豪宅凱旋門，名副其實係賺錢買Bra戴！
出身自組合「少女標本」的簡淑兒，自從喺《愛‧回家之八時入席》中飾演秘書Elsa後備受關注，招牌腰果眼、甜美笑容加上密密短裙露長腿成為觀眾討論焦點。喺《平安谷之詭谷傳說》中簡淑兒飾演一個天真可愛的小女孩淼淼，不過就有個獸父鄭子誠，仲差啲被侵犯！紥一對孖辮、楚楚可憐的樣子，真係無得輸！
《波士早晨》係處女劇
《波士早晨》中，簡淑兒飾演成日撞板甩碌嘅年輕OL Hana，其實套劇早係三年前拍下，仲係簡淑兒拍嘅第一套劇！
《波士早晨》男主角方面有黃智賢、洪永城等，吸引力一般；反而女演員陣容更吸引！除了人見人愛的Ali李佳芯、好耐無拍無綫劇的陳慧珊外，觀眾在同一時間又見到簡淑兒！今次簡淑兒飾演一個初級秘書仔，怕怕醜又驚青咁，由佢演繹就適合不過！
而佢喺《迷》入面飾演田蕊妮女兒Chloe，角色設定係一個中學生，雖然佢真人同阿田只係相差13歲，但完全冇違和感！
妝頭出事？
但回到2012年簡淑兒選港姐時，實在只可以用一個四字詞：「其貌不揚」，細眼、扁鼻兼顴骨又大，難怪頭圈已經被淘汰。事隔6年面目全非，愈大愈靚，簡淑兒就曾經解釋係當初官方妝頭出事喎！
原來係富家女
由美國回流返港的簡淑兒，入行以來都甚少談及自己的家庭背景，只知道佢有6兄弟姊妹，但原來佢家境相當不俗！簡淑兒父母經營珠寶生意，在上水及將軍澳都有專門店。另外喺紅磡一幢工業大廈亦購入兩個單位作寫字樓，生意規模唔算細。簡淑兒亦曾經幫屋企生意做生招牌，擔任代言人兼模特兒，甚至贊助過TVB及亞視藝人鑽石首飾出席活動。
簡淑兒 強調自己純天然
簡淑兒之前出席活動，被問到疑似變樣的傳聞，佢就話用人生最核突的舊照同現時相比，分別當然大，所以點講都冇用。之後佢強調自己係純天然，自己選美後就去拍劇，如果有整大家都會留意到。但問題係，依家真係好多人留意你唔同咗樣喎……
提到被爆係有錢女，佢就話屋企只係做一啲小生意，自己出入唔會有司機接送，平時返電視城或者出席活動都係搭巴士。另外又稱自己雖然同家姐住，但就唔係住凱旋門，絕對唔係有錢女。
羅天宇燒烤場太子爺
08年港男羅天宇主演《愛·回家》成功入屋，原來佢媽咪係靠做生意及炒樓起家，現時主力經營位於西貢嘅4萬呎燒烤場以及茶餐廳生意。
謝東閔 按摩店老闆
參加《超級巨聲2》入行嘅謝東閔，近年演出過唔少劇集，原來佢家境亦不俗，爸爸開髮型屋，媽媽就開外傭介紹所，自己亦喺美孚開按摩店。
朱智賢 車行太子女
2013年落選港姐朱智賢 (Ashley)係謝東閔女友，佢去年在J2旅遊節目《3日2夜》大騷身材而人氣急升，狂騷32C上圍加長腿被獲封為新咪神，原來佢父親開車行，亦係太子女一名。
豪放女唔錫身
朱智賢參選港姐前曾經做過空姐，之後在一間財經公關公司做公關，加入無綫後毫不吝惜身材，拍節目着三點式當食生菜。現實生活中的她亦好豪放，不時穿bra攬狗晒床照，又或者只圍浴巾出鏡一樣冇所謂。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
