鋪鋪Poker｜陳曉東自爆因一事差啲盲？治療過程超恐怖

陳曉東體質敏感玩手機險盲？

因逢玩必輸所以被郭偉亮Eric戲稱為「慈善賭王」的陳曉東，剛完成香港演唱會，他表示自己體質比較敏感，臨近開演唱會的日子，聲線就會開始沙啞，要到醫院打開聲針。又指試過有次險盲同玩手機有關，他忠告玩手機時一定要開燈︰「嗰次喺橫店拍戲休息，冇開燈情況下睇手機，睇完手機，個人暈暈哋即刻去廁所嘔，上網睇懷疑係急性青光眼，仲話唔及時醫治，兩日內可以失明。」之後視力越來越模糊，有如在水入面看東西一樣。完成最後一場戲後，一行人即刻出發到上海，去到醫院已經凌晨時份。幾小時的車程內陳曉東自言想了很多事，最擔心是失明。

直言醫治過程超恐怖

去到醫院二話不說，醫生先替他打了支類固醇，即時反應是現場開了燈一樣「光晒」︰「眼壓即刻低返，照完CT Scan仲嚇死你，隻眼角膜壓彎到超出屏幕顯示範圍。」要徹底醫治惟一方法，是直接將藥打入眼，才一勞永逸。聽見都痛，在沒有選擇下，由麻醉到在雙眼注射藥物，陳曉東形容都非常恐怖，特別是看著支針打向隻眼那一刻，整個人繃緊。若果不是雙手被扣着，他笑言擔心自己會打醫生一搥。

師兄自爆搞笑扮喊執生

三位唱家班主力吹水，poker只是其次。他們講到台上「蝦碌」執生事件，師兄話最難忘有趟，在一個過萬人大騷出場，唱到中途忘記歌詞︰「好大段，作都作唔到，已經尷尬到低頭𦧲都唔得，好在有現場fans喊，我咪扮感動喊埋一份，先過到關。」他們笑言「扮喊」好使好用，另一招歌手慣用技倆就是「對咪一齊唱」︰「遇到個音太高唱唔到，最簡單咪『對』個咪向住現場觀眾，叫佢哋一齊唱囉。」

陳曉東一行為令Eric大感無奈

陳曉東最後無負「慈善賭王」美譽，被Eric一鋪清袋。最後大贏家落在Nicole身上，今次大懲罰非常簡單，不過重點是陳曉東原來不曉規距，自己摸完後，直接將懲罰物從箱中拿出，其他輸家變相不用罰，搞到主持Eric很無奈。